قصة سعود الأمه سعود الوطن سعود الهيلا

[العــــــــابر]

السلام عليكم ورحمة الله وبركاته

قصة سعود الحافي العتيبي

بدأ ظهوور المذكوور صاحب الجدل الواسع محترف الشعر واسد عتيبه

بدا الشعر في عام 1424 هــ بداية الشاب البدوي البسيط المتواضع

صاحب الظرووف والهموم الكبيره لاكنه صاحب الهمه والعزه البدويه

وكان له ظهوور وتواجد ودور ايجابي في كافة محافل القبيله

واذكر منها بايجاز برنامج شاعر المليون الاول وكان الدعم هائل

للشاعر يوسف العصيمي ومن خلال مخيم الشاعر سلطان الجلاوي

سهم عتيبه الذي اقامه دعما للشاعرنا يوسف العصيمي.

فوضع له موقف وبصمه شرف القبيله وشرف نفسه عندما حتم عليه

الموقف قول القصيده التي تناولتها المنتديات ومواقع الشعر بكثافه

مستغربه فكان الرجل الذي لم يحسب حساب شي بل وجد نفسه

امام عتيبي تعرض للظلم فنصره بقصيدة عصماء حفظناها باجهزتنا

وتغنينا بها ايام وليال.لان الرجال مثل سعود الحافي العتيبي رجال مواقف

لايهابون نبش الاكفان ولالومة لائم في حمياهم.

كان لسعود الحافي العتيبي اكثر من ظهوور مشرف في اكثر من محفل

ولاكن ابرزها ملتقى الهيلا العالمي عندما القى قصيده امام الملايين

قوامها ستين بيت وكل بيت عن قصيده في قبيلته وفي موقعها الرسمي.

لانقول شكرا ولانمدح لان هذا واجبه تجاه قبيلته ولاكن نذكر محاسنه.

ظهر بعد ذلك سعود الحافي العتيبي بقصائد عرفت بقصائد الصحراء

لانها عرضت على قناة الصحراء.

ومنها القصيدة العصماء في رسول الامه صلى الله عليه وسلم والذوود

عنه .وتواصل الظهوور المشرف لشاعرنا ومواقفه المميزه فكان حاضرا

ايضا وداعما بجوار شاعرنا سلطان المنصوري في شاعر المعنى.

ملاحظه لم نرى اي تصميم للشاعر سعود الحافي العتيبي لو من باب الدعم المعنوي فقط.

سعود الحافي العتيبي اسم كبير يستحق الكثير

ساهم كثير من ابناء القبيله في حث الشاعر على الدخوول في برنامج

شاعر المليون .البرنامج اعلاميا يكفي للنجاح شاعر مبدع ويخدم اعلاميا

وافق سعود الحافي العتيبي على دخوول البرنامج بكل شجاعه وجرأه

واعد العده بقصايد ومواقف كبيره وكل همه ليس البيرق بل التشريف

للوطن والقبيله وهذا كان همه وديدنه دائما.

سعود الحافي العتيبي شرف الوطن وشرف القبيله وشرف امته

وكان هذا واضحا وجليا توقع سعود الحافي العتيبي الاسواء من اخراجه

للتصويت في قائمة 48 ولاكنه حمل هم الظهوور المشرف فقط لاغير

فجأت القصيده وهي ليست قصيده واحده بل ثلاث قصائد كانت اكثر

ممانتمنى شعرا وجرأه وجزاله وادبا وحضورا مشرفا.

هذا ماكنا نتمنى وحصلنا عليه يالهيلا.

واجبنا نحو احد ابناء القبيله المشرفين والمتوقع لهم مستقبل باهر

الدعم بكل ماتعنيه الكلمه ولا اقصد الدعم المادي حتى لايفهمني

بعض الاخوان خطا بل على الاقل نحميه ممايقال عنه من تهكم بين

الفينه والاخرى .

والبعض يكتب اسمحلي ياسعود ماراح اصوت والبعض يقول خفسوبه

والبعض يقول نشن حرب ولانكتب عن مواضيع المسابقات.

بالرغم من ان الشاعر سعود الحافي العتيبي لم يطلب التصويت من كائن

كان.

تواجد سعود الحافي العتيبي في اغلب منتديات القبائل الاخرى

ولم اجد سوى المدح والنقد الهادف والدعم بكافة انواعه.

شئ مشرف ان نرى غيرنا يهتم بابنائنا؟؟؟؟؟؟؟؟؟؟؟؟؟؟؟؟؟

كلامي مقصده اللي براسه نقد او نية هجوم شرس فالافضل ان

نرجئه حتى نهاية مشاركة شعارنا من البرنامج وعقب ياليت الاقلام

ينطلق عنانها وهذا غير ماعتقد.

الحرص على معنويات الشاعر سواء بقى في البرنامج او خرج منه

هو الاهم بالنسبه لنا لان هالموقع هو سند لكل عتيبي ولكل مواطن

ناجح ومشرف.

سؤال لكل من اراد الرد على هالموضوع؟

هل ترى سعود الحافي العتيبي ظهر بشكل مشرف؟

اكرر مره اخرى ان سعود الحافي العتيبي اصبح له جمهور كبير وقاعده

في كل القبايل .

واذا اراد الباحث ان يبحث عن سعود الحافي العتيبي سيكون الهيلا

اول مكان يبحث فيه.

المعذره على مابدر مني من قصوور.

ماعليه يالربع ركزت كثير على ربط كلمة دعم بمعنوي حتى لا افهم غلط

واصبح داعيا لامور لاتحمد عقباها

محبـــــــــــــــــــــــــكم العـــــــــــــــــــــــــــــــابر

[مرزوق حمدان العتيبي]

..
.
اشهد بالله ان الشاعر المبهر سعود قدم
الابداع بكل صوره وشرف قبيلته في مشاركته في شاعر المليون
واضاف لشاعر المليون توهج لايقدمه الا سعود ..
...
نعلم انه ظلم من لجنة التزلف والتخلف ولم ينصف منها
كما انصفه الجمهور بكل انتماأته ..

نتمنى له من الله التوفيق ...
والحقيقه انه قد حمل البيرق في قلوب
كل المتذوقين للشعر الحقيقي ..
..
لاهنت يالعابر
...

[الرويس 999]

ماقلنا خفسوا به تقليل من ولدنا جعله بسلم ويبقى ذخر للقبيله كافه

لكن تأكيد على نوايا اللجنه بتحويله للتصويت

سعود المفروض دايركت على كلامه لل 24

لكن حنا كيف نواجه لجنه تبغى فلوسنا ومافي وجهها حيا

اللي يستحي تقدر تسايره وتاخذ حقك منه

لكن اللجنه ماتستحي وكلنا شفنا صفاقه الوجه عندهم يوم حولوه

حتى المذيع قالوا له احمس الربع

لأنه ماهو قادر كيف يبط بها قدام الجماهير

تحويله للتصويت ماتنبلع طال عمرك

وهذا اللي قهرنا


تبينا نرمي الملايين في حظنهم

وحنا عارفين انهم ان ماعكرفوه الان بيعكرفونه في ال 24

[@ـايل]

سعود الحافي العتيبي ... شرف قبيلته ...وهذا يكفي ...فهو مكسب للقبيله بدون قصور فالباقين ...

والكل منا رأى ما صنعه سعود الحافي في شاطئ الراحه ...فنحن نتمنى له التوفيق سواء في البرنامج او خارج البرنامج ...ولاهنت يالعابر...

[عقاب بن سقيان العتيبي]

والله ياخوي العابر الحقيقه سعود شاعر متوقد جدا...
واصبح شمش لاتغطى بغربال...
ولاعندي شهاده لسعود نحن نريد شهاده من الشاعر سعود الحافي
ولا نقول الا الحق فقط(انت شاعر المليون الحقيقي)........
اما الفوز المشترى بالفلوس فهذا فوز الفلوس.. وليس فوز الشعر..
بيرق الشعر يؤخذ بالشعر فقط.. فقط.. فقط.. فقط.. فقط.. فقط..
كما اخذه ابن عمه شاعر الوطن خلف بن هذال الحافي

[زيزوم ربعه]

قسم بالله اني حبيته من اول ظهور له


على شاشة التلفزيون في حلقة الرياض


رجل بمعنى الكلمه



وقصيده جزل


اتمنى له التوفيق من اعماق قلبي


ارقاء سنوووووووود ياسعوووووود

[البدر2006]

علم الحافي ياسلمان قل يرقى سنود=لايهمه كل غاوي لامنه غوى
والله انا مانخليك تزعل ياسعود=مانقص ميح السواني عطى عد الروى
من تقدم من عتيبه يحصلنا جنود=ماتغيرنا المناصب ولو رتبة لوا
انت نجمك مايعطى مثل سعد السعود=انزع الضيقه بكفك وعرضها الهوى
الشاعر/عماد الدلبحي
.................................................. .......

ياربعنا العتبان ياهل الشكاله=تصويتكم مطلوب بالفرد والجوز
لوكل واحد بس يرسل رساله=يبى يفوز سعود وعتيبه تفوزالشاعر/راجح المغيري
.................................................. ......


كل الشيابين في صفك يابو سالم=العزوه اللي يعز الراس طاريها
اللي سواتك تبى تصوتله العالم=يكفيك بانك جميع الناس مرضيها
الله حسيبي على اللي كان لك ظالم=الله ينصرك واللجنه يجازيها
البارحه في منامي كنت انا حالم=ان الذمم بعض خلق الله يهفيها
الشاعر/محمدسلطان الشيباني
.................................................. .......



ياسعود ابن سالم على كل الاحوال=شرفتنا تشريف والراس طايل
اسمك يسجل في سجلات الابطال=وشعرك يسوي بالعقول الهوايل
شاعر ولك في قمة الشعر منزال=غصبن على الحساد والشك زايل
وحنا معك بالوجهه والجاه والمال=ربعك عتيبه بالصفوف الاوايل
وقفاتنا وقت الطلب وقفة جبال=وحضورنا وقت المواجيب هايل
ماضي وحاضر ماتغير ولازال=نجب الاصايل دايم الدوم اصايل
اقول كلمة حق والحق ينقال=عتيبه الهيلا عمى كل عايل
الشاعر/سعود الكرشمي
.................................................. ..................


بيض الله وجهك يالعابر على الموضوع الوافي والكافي

وعزالله ان جيت على الجرح الدعم المعنوي هو الاهم في هالوقت

وسعود شرفنا شاعر وكفوا.

هذه قصايد من بعض شعار عتيبه اوردتها في هالموضوع .

حتى تعلم ان الهيلا تقف مع ابنائها .

الاخ الرويس 999 حياك الله

اخونا العابر لم يطلب التصويت ولا الملايين بل طلب الدعم المعنوي

فقط لاغير وهذا شي يعود على واجهة المنتدى وخصوصا انه يمثل القبيله

وهو موقعها الرسمي.

تقبلوا تحيات اخوكم البدر2006



.................................................. .......

[صقر النواصر]

تسلم يا أخي العزيز العابر على موضوعك في حق الشاعر المتوهج حقاً سعود الحافي

وألف شكر على استعراض جزء من مسيرته في عالم الشعر والادب .وتسليط الضوء عليها ..
وله من أبناء عمومته كل الحب والتقدير وحقاً كما قال عزيزي مرزوق بن حمدان هو تأهل في قلوب الكثير وحمل بيرق الشعر الحقيقي لدى جمهور الشعر الحقيقي من عتيبة وغير عتيبة ...وتجاوب وتفاعل جمهور المسرح مع سعود خير دليل .. وهو المعيار الحقيقي للقبول الشخصي والشعري الذي يتميز به سعود الحافي عن السواد الاعظم من الشعراء .... وصدقني البرنامج هو الرابح من تواجد شاعرنا العزيز ...
على أية حال ياعزيزي .. شاعرنا العزيز قدم نفسه أمام الجمهور العربي خير تقديم .. ومثل قبيلته خير تمثيل .. وبيض الله وجهه ..والوصول إلى الجمهور الكبير واختصار طريق الشهرة هو أحد أهم الأهداف ..

أخيراً ياعزيزي .. ألف شكر لك على التركيز على الدعم المعنوي وإحترام عقول من يرفضون فكرة التصويت من أساسها .. فمن يرفض مبدأ التصويت لايعني أنه يقف في الجهة المقابلة .. جهة الضد ....
وأثق بأن النجم الساطع سعود الحافي يحمل نفس الرأي ويحترم عقول من يرفضون مبدأ التصويت على إطلاقه لأي شاعر كان حتى ولو شاعر الوطن أو شاعر عتيبة ..ولا يقتضي رفض الكثير لهذا المبدأ على إطلاقه تخليهم عن شاعرهم ... وهو حسب رأيي المتواضع من أفضل شعراء عتيبة الذين مروا على البرنامج في نسخه الثلاث ..

والله ياخوي العابر الحقيقه سعود شاعر متوقد جدا...
واصبح شمش لاتغطى بغربال...
ولاعندي شهاده لسعود نحن نريد شهاده من الشاعر سعود الحافي
ولا نقول الا الحق فقط(انت شاعر المليون الحقيقي)........
اما الفوز المشترى بالفلوس فهذا فوز الفلوس.. وليس فوز الشعر..
بيرق الشعر يؤخذ بالشعر فقط.. فقط.. فقط.. فقط.. فقط.. فقط..
كما اخذه ابن عمه شاعر الوطن خلف بن هذال الحافي
حقاً لايمكن تغطية الشمس بغربال .. ولايمكن أن تغطى شاعرية سعود وقبوله بعدم نزاهة لجنة لها حساباتها المختلفة
بيرق الشعر يؤخذ بالشعر فقط .. وسعود الحافي يمتلك الكثير الكثير من رصيد الشعر والادب .. وأكرر بأنه من أفضل الشعراء من عتيبة وغير عتيبة الذين شاركوا في البرنامج بكل نسخه .. ويتميز بالكثير الكثير .. ومنها القبول الاجتماعي ... والشعري

الله يوفق شعراء عتيبة نايف وسعود وفالح .. ونحن معكم بكل صدق أثناء البرنامج وبعد البرنامج

[الحدب]

الله يوفقه ويسهل أمره

والله ما ودي دخل هالمسابقة الكذابة

مشكور أخي الكريم على الموضوع

[ابو محمد الدعجاني]

اخوي العابر والله اني افرح لاي عتيبي يرفع راس قبيلته في كل المحافل واتنومس فيه الشاعر سعود شرف القبيله في البرنامج ويستاهل البيرق بكل المقاييس ولكن هناك شي يجب ان يحسب حسابه الشاعر حتى لا ينافق على نفسه ويوضع نفسه في موفق حرج ..


البرنامج ظلم شعراء القبيله وكل الشعراء ذموا البرنامج والشاعر سعود ذم البرنامج وهجا اللجنه القائمه عليه يعني بالعربي الفصيح سبهم ومهوب معترف بشاعريتهم ونقدهم اللي مثل وجيههم ليه يشترك بالبرنامج ويخضع شاعريته الفذه تحت سيف هي اللجنه اللي هو ما يراها شي ؟؟؟ هل ترا هذا من بعض اساليب النفاق ام انا غلطان

[العــــــــابر]

مرزوق حمدان العتيبي

الله يزيدك شرف ويبيض وجهك وفعلك ينومس

وسعود الحافي العتيبي يستاهل كل خير


وهالموضوع وتثبيته اثلج صدورنا وطيب جزء بسيط من خطرنا

حياك الله ياغالي

[العــــــــابر]

الرويس 999

ماتلحقنا الشكات فيك ياغالي

لاكن مقصدي نفكر في الاهم وهو الاشاده بشاعرنا وتقييم المستوى


بشكل هادف وناجح.


لم اوجهه لك دعوه للتصويت ولا لأي شخص اخر

حياك الله ياطيب ونورت الصفحه

[العــــــــابر]

هايل العتيبي

دايم هايل بتفاعلك ومواقفك اللي تشرفنا جميعا

الله يزيدك شرف وكلامك عن سعود في محله

والاهم التشريف


دمت بود

[العــــــــابر]

عقاب بن سقيان

احسنت في طرحك يالذيب وهذا اللي نبيه

سعود باذن الله شاعر بيرق الشعر الحقيقي

وباذن يواصل تالقه

دمت بود

[ابو فايح]

الحقيقه شرف ووطنه وقبيلته ولكن اللجنه تريد فلوس الشعب السعودي ولكن ان تاهل او خرج فهو

شاعر الوطن القادم

[سطام العفار المزحمي]

الشاعر سعود الحافي كانت قصيدتة جميلة جدا

وهو شاعر كبير ورائع جدا

ولكن امنعونا من التصويت من غير مجاملة

لان الشاعر وصل للجماهيرية المنشودة

[تركي النخيش]

شاعر الوطن القادم

بيض الله وجهه.....وصدقونى ان الكل من كافة القبائل اعجب بسعود وهذا ما يبحث سعود عنه...

حتى لو خرج سعود من المسابقه فهو من كسب الكثير الكثير من هذا البرنامج وهو من من جعل الجميع من كل القبائل تعرف سعود وتتابعه..

[ابراهيم الزراقي]

بيض الله وجهك يالعابر على الموضوع المميز

وسعود شرفنا خير تشريف ومن واجبنا الوقوف معه والتصويت له

فهو منا وفينا وفوزه يعتبر فوز لنا جميعاً

[العــــــــابر]

زيزوم ربعه

كفو كفو كفو يالذيب

ردك ينومس وعلمك غانم

[العــــــــابر]

البدر بيض الله وجهك على النقل الرائع وهالابيات الجزله

كفو يالهيلا كفو

لاهنت يالذيب

[العــــــــابر]

صقر النواصر

انت بمثابة اخوي والله يعلم ويشهد علي

ويعلم الله اني فرحة بردك فووق ماتتخيل ويعلم الله بعد انه شرف لي

اشووف ردك على موضوع لي.

تعليق رائع مكتمل خبئ جزئيات بسيطه ولا اعلم الاسباب

صقر النواصر مهما كان ردك ووجهة نظرك فانا باذن الله احترمها

سعود يستاهل ويكفي انك من ربعه

والهيلا محط احترام وتقدير للجميع

ويعلم الله ياصقر النواصر ماطرجت هالموضوع للتصويت بل للدعم المعنوي

حتى ان الشاعر يخرج من الضغط الكبير.

اسف على تقصيري

[رمح برقاا]

الله يعطيك العافيه على موضوعك

بصراحه انا معارض للتصويت لاكن والله العظيم ان سعود يبيض الوجه والله انا لنصوت له غصب علينااا كذااا غصصب والله يبيض وجهه ويستاله التصويت لأنه يشرف وحر من نسل حرار وسلامتكم

[مركز المعلومات]

بيض الله وجيهكم يالهيلا ولاهيب غريبه

كفو يالعابر لاهنت يالغالي

الله يوفق سعود والله انه يستاهل كل خير

[صقر النواصر]

صقر النواصر

انت بمثابة اخوي والله يعلم ويشهد علي

ويعلم الله اني فرحة بردك فووق ماتتخيل ويعلم الله بعد انه شرف لي

اشووف ردك على موضوع لي.

تعليق رائع مكتمل خبئ جزئيات بسيطه ولا اعلم الاسباب

صقر النواصر مهما كان ردك ووجهة نظرك فانا باذن الله احترمها

سعود يستاهل ويكفي انك من ربعه

والهيلا محط احترام وتقدير للجميع

ويعلم الله ياصقر النواصر ماطرجت هالموضوع للتصويت بل للدعم المعنوي

حتى ان الشاعر يخرج من الضغط الكبير.

اسف على تقصيري


أولاً .... ألف ألف مبروووووووك لتأهل الشاعر العفوي سعود العتيبي للمرحلة القادمة .. وقد سبق أن قلت لك ياعزيزي العابر . بأن البرنامج هو الرابح من مشاركة سعود الحافي .. ولن يفرط البرنامج في ورقة رابحه له ستزيده شهرة وقبولاً لدى متابعي الشاعر والأدب في الوطن العربي ...

وقد قال عزيزي العضو (otaibah) في موضوع آخر بأن سعود الحافي هو نكهة البرنامج وسيحتفظون به للمراحل القادمة لأن البرنامج سيفقد الكثير بخروج سعود الحافي .. والحقيقة أنا كنت أرى هذا الرأي قبل حتى مشاركة سعود الحافي .. والكثيرون يرون بأن البرنامج سيفقد الكثير حال خروج سعود الحافي لانه منح البرنامج مذاقاً وطعما خاصاً ..... ولن يستطيع أي شاعر أن يملأ الفراغ الذي يتركه سعود الحافي .. هذا إعتقادي وظني وحتى لو لم يصوّت ولا واحد لسعود الحافي فسيحتفظ به البرنامج للمرحلة القادمة لأنه يمنح البرنامج نوعاً من القبول الجماهيري .... وربما هذا من توارد الافكار والخواطر مع عزيزي العضو عتيبة .

ثانياً ... الله يزيدك شرف ياعزيزي على هذا الشعور الطاهر تجاهي وعودتني على هذه العاطفة الصادقة .. النقية البيضاء .. وربي يرفع مقامك كما رفع السماء .. ويتقبل منك الدعاء .. ويطوي سجل صحفك نقية بيضاء.... وصدقني انا الرابح الحقيقي من الأخوة بيننا .. وعندما تبادرني بهذا الشعور الطاهر في كل مشاركة يزيدني سعادة وفخراً ... وأنا من يتشرف حقاً ياعابر بك أخاً ... وبجميع الأعضاء مهما إختلفنا معهم في الآراء ....فالاختلاف سنة كونية ياعزيزي .. واختلافي معك في قضية التصويت لايعني ان نناصب بعضنا العداء ...ولايعني استحالة ورفض الاخوة بيننا فنحن لم نخلق مستنسخين من بعضنا .. لسنا نسخاً مكررة طبق الأصل ... فكثيراً ما اختلف الاشقاء والاصدقاء . لكن ستبقى روح الاخوة والصداقة بيينا جميعاً إن شاء الله في هذا المنتدى ..

أشكرك على الثناء على تعليقي .. لكني لا أعلم أي جزئيات أخفيتها تقصد ؟ .... وللأمانة أنا لم أشاهد البرنامج ولا حلقة سعود الحافي في يومها ... ولم أشاهد الإعادة إلا ليلة البارحة الاربعاء على قناة البرنامج وأيضا في وقت متأخر .
ومع أني علقت في أكثر من موضوع على مشاركة سعود لكن صدقني كان تعليقي مقتصراً على ماشاهدته في موضوع (سعود الحافي يظهر الخافي) للعضو العزيز عتيبة .وعلى أساس ماشاهدته في لقطات قصيرة لسعود على اليوتيوب .. وكانت لقطات مختصرة جداً ولم أرى تفاعل سعود مع اللجنة وخصوصا الثعلب المكار حمد السعيد ، كان عن طريق اليوتيوب فقط الذي لايعرض المشاركة كلها ... وبصراحة عندما رأيت في حلقة الإعادة البارح قصيدته وتفاعله مع اللجنة كان لدي بعض الملاحظات حسب رأيي المتواضع خصوصاً على مداخلاته مع اللجنة واحببت ان اؤجلها في حال تأهل فقط .. والحمدالله أنه تأهل ومرة اخرى الف مبروك ..

أعتقد أن النقاش مع اللجنة في كل شئ والتعليق كثيراً معهم من اخطاء بعض الشعار ...... وأتمنى أن يقتصر الكلام مع اللجنة على الجواب فقط أو التعليقات الضرورية ..... والتعامل مع اللجنة برسمية وقلة كلام وحذر اظن انه أفضل للشعراء امام الكاميرا ... وأيضا ياعزيزي محاولة إسكات الجمهور وايقافهم عن التصويت بدعوى المحافظة على الوقت هذا من الاخطاء حسب رأيي .. فالوقت ليس من عمل ولاصلاحيات الشاعر ..ولا وش شغلة المخرج ؟ ..وعسى الجمهور يصفق الليل كله عشاني بالعكس هذا مما يسعدني كشاعر .. ويضيف معيار آخر للجنة حين ترى مدى القبول الجماهيري الذي يحضى به الشاعر .. وربما يزيد من الضغوط على اللجنة لتقييم الشاعر بنزاهة واخلاص وعدم هضم حقه ...

حمد السعيد
يعطيك من طرف اللسان حلاوة.. ويروغ عنك كما يروغ الثعلب
أتمنى أن يكتفي سعود بالجواب المختصر جداً فقط على أسئلته أو كلمة ورد غطاها بس ...وحمد اللسعيد له طريقته المميزة والملتوية في التهكم بالشاعر وتعريضه للحرج مع أنه مجامل لأبعد الحدود ولانسمع من نقده إلا بيض الله وجهك فالك البيرق ..انت كسر تيم بالاماراتي .. مامثلك احد ....تعليقاته المعهودة التي حفظناها على القصيدة .... لكنه له طريقته الناعمه جداً في الظاهر والخبيثة في الباطن ... فاحيانا يمتدح وهو يقصد التهكم وقد لاحظت ذلك في الكثير من حلقات التصفيات .... والخطأ من الشاعر أمام الكاميرا قاتل أحياناً وأنت تعرف ذاك الشاعر الذي تبرأ من خطئه ورمى به على ظهر الناسخ وكيف صارت هذه التبرير مادة دسمة لتهكمات الصحفيين وجعلوا منه قضيتهم الاولى والاخيرة .. والصحفيين مايرحمون اذا صادوا على احد خطأ ..يحطون من الحبة قبّة .. ياطول السنتهم ياعزيزي فاضين شغلتهم اجترار الكلام بس ..

ثالثاً .. ياعزيزي العابر لاتكن خوّاف زيادة عن اللزوم على شاعرنا سعود الحافي ..... فلا مبرر أبداً لخوفك عليه ولامبرر أيضاً لخوفه على نفسه هو إذا كان يشعر بالخوف على نفسه والضغط الكبير ..... من يأسره الخوف ياعزيزي العابر فإنه يفشل عن الإبداع والنجاح .....دعه حراً طليقاً فلايمكن للشخص أن يبدع إلا إذا تحرر من قيود النفس كلها من خوف وارق وتوتر واكتئاب وقلق وارتباك ..... وسعود الحافي شاعر الفطرة والطبيعة وعلى السليقة ولايعاني حسب مارايت من ظهوره من كل هذا بل كان على طبيعته وفي قمة تألقه الشعري في قصائده كلها التي ألقاها ومنها (جني تحدى جن مجنون ليلى :) ) .. وأيضا القصيدة الرئيسة .. وأيضاً قصيدته عن الخنزير بوش والصحفي منتظر الزيدي ..... ولله دره عندما تعمد ان يلقي هذه القصيدة التي تعزف على وتر الجمهور العربي بهذا الموضوع .. فهذا من الذكاء الذي يحسب للشاعر ........
فقط ملاحظاتي حسب رأيي البسيط هي ماسبق ان ذكرته .... وإن رأيت صحتها بإمكانك نقلها لسعود ..... وفي النهاية نحن نتعلم من بعض ياعزيزي العابر ..


أخيراً ياعزيزي .. ألف شكر مرة أخرى على طرح هذا الموضوع للدعم المعنوي وليس للتصويت كما تقول .. وهذه من بركات موضوعك حقاً وتركيزه على الدعم المعنوي ولذلك فاز وتأهل شاعرنا المبدع سعود .. ومادري عن البرنامج هذا هو ماشي بالمقلوب ولا ايش ؟.... اذا تداعينا وشدينا أحزمتنا للتصويت فإن شاعر عتيبة يخرج ولا يتأهل .... .. وإذا ركزنا على الدعم المعنوي دون التصويت فإن شاعر عتيبة يتأهل :) ...
بكل صدق نحن مع الدعم المعنوي لشعرائنا والدعوات الصادقة .. وخلونا على الدعم المعنوي والدعوات الصادقة صدقوني بنفوز:) .. وتسليط الأضواء على بعض أخطائهم ليتفادوها ... حسب إجتهاداتنا

تقبل مروري ياعزيزي العابر .. وتقبل صادق تحياتي وخالص ودي .. وأراك على ألف خير
صــقــر العــتــيبي

[من عيني]

صدقت اخوي العابر فيما ذكرته وسبق انني ذكرت
في احد الردود منما تعرض له الشاعر الموهوب والمبدع سعود
من ظلم من قبل قرار اللجنه بسبب تفوقه بالمقدره الشعريــــه
الفطريه عليهم كانت قصيدته صفعه لهم ومفاجئه ذهوليه شاهده
الجميع على وجوههم دون استثناء حضور واداء ومعنى متفـــوق
وانا اجزم لو اجتمعت اللجنه لمدة سنه كامله على ان يعملـــون
قصيده بنفس المستوى لا عجزو عن ذلك وكل ذو نعمه محسود
واخيراّ اقول بيض الله وجهك على طرحك الراقي والمنطقـــــي
في نفس الوقت ووفق الله شاعرنا وابن قبيلتنا لما فيه الخيـــر
والله معكم ........... ثمـــا ..... نحـــــن معكــــــم

[مرزوق الجعيد]

شاااااااااااااااااااااااعر

لا يختلف عليه اثنان

ونال اعجاب الكثيرين حتى من القبائل الاخرى

[العــــــــابر]

الحدب حياك الله

المسابقه بغض النظر عن كل شي

اصبحت اسهل طريقه للوصول للجماهيريه المنشوده

[العــــــــابر]

اخوي العابر والله اني افرح لاي عتيبي يرفع راس قبيلته في كل المحافل واتنومس فيه الشاعر سعود شرف القبيله في البرنامج ويستاهل البيرق بكل المقاييس ولكن هناك شي يجب ان يحسب حسابه الشاعر حتى لا ينافق على نفسه ويوضع نفسه في موفق حرج ..


البرنامج ظلم شعراء القبيله وكل الشعراء ذموا البرنامج والشاعر سعود ذم البرنامج وهجا اللجنه القائمه عليه يعني بالعربي الفصيح سبهم ومهوب معترف بشاعريتهم ونقدهم اللي مثل وجيههم ليه يشترك بالبرنامج ويخضع شاعريته الفذه تحت سيف هي اللجنه اللي هو ما يراها شي ؟؟؟ هل ترا هذا من بعض اساليب النفاق ام انا غلطان

مايلحقني الشك في حمياك اخوي ابو غزاي الخظري

وبيض الله وجهك بالاشاده الكريمه والاهم انه شرف ربعه

نعم البرنامج ظلم الشعر وليش شعراء القبيله فقط وسعود سب البرنامج

لان الموقف حتم عليه فزعه ونصره لبني عمه.

وسعود فعلا ماهوب معترف فيهم ولاكنه ياخي الكريم قصر على نفسه

مشوار طويل من الشهره هذا اولا فالبرنامج نجح لو على مستوى المتابعه

ثانيا يالذيب سعود سبهم ولاذل وخبى راسه جاهم في عقر دارهم

واحرجهم وفرض نفسه وشعره وهي اهانه لهم وكشف الستار عنهم

بالله وين النفاق في هالشي ياغالي .

لو طلع سعود وصرح ونخى ربعه بالتصويت يعتبر منافق لمصالحه

الشخصيه.

ولم يتخاذل امام اللجنه بل كان رجل بحضوره وقصيده اللي احرجهم

واصبح البرنامج الان يطلب رضى سعود لانه فرض ايقاعه عليهم

وسم ابدانهم بقصايده .

فاخذ منهم مايريد ورماهم خلفه .

هل برايك سعود نافق على نفسه بهذا الشي

ام ذهب للتحدي وحطم كل الاقوال وقطع كل الالسنه

واحرج اللجنه واحرج البرنامج كله

فاصبح الكل يشيد بالسعوديه ويشيد بعتيبه ويشيد بقدرة سعود

الشعريه.

تقبل ردي ياغالي بكل رووح رياضيه

[العــــــــابر]

ابو فايح

كلامك عين العقل ياطيب

والله يوفقك شاعرنا

[العــــــــابر]

سطام العفار


لاهنت على المرور

والتصويت ماهوب مطلب

الاهم التشريف والظهوور الطيب

[العــــــــابر]

تركي النخيش

نعم سعود كسب الجميع ويستاهل

وبيض الله وجهك على الرد الرائع

[العــــــــابر]

ابراهيم الزراقي

كفو يالطيب

شعورك يدل على طيبك وحمياك

لاهنت على المرور المشرف

[العــــــــابر]

رمح برقا

هلا هلا هلا

انت رمح الهيلا كلها

والرجل مثلك في راسه نعاطيس

كفو كفو ولاتوفي بحقك ياغالي

[العــــــــابر]

المروي

اي بالله يستاهل

مرورك شرف الموضوع

[مركز المعلومات]

العابر مبدع وسعود شاعر المليون

[محمد الحميدي]

لاهنت ياخي العابر

وسعود والله مليون نعم

وظهوره مشرف
وشكرا

[عبدالمجيد النفيعي]

أبسط دليل على نجاح هذا الشاعر

محاولة الخبثاء و الأنذال تشويه صورته

:)

[العــــــــابر]

صقر النواصر

حياك الله للمره الثانيه وحياك الله دووم ودايم وانت راع المحل

جميل كل ماكتبت وذكرت وفصلت وايجزت في حديثك الشيق

وكلامك المتزن وصدقت ان الخلاف في وجهة النظر لايفسد مابين

ابناء الهيلا مهما حدث وصار وهذا المفرووض يكون بين كل الاخوان

واشكرك على النصيحه الوافيه والطيبه واللي طلعت من قلب رجل

يكن الحب والحميا للربعه ويبي الظهوور الحسن لهم,

كل ماقلت وكتبت هو محل اهتمام الشاعر سعود الحافي العتيبي

واثلج صدره ايضا ماشاهد .


تقبل مروري ياطيب

[العــــــــابر]

من عيني

احسنت اخي الكريم بما كتبت واجادت به نفسك الطيبه

كم يشرفني ويسعدني مرورك العطر

دمت بكل ود

[مركز المعلومات]

يستاهل صقر الهيلا



تحياتي..............

[العــــــــابر]

مرزوق الجعيد

مرورك غالي مثلك ياطيب

حياك الله وتقبل تحياتي

[العــــــــابر]

انت المبدع يامركز المعلومات

مرورك شرفني حيل

[المرزم]

أخونااااااااا العابر صباح الخير

انا مع الاسف لم اتابع شاعر المليون هذه السنة كثيرا ولكنني شاهدت شاعرنا الكبير سعود الحافي وكان مميزا ومتألقا ولكن لي ملاحظة عليه

اتمنى ان كنت تعرفه عن قرب او احد الزملاء ان توصل كلامي له

هذى اذا اقتنعتوا بما سأتحدث به

بعد التاكيد على انه شاعر مبدع ملاحظتي عليه

هو كثرة الحركة عند القاء الشعر بشكل كبير قد يكون بدون قصد ولكنه مبالغ فيه

كما اني لي ملاحظة اخري وهي ان جاز التعبير العجلة في الكلام والردود مع كثرتها

ما اريد ان اصل اليه هو ان يكون شاعرنا المميز سعود الحافي اكثر

رزانة وثقلا على المسرح (اذا لم يكن قد خرج من المسابقة حتى الان اتمنى ان تبلغوا رسالتي له )

شكرا لك ولاهتمامك

[السامي الجعيد]

~*¤ô§ô¤*~*¤ô§ô¤*~بسم الله الرحمن الرحيم

سعود ظهر بالشكل اللي نعرفه عنه بعيد عن الكبرياء او التصنع او المحاباه

وسعود ابن من ابناءنا ويستحق الوقفه والدعاء له بالتوفيق والسداد

الله يوفقه ويسدد خطاه الى مايحب ويرضى انه على ذلك قدير وبالاجابة جدير لااله الى هو امــــــــيــــــــــــن~*¤ô§ô¤*~*¤ô§ô¤*~

[المزركش]

الله يوفقك يابو سالم

[برق الحويه]

اخوي العابر

اشكرك على الكلمات المطلية بالذهب عن شاعر الهيلا الشاعر /سعود الحافي العتيبي لقد اثبت الشاعر وجوده في ملتقى مزاين الهيلا وفي شاعر المليون وسواء اخذ سعود الحافي العتيبي البيرق او لم ياخذه سيبقى سعود الحافي العتيبي هو شاعر الهيلا ويستاهل اللقب لك مني الشكر الجزيل على طرح الموضوع الراقي عن شاعرنا واقول لكل شباب الهيلا نحن معكم قلبا وقالبا’’’’’’’

تقبلوا تحيات أخوكم / بـــــــرق الحويه

[هايل الهيلا]

الاخ العابر


يعطيك الله العافيه
على الطرح الجميل والله يوفق الساعر سعود بن سالم الروقي العتيبي



وعزالله انه شرف بحضوره الرائع ابنا قبيلته ومثلهم خير تمثيل

وتقبلوتحياتي

[ابو نوووووووف]

ماقصرت ياخوي
ولا يهون (الجمبع)





وسعود هو واجهتنا في شاعر المليون

والله يوفقه
ويسهل دربه

والواجب علينا
دعمه معنويا وماديا

[عيون الحر]

أخوي العابر أنت فعلا مبدع وسعود الحافي
بأذن الله شاعر الوطن القادم
واتمنى له التوفيق ...
تحياتي للجميع ....

[عبيد التميمي]

اشهد بالله ان ممثلنا الشاعر سعود بن سالم الحافي شاعر فذ

وفال ابو سالم البيرق انشاء الله

وان ما خذ البيرق في المسابقه

فهو ماخذ البيرق عندنا كمتذوقين لشّعر

لاهنت يالعابر

[العــــــــابر]

محمد الحميدي

ماعليك زود وبيض الله وجهك

مشاركه رائعه اخي الكريم

[الشرفاني]

السلام عليكم ورحمة الله وبركاته

انتبه من الغدار في لجنة شاعر المليون حمد السعيد اللي قالك قل قصيدة الديك والقطوه ترى قصده تشويه سمعتك ويحاول الصيد في الماء العكر وهذه القصيده مع احترامي لك لا تقال في منابر اعلاميه وابتعد عن التبجيل لهم حتى يكون لديك خط رجعه ممكن ان تدافع عن نفسك اذا ابعدوك واعتقد انك مستهدف من اللجنه عدا بدر صفوق وسر ونحن معك وفقك الله اخوك الشرفاني من الدوادمي العصيمي العتيبي

[من عيني]

ويش الاخبار يالربع حنا انصوت لسعود واشوف التباريك
والتهاني والله اني اختلفت

[العــــــــابر]

عبد المجيد النفيعي

تحيا ودوم يالذيب واشكرك على المرور ياغالي

من واجبي ارد على مشاركتك

[العــــــــابر]

نجم المرزم

يقولون الحركه بركه

حياك الله ياغالي

[العــــــــابر]

السامي الجعيد

انت فعلا سامي اخي الغالي

شكرا على مرورك العطر

وسعود كسب الكثير

[العــــــــابر]

المزركش

الحمدلله ان وفق شاعرنا للشي اللي كنا نبيه


وهو وصوله لقلوب الكل واعتراف كبار الشعراء بشاعرية سعود

[العــــــــابر]

برق الحويه

يقولون الحويه قويه ههههههههه

هلا فيك يالذيب منور هالصفحه

[العــــــــابر]

هايل الهيلا


انت فعلا هايل بردودك الراقيه


تقبل مروري

[العــــــــابر]

ابو نوف

هلا فيك يالغالي

وتراني بخطب منك ههههههههههههههه

منور يالغالي الصفحه

دمت بود

[العــــــــابر]

عيون الحر

ابشرك ابو سالم حر من احرار

تحياتي لك

[العــــــــابر]

عبيد التميمي

هلا بتميم الغالين

انت كفو وربعك كفو

[العــــــــابر]

الشرفاني

طلب السعيد والا ماطلب

البرنامج له قوانين وانظمه وهم يبون التصويت ولايبون شاعر

بس اللي نبيه صار شاعرنا وصل للقمه ولله الحمد ولاهمنا احد

وسعود كل شي مقبول منه الجد والطرافه

[العــــــــابر]

من عيني

ماش تصويت

لاكن فيه شعر وشعار

وسعود اثبت هالشي

[العــــــــابر]

عموما اشكر كل من شارك في هالموضوع

وادلى برأيه الغالي علي

وونصح وابدى اعجابه وتفاعل

ماقول غير شكرا لكم ولاتوفيكم حقكم

دمت بود

[سلطان مناحي العتيبي]

شنب يقدح من دماغ صافي......شرف قبيلة....،،،،، وشكرا"