الشطيطي اقرب .. الله لايهينك

[النجم الجنوبي]

استلم ياذيب والوعد بعد صلاة العشا ..


يوم الشطيطي حضر للسوق وده يسوم = باعوه بـعض العرب يا ليت يسوا ريال
لو الشطيطي وقف يـا ناس يرجع يرُوم = ما دام عظمه طري وشلون يرقى جبال

[مشعل الحافي]

صح لسانك يالنجم :-
ننتظر عميلك

[النجم الجنوبي]

رجم النوايف ..

الله يحييك يالغالي ..

وصح بدنك ..

وننتظر الشاعر الشطيطي ..

[زياد المزرمي]

مرحبابك بالجنوووبي

واستلم


خلووووووها


معروف قسم الشطيطي بين كل القسوم = يا قسمنا مرحبابك بعد جالك مجال

اتقولها وانت لا معطى ولا انت محروم = شغلتك بين العرب يا روح ولا تعال

[النجم الجنوبي]

الله يبقيك .. واستلم يالغالي ..

خلــــــــــوهـــــا


قسمتك بين العرب ياكود ناسٍ رخوم = منته خشير السِبع في صبح ولا ليال
حنا سكنا الجبل ونعيش فوق الرجوم = ياللي غرفت البحر ماهز غرفك رجال

[عيد العازمي]

صح لسانك

يالنجم الجنوبي


وصح لسانك

يالشطيطي,

واصلو الابداع

[زياد المزرمي]

ياقسمنا ما انت رخمه ياعساك محشوم = لاتقنط من الزمن تراه ميل وعدال

ياللي سكنت الجبل حوّل وربك رحوم = نويت احدك يالين اقلعك يم الشمال

[النجم الجنوبي]

النمر مثلي شبع والفار مثلك يصوم = مقسمك بين احنكي واقول رزقٍ حلال
الصقر فوق الجبل تلقاه دايم يحوم = والصقر لامن نزل صاد الفريسه ونال

[النجم الجنوبي]

العازمي ..

يكتمل الابداع بمرورك العاطر ..

وصح بدنك يالغالي ..

[زياد المزرمي]

يا قسمنا بالرضى ولا بفرك الخشوم = ماني بمعتقك لو انك تحب الخيال

الضلع مسكن قرود الارض حسب العموم = انزل ولدّ النظر لاهنت يم السهال

[النجم الجنوبي]

خــــــــــــــلــــوهـــا


يوم القوافل مشت والكلب ينبح ويقوم = ماهزهز ركابها لو زاد نبح وجدال
ياللي تقل الأدب نعطيك راس السهوم = احسب حساب العرب ماكل هرجٍ يقال

[زياد المزرمي]

اثرّك تبرا الجعر واحسبك ضمن القروم = اتقولها يا نجم من عقل ولا خبال

نحسب حساب الرجال اللي تسد اللزوم = ولا قليل الوفا قافيه سوط وعقال

[زياد المزرمي]

النجم الجنوبي

تشرفنا يالطيب

والدعوى مزووح تجي وترووح


تصبح على خيررررر

[النجم الجنوبي]

اسفهك ياذا الجعر كانك تكب السلوم = واقولها يالجعر يومك تعاف الظلال
حنا رجال الوفا والعقل والله يدوم = حنا وفينا معك مير انت ناشك هبال

[النجم الجنوبي]

وانت من اهل الخير .. ومزوح على قولك :)