سرحان يقنب وابن سرحان صيد السعد

[عيد العازمي]

اذا سمح وقتك :)



سرحان يقنب وابن سرحان صيد السعد = ماسد جوع الذيابه غير صيداتها


حث الركايب وانا وياك وسط البلد = معك الدليله يحدد كل وجهاتها

[السيل-الحافي]

اذا سمح وقتك :)



سرحان يقنب وابن سرحان صيد السعد = ماسد جوع الذيابه غير صيداتها


حث الركايب وانا وياك وسط البلد = معك الدليله يحدد كل وجهاتها


صح السانك ومتابع وفي انتظار الرائع العازمي

[سلطان الجـذع]

....


الله الله يالعازمي :) .. صح لسانك
في انتظاااااااار صديقي ابن سرحان .

[عيد العازمي]

السيل الحافي


صح بدنك


الاسطوره


حضورك مميز

صح بدنك

[فايز بن سرحان الثبيتي]

استلم لا هنت


يالعازمي وش حدابك في دروب النكد = ادروب عسره ولا تقوى ملفاتها
كم سايق لا عطاها قال انا مستعد = وتبان فنهاية الرحله معاناتها

[عيد العازمي]

لو ننشدك وش حصل فالسبت قدم الاحد = اتقول مرّت واكلنا من مطبّاتها


انته طموح وخصيمك مايناحيه احد = عساك تصبر على الدنيا وصكاتها

[فايز بن سرحان الثبيتي]

اتدور الايام والحاضر عليها شهد = يوم انه اخذ جزاها قبل حزاتها
لكن لا تتبع الغرات وانته ولد = لا تاكل الحرجه وتقعد بويلاتها

[عيد العازمي]

اللي فزعلك لقاله علم ماله ردد = ماتدري ان النشاما كفو وقفاتها


اليا بنيت الخيام البيض جبنا العمد = صافح كفوف المراجل واخذ بصماتها

[فايز بن سرحان الثبيتي]

انته سمعت الكلام الزين ولا بعد = ياللي تحامي عن الديره وحياتها
ون كان ودك تسوي مثل صاحبك ابد = مايلحق الساقطه الا خوياتها

[عيد العازمي]

الله الله



الظاهر اللي على الجمه عزم ثم ورد = ايّس ودلوه تقارع بين طيّاتها


العشره اللي ظهر عشره بعدهم جدد = ماشدد النازلينه كان واخواتها

[فايز بن سرحان الثبيتي]

هذي حياة البنادم كلها في كبد = اليوم يالعازمي طويت سجلاتها
ابو لهب حرمته عذابها من مسد = وهو كماها يبا يلقى نهاياتها

[علي الثبيتي]

هههههههه اثر المطوع العازمي هنيا

والابداع والجزاله
صحت الالسن
وعلى القوه

[فايز بن سرحان الثبيتي]

مرحبا يالنشمي



لا هنت على المرور الطيب

[عيد العازمي]

قسم القصايد يسدّك عن مسار الجهد = لعل نفسك يفارقها تنهّاتها


مديون وإن زاد دينك فحصره بالعدد = لعل غيرك يسددها على اوقاتها

[عيد العازمي]

هههههههه اثر المطوع العازمي هنيا

والابداع والجزاله
صحت الالسن
وعلى القوه

ههههه ايه ياشيخنا المطواع :d



صح بدنك ياعم النشمي :)

[فايز بن سرحان الثبيتي]

صاحبك يوم احتمى الميقاف كنه شرد = وانته تعذر وعينك في تلفاتها
كريم يالعارض اللي يوم هل البرد = هدم بيوت الرخوم وكثرت امواتها

[عيد العازمي]

هههههههههه



الغالي ابن سرحان


صح لسانك

حتى فالمزوح ماتنحرز


هنئاً للمنتدى بشرواك


تصبحون على خير

[فايز بن سرحان الثبيتي]

بياض وجهك

والله ايعين علاكم


هههههههههههه