راع الريال اللـي مجـوّد ريالـه

[سعود العصيمي]

هذه الابيات ارسلها لي اليوم وانا فالدوااام على الجواال الشاعر الراائع / فلاح بن طلاق الدلبحي العتيبي
ويقول انها نصيحة ولاتخص احد. فرديت عليه بهذه بالابيات التاليه لابياته.
وحبيت اشارككم بها.

يقول الشاعر فلاح الدلبحي :


انكان دربك بالبطانيج يتعبك = جنب ودور لك طريقآ بداله.
والصاحب اللي بالنشايب يناشبك = خله على درب النشايب لحاله
والمؤتر اللي مركبه خطر يقلبك = خله وطلع مؤترآ من وكاله
خلك مع اللي مذهبه مثل مذهبك = معربآ مجناه عمه وخاله

قلت له يافلاح انا ماني شاعر نظم ولكن استلم الابيات الآتيه
واعذرني على القصور.


اسوق قاف الشعر بالسبك والحبك = واطرق صعيبه لاستوالي مجاله
ولانيب الد العين فاللي على الدبك = فاللين اله قاله وفالعسر قاله
ياتابع المنكوب لابد ينكبك = وكسب المراجل مايجي بالسهاله
ارفع مقامك في زمانك ومنسبك = ودوّر على اللي وافيات خصاله
محدٍ يحقق غير ربك مطالبك= الواحد المعبود رب الجلاله
في وقتك اللي فالقسى مايلد ابك = راع الريال اللي مجوّد رياله
لاصار فعلك مايدسم شواربك = وقت القسى واللين حالتك حاله

.

[محمد العتيبي]

الله الله الله

صح لسااااانك ياسعوووود .. وصح لسان الرائع : فلاح الدلبحي

كفيتوا وأوفيتوا

:)

تحيتي
...

[سعود العصيمي]

محمد العتيبي


صح بدنك وقلبك وكلك




يابن العم


لاهنت على المرور.

[السميــــــري]

في وقتك اللي فالقسى مايلد ابـك راع الريال اللـي مجـوّد ريالـه
لاصار فعلك مايدسـم شواربـك وقت القسى واللين حالتك حالـه




ياسلام .. ياسعووود ..
سبائك ذهبية ..

صح لسانك ولسان الدلبحي ..

مبدع ..

[فواز علي الروقي]

صح لساااااانك ولسااااانه
تقبل تحياتي

[فهيد مقعد الرويس]

الله الله

يابوطايل

صح لسانك

وعتلاشانك

في الحالتين مبدع

هنا وهناك ياسعود

تقبل اطيب تحيه

[عبدالله الجـــذع]

سعود ماشاء الله عليك

مبدع

صح لسان الشاعر الدلبحي
وصح لسانك شاعرنا الرآئع


محبك

.,

[أبو مرحبا]

لاصار فعلك مايدسـم شواربـك
........................... وقت القسى واللين حالتك حالـه


ابيات رائعه

صح السانك ياسعود العصيمي


تقبل مروري

[ماجد المحياني]

صح لسانك ولسانه ياولد عاصم

[عبدالله بن طلال]

صح لسانك يابو طايل وكفو

وصح لسان فلاح




كفيتوا وفييتوا




تحيات محبك دوووم

[مرزوق حمدان العتيبي]

ولانيب الد العين فاللي على الدبك
فاللين اله قالـه وفالعسـر قالـه
ياتابـع المنكـوب لابـد ينكبـك
وكسب المراجل مايجي بالسهالـه

..
الله عليك يابو طايل ... درر
لاهنت ولاهان الدلبحي ..
..
استمتعت بالصوت والصدى ...