سـلام تسـلـيـم وافـي للـريـاجـل .......... [الأرشيف] - الهيـــــــــــــلا *** منتدى قبيلة عتيبة

احمد الزايدي

25-Dec-2008, 10:05 PM

سـلام تسـلـيـم وافـي للـريـاجـل=عداد ما هلت أمزون السحابه

لا يسري الليل وجمالي محاميل=والذيب يعـوي ليا شاف الذيابه

صقر جعيد

25-Dec-2008, 10:18 PM

يامرحبا يالمسلم تالي الليل = عداد حرفٍ مسجل في كتابه
لايسري الليل وأنته تشكي الميل = دامك عتيبي وفي موقع عتابه

احمد الزايدي

25-Dec-2008, 10:32 PM

دام الـبـقـا وقـدعـك باالـبن والهيل=والظيـف لامـن لـفـا يا مـرحـبابه

مابا أشكي الميل أنا رجال حلحيل=وبعض الأسامي تراها ماتشابه

!!ولدعتيبة!!

25-Dec-2008, 10:32 PM

روعه والله ..

صحت الالسن متابع ..

احمد الزايدي

25-Dec-2008, 10:36 PM

روعه والله ..

صحت الالسن متابع ..

ولدعتيبة

...

هلا وغلا يالغالي

صح بدنك و تشريف متابعتك النا.

صقر جعيد

25-Dec-2008, 10:42 PM

البرق يبرق وتبشر جايك السيل = اللي تغني على صوت الربابه
تبى تبين النتيجه فالتحاليل = والملتهب عارفينٍ للتهابه

صقر جعيد

25-Dec-2008, 10:43 PM

ولد عتيبه
حياك الله تشرفنا بمرورك يالغالي

احمد الزايدي

25-Dec-2008, 11:02 PM

يبرق عـلاك أنت وتجيك الغرابيل=ويشيلك السـيـل واشوفك تهابه

حللت لك والنتيجه فا المعاميل=أثر المـصوب مـايشفـا من صوابه

صقر جعيد

25-Dec-2008, 11:13 PM

يالزايدي مانبى نجرحك بالحيل = والوقت الأقشر يبى يطلع غرابه
حللتها مار ماعندك دواليل = عدك مقثبر ولاينفع شرابه

صقر جعيد

25-Dec-2008, 11:15 PM

أحمد

بيض الله وجهك وعذرني طال عمرك النوم وصل

تحياتي

احمد الزايدي

25-Dec-2008, 11:30 PM

مدام مجروح ماعندك محاصيل=مـار الأسد نـاويـن يشلعك نابه

حـللـتها وأثبـت التحليل تضليل=مـاعـنـدي أنـا طـمـع ولا نهابه

احمد الزايدي

25-Dec-2008, 11:39 PM

صقر الجعيد

صح السانك وبيض الله وجهك ،وتصبح على خير