ابيات... اهداء لفنجال ومترك وابن قشعان

[ابراهيم الزراقي]

هذه ابيات اهداء مني لدروع عتيبه الثلاثه الذين توجوا بجائزة النخبه
في مسابقة جائزة الملك عبدالعزيز بأم رقيبه لعام 1429هـ

وهم

1-فنجال بن سلطان الشيباني الفايز بنخبة الوضح

2-مترك بن حجنه العتيبي

3-محمد بن قشعان العتيبي

الفائزين بنخبة الشعل





مبروك مبروك ياهل الطيب والهيبه=ياالي لكم مجد صادق ماهو مقول
فزتوا وفزنا بدون الشك والريبه=بالمركز الي يفوق المركز الاول
المركز الي ترى ماكلن يجيبه=الا رجالن خذوه اليوم ومنول
الي لهم مجد خلق الله تهذريبه=يوم الردي دون كسب اجداه مغول
يانخبة النخبه انتي فخر لعتيبه=اقولها لو انا بالفوز متفول
فوز الثلاثه شرف والكل يدريبه=ثلاثتن صيتهم بين العرب طول
امثال فنجال راع الجود والطيبه=الي على قمة الامجاد ماحول
بالوضح توج وهو دايم نماريبه=لاصحصحت بين متسابق ومتجول
ومترك ولد حجنه الي دوم نرهيبه=يوم القبايل تجر الصوت وتمول
ونسل الحلاحيل ابن قشعان ياطيبه=دايم فعوله تسر القلب وتهول
بالشعل فازوا وحنا الفوز نحريبه=واليا حضرنا علينا العين تتحول
مبروك ياربعي اهل الجود ياعتيبه=اقولها لو انا بالفوز متفول
فوز الثلاثه فخر والكل يدريبه=والكسب عاده لنا هالحين ومنول


الشاعر...ابراهيم الزراقي

[ابو فايح]

فوز الثلاثه فخر والكـل يدريبـه
والكسب عاده لنا هالحين ومنـول

صح لسانك يابراهيم قصيده رائعه

[ابراهيم الزراقي]

الله يعطيك العافيه يابو فايح

وصح بدنك وشكراً على المرور

[سعد السميري]

فزتوا وفزنا بدون الشك والريبـه
بالمركز الي يفوق المركـز الاول



الله الله



صح لسانك .. بيت أعجبني جدآآآآآآآآآآآ ..




لآهنت يابرآهيم..




ولا تحرمنا من جديدك