المساعد الشخصي الرقمي

مشاهدة النسخة كاملة : سلطـــان العايضي للمداعبــــه ... !!!!

ناصر الجلاه
19-Dec-2008, 10:25 PM
..


العايضي فالسعه له دندنه=واليوم جاء في .. يدي يدي !!

مدري يباله حبوب مسكنه=وألا يبى كي .. يدي يدي !!
عيد العازمي
19-Dec-2008, 10:38 PM
العايضي فالسعـه لـه دندنـه
واليوم جاء في .. يدي يدي !!
مدري يباله حبـوب مسكنـه
وألا يبى كي .. يدي يـدي !!



الله الله


الجلاه نجم الهيلا صح لسانك حتى ترضى


وننتظر رد ابو عايض الشاعر العلم وصح لسانه
ناصر الجلاه
19-Dec-2008, 10:44 PM
..

العازمي

..

صح بدنكـ يابوطلال .. مروركـ كريــــم ونجم الهيلا في طلتكـ وعودتكـ يابن عاصي


لاهنت

..
الشــاهد
19-Dec-2008, 10:44 PM
العايضي كل خصم يجننة=مار ازبن الفي00يدي يدي


احذر لعلمك ياناصر واذهنة=والكي للعي 00يدي يدي
الشــاهد
19-Dec-2008, 10:47 PM
عيد العازمي


سعدنا بمرورك يالغالي
ناصر الجلاه
19-Dec-2008, 11:00 PM
..




فعلك ياليت العرب تسلم منه=السب والغي .. يدي يدي !!

هذا علمي وأقوله وأضمنه=ياحاتم الطي .. يدي يدي !!
الشــاهد
19-Dec-2008, 11:13 PM
افعولنا دونكم ومبينة=مانطفي الضي00يدي يدي


تقول علمك لكنك برهنة=ولا (حق)المي00يدي يدي




ناصر استاذنك الوقت متاخر ورانا دوامات


ان شئت غداً ان شاء الله نكمل
ناصر الجلاه
19-Dec-2008, 11:17 PM
..


ههههههه أنا قلت للمداعبه يابن عايض إن جيت غدآ كملنا وإن ماجيت الجايات أكثر

مودتي

..
ناصر الجلاه
20-Dec-2008, 05:06 PM
..

الضاهر وهقوتي إني شفتكـ متصل ياسلطان

مار إستلــم :





جمع لفعلك وشيله ووزنه=مابه ولاشي .. يدي يدي !!

هذاك ما أنته مكفينا عنه= سلطان ياخي .. يدي يدي !!
الشــاهد
20-Dec-2008, 07:32 PM
حنابني شافع اهل الميمنه=يالميت الحي00يدي يدي


هذاك مثل الجبل ماتمكنة=ماهو كما الني00يدي يدي
ناصر الجلاه
20-Dec-2008, 07:42 PM
..


ونعم في ربعنا يوم وسنه=في نجد في طحي .. يدي يدي !!
معروف يوم أختلاف الأزمنه=وألا أنت تلهي .. يدي يدي !!
الشــاهد
20-Dec-2008, 07:57 PM
كلمتك تشمل جميع الامكنه=والبيت مبني00يدي يدي


يالربع ناصر ترى بميدنه=يلويبها لي00يدي يدي
الشــاهد
20-Dec-2008, 08:10 PM
ناصر غير الطاروق شاب
ناصر الجلاه
20-Dec-2008, 08:13 PM
..

عندك يابوعايض ماني متعدي أنت أكبر
الشــاهد
20-Dec-2008, 08:33 PM
الكبير الله ياناصر واستلم


الليل والتغيير عندي حاضر

وانتةكفوا ياصاحبي ياناصر

عندي كلامن وانت اضنك خابر

ماضاع حق من وراة مطالببببببببببببب


ياربعنا وش عندكم في طحي مدري في سنام=عسى البيوت العامرة ماتنقشع عمدانها

ومهما حصل مهما حصل تبقون عالين المقام=من عزوت(ن)يوم اللقاء تفخر بفعل ايمانها
علي الثبيتي
20-Dec-2008, 08:47 PM
الله الله
هذي ملعبة الشياب الاولين اللي مثلي هههههههههه
قاف طريق قاف والعنوان واحد والله انها فكر طيبه
وتحسب لسلطان
صحت الالسن
وعلى القوه
الشــاهد
20-Dec-2008, 08:50 PM
حياك الله ياعم (النشمي)


هذا طال عمرك موال وشيلة


ومرورك مشرف وحياك
ناصر الجلاه
20-Dec-2008, 08:51 PM
الليل قود العلم وأنته قده=وأنا معك فالعلم يوم تعده
هاته وتلقا عندنا له ضده=ماضااااااااااااااااااع




هاذي ديرنا يالعصيمي محتميها بالحسام=في قلب نجد بيوتنا ما أحدٍ يهز أركانها

ألكم مواكر واضحه ياطيبكم في كل عام=يوم الامانه ماحملها غير رجلٍ صانها
الشــاهد
20-Dec-2008, 09:09 PM
مانيب ضدك وانت منت بضدي

مدام جدك يالعصيمي جدي

افطن لعلمي لايغرك قصدي

ماضاع حق ومن وراة مطالب000


والله مابة شك ياناصر ولافيها كلام=انا رفيقك والمعارك محتمي ميدانها


حنا دفاع عن القبيلة كلها شرقي وشام=نسعى لجمع الصف من شان العرب من شانها
علي الثبيتي
20-Dec-2008, 09:20 PM
مانيب ضدك وانت منت بضدي

مدام جدك يالعصيمي جدي

ياسلام سلم
صح لسانك
ولايهون ناصر
الشــاهد
20-Dec-2008, 09:28 PM
النشمي صح بدنك والله لايهينك
مرجح الميزان
20-Dec-2008, 09:35 PM
أبك :eek: أبك :eek: أبك .. هذا والله العلم 2 في ====> واحد




العايضي وجاري الجلاه












صحت الألسن يا مبدعين .. ومتآآآآآآآبع





:)









,,
الشــاهد
20-Dec-2008, 09:42 PM
صح بدنك يامرجح الميزان

ومتابعتك تهمنا
ناصر الجلاه
20-Dec-2008, 10:13 PM
..


الارسال بطي ياسلطان عندكم مثلي وألا لا



ماحصل حرب ومعارك مره=ألا معاني فالقصايد حره
يالشاعر اللي صدق لله دره= ماضااااااااااااااع


يالعايضي طير السعد رفرف جناحينه وحام=يالصاحب اللي جتبه الدنيا على كيرانها

مادامنا عز لرفعة سمعة اللي ماتضام=لاتشتقي في هرج ناسٍ ماسكه مرحانها
ناصر الجلاه
20-Dec-2008, 10:18 PM
..

النشمي .. مرجح الميزان

..


صح أبدانكم يالغااالين .. مروركم كريـــم

لاهنتوووا

..
الشــاهد
20-Dec-2008, 10:20 PM
ناصر الاتصال عندي كذلك سئ


عموماً صح لسانك وبيض الله وجهك ولوماني مشغول اللعب معك مكسب


تصبح على خير يالغالي وجميع الاخوان المتابعين
ناصر الجلاه
20-Dec-2008, 10:34 PM
ناصر الاتصال عندي كذلك سئ


عموماً صح لسانك وبيض الله وجهك ولوماني مشغول اللعب معك مكسب


تصبح على خير يالغالي وجميع الاخوان المتابعين



صح بدنكـ ووجهكـ أبيض يابن عايض

والساري في خير
الصمصام
21-Dec-2008, 02:19 AM
لاهنتوا

محاورة فاخرة
الشــاهد
21-Dec-2008, 03:43 PM
الصمصام مرحبا بك وهذا من ذوقك يالغالي
قادح شرار
22-Dec-2008, 07:42 AM
صحت ألسنكم يا الآد عاصم .

صفحة ممتعه بشعارها .

تقبلوا مروري حتى ولو كان متأخر .