المساعد الشخصي الرقمي

مشاهدة النسخة كاملة : غـــيــمـــة ســـحـــاب ؟؟؟ اهداء لشاعر المليون سعود الحافي من ناصر الحافي

فيصل المسعودي
19-Dec-2008, 12:09 AM
غيمة سحاب اهداء لشاعر المليون سعود الحافي

السلام عليكم ورحمة الله وبركاته

قصيدة موجهة للشاعر المبدع/
سعود بن سالم بن معزي الحافي
وهي من تقديم/
مهنا بن صالح الدلبحي
القاء وشعر/
ناصر بن محمد الحافي
أداء/
ماجد هلال الشيباني

غيمة سحاب اهداء لشاعر المليون سعود الحافي


الرابط
http://www.7afi.com/voicesm/39.mp3



غيمة سحاب وشالها عاتي النـود=بأمر الولي تنزاح مع كل غيمـه
جات السوالف بيضها خالط السود=والشوشره مبدأ الحسد والنميمـه
مادبر المقصود ياكـود مقـرود=اللي يبا الفتنـه ونشـر الظليمـه
قد قالها قبلي ترا الشاعر سعـود=(اقصر شنب يكفيه بسكوت ديمه)
مانقبل الناقص ولا ناخـذ الـزود=والهرج ماينقص من الرجل قيمه
الصدق حبله بين الاجواد ممـدود=والكذب في حق المراجل جريمه
حنا وردنـا عدنـا كامـل ورود=غصباً عن الجهال وأهل الشتيمـه
ناقف مواقيفاً لها أفعـال وشهـود=هاللحين ولا فالعصـور القديمـه
دون الخوي فزاعتنا تبري كبـود=ولانطعن المقفـي نباهـا غنيمـه
غيمة سحاب وشالها عاتي النـود=بأمر الولي تنزاح مع كل غيمـه

تحياتي
مرزوق الجعيد
19-Dec-2008, 01:03 AM
الله الله


صح السااااااااااان قايلها

وكاتبها

وملقيها

وناقلها

وقاريها
سعود الحافي
19-Dec-2008, 01:26 AM
انا سمعتها في الجوال وبصراحه قويه ونفسي اعرف وش سبب هالقصيده


ناصر الحافي شهادتي فيه مجروحه واشكرك يافيصل على النقل وبيض الله وجهك ويستاهل شاعر المليون سعود بن سالم الحافي وقفة بني عمه ولاهي غريبه عليهم
مزيد العصيمي
19-Dec-2008, 01:32 AM
قد قالها قبلي ترا الشاعر سعـود
(اقصر شنب يكفيه بسكوت ديمه)
مانقبل الناقص ولا ناخـذ الـزود
والهرج ماينقص من الرجل قيمه
الصدق حبله بين الاجواد ممـدود
والكذب في حق المراجل جريمـه


/

صح لسان قايلها

ولسان قايلها

ولسان منشدها


وتسلم يدين ناقلها


وبيض الله وجيهكم
ذيب الحويه
19-Dec-2008, 01:38 AM
هـ’ــذا الكـلآم إللي يشرح البـآل والله

لاهنت يالدلبحي
صـ’ــح لسـآنك يـآ نـآصر الحـــآفي

وسلمـ لنـآ صوووتك يا مـآجد بن هـلآل

ويستـآهل فارسنا سعـود الحـآفي
قدها وقدود
وعسـآ البيرق فاله

//

مـآقصرت يافيصـل ,,
أبو مرحبا
19-Dec-2008, 01:49 AM
صح السان الشاعر ناصر الحافي
والمقدم مهنا الدلبحي وصاحب الصوت العذب ماجد بن هلال
وكل من شارك في تقديم هذا المقطع


لاهنت يافيصل المسعودي


تقبل مروري
عبدالله الجـــذع
19-Dec-2008, 02:05 AM
صح لسان ناصر


ويستاهل سعود كل خير

والله يوفقه


ولاهان الشاعر والعضو في منتديات الهيلا ماجد هلال

الف شكر

محبك
.,
ابوثبت
19-Dec-2008, 08:57 AM
الرابط
http://www.7afi.com/voicesm/39.mp3



غيمة سحاب وشالها عاتي النـود=بأمر الولي تنزاح مع كل غيمـه
جات السوالف بيضها خالط السود=والشوشره مبدأ الحسد والنميمـه
مادبر المقصود ياكـود مقـرود=اللي يبا الفتنـه ونشـر الظليمـه
قد قالها قبلي ترا الشاعر سعـود=(اقصر شنب يكفيه بسكوت ديمه)
مانقبل الناقص ولا ناخـذ الـزود=والهرج ماينقص من الرجل قيمه
الصدق حبله بين الاجواد ممـدود=والكذب في حق المراجل جريمه
حنا وردنـا عدنـا كامـل ورود=غصباً عن الجهال وأهل الشتيمـه
ناقف مواقيفاً لها أفعـال وشهـود=هاللحين ولا فالعصـور القديمـه
دون الخوي فزاعتنا تبري كبـود=ولانطعن المقفـي نباهـا غنيمـه
غيمة سحاب وشالها عاتي النـود=بأمر الولي تنزاح مع كل غيمـه

ونعم ياسعود
فيصل المسعودي
19-Dec-2008, 04:46 PM
شكراً للجميع

على المرور الكريم والتواجد الطيب

تحياتي
طارق النفيعي
19-Dec-2008, 04:50 PM
ماشاء الله مشتركه

يعطيكم العافيه جميعا ً ..
ناصر الحافي
07-Jan-2009, 02:55 AM
فيصل فيصل المسعودي اشكرك جزيل الشكر على النقل وهذا ليس غريب عليك مبدع كما عهدناك


واشكر الأخوان وصحت أبدانهم جميع


أخوكم الشاعر/ ناصر بن محمد الحافي
عبدالرحمن الهيلوم
07-Jan-2009, 06:30 AM
فيصل فيصل المسعودي اشكرك جزيل الشكر على النقل وهذا ليس غريب عليك


دمت مبدعاااااااااااا يابو منيف
دمت بود
العــــــــابر
07-Jan-2009, 11:30 AM
يستاهل سعود كل خير

بيض الله وجهك ياناصر الحافي قصيده جزله

وبيض الله وجهه مهنا وماجد شيله رائعه
ناصر الحافي
10-Jan-2009, 02:06 AM
الله يبيض وجيهكم جميع وسعود أبن عمي ويستاهل كل خير والله يوفقه