كبتن عتيبه

[الوليد الحافي]

سلام الله من الصاحي ويقصر دونه المجنون=سلام الله على اهل العز وهل الطيب والهيبه

ولا ياثبت شاعركم طلب فزعه على مليون=ولاكن مافزعله يا جماعه كبتن عتيبه

[كبتن عتيبه]

الله الله


هلا يامرحبا ترحيّب مايخرج عن القانون =ليا رد السلام الضيف عادتنا نحييّبه!!
فزعنا يالعتيبي وأنتظرنا للحفاه يجون=وأثركم ياجماعتنا مابين الشّك والرَّيبه!!

[معجب العتيبي]

هههههههههه شاعر الحفاه يو ار كريزي


صح لسانك


كبتن عتيبه مجرم في قلب الحقائق ههه

صح لسانك

[حاكم الغنامي]

الله الله


صحت السنتكم


متابعين

[الوليد الحافي]

يدوم إلك البقاء واهل الوفاء ياصاحبي يوفون=وراع الفعل دايم بين خلق الله يماريبه

ولد حافي من عيال الثبيتي ضايق ومغبون=تصايح تنخي عتيبه وكلن ماسكن جيبه

[كبتن عتيبه]

الله الله


ولا ياصاحبي وش فيك مستعجل ..عليك الهون=ترى اللّي صار لا ذالحين يمكن ما انت داريبه!!
حصان ثبيت وصل اليا النهايه والعرب يدرون=لكن حصانكم يالحافي احفى الله عراقيبه!!

[السميــــــري]

ولا ياثبت شاعركم طلب فزعه على مليون
ولاكن مافزعله يا جماعـه كبتـن عتيبـه


ياسلام يالحافي ..
صح لسانك


فزعنا يالعتيبي وأنتظرنا للحفاه يجـون
وأثركم ياجماعتنا مابين الشّك والرَّيبه!!



هذا والله الهجاد ..
يالكبتن ..

[الوليد الحافي]

درينا يالثبيتي ماجهلنا والعرب يوحون=صياحك يالثبيتي روع الورعان والشيبه

ترانا ماتبعنا يالثبيتي ربعك الغاوون=كلامك ياصحيبي ليتك تعدل هناديبه

[كبتن عتيبه]

الله الله


ليا صرت متحمس لا تخلّي في ضميرك لون=ولا منّه وصلك الرد قاسي قول: ياطيبه!!
وأنا عندي عصا موسى ..بلاشي سحر يافرعون=قلبنا السحر فوقك ..وأنت مدري وش تسوّيبه!!

[الوليد الحافي]

عزومي ماتراخت يالثبيتي والعرب يدرون=وقاف(ن)تاتغنيبه ترا حنا نغنيبه

بعد محرقت صدره ياعرب بالنار والغليون=يحد الناس لين اطلع التمره من العيبه

[الوليد الحافي]

اختم ياذيب الليل سرا

[كبتن عتيبه]

الله الله



أنا والله ما ألومك يوم جيت مصفّر الطبلون=لكن العلم هذا يالعتيبي لا تجينيبه!!
من أول ذيبكم ياكل ..وذالحينه بدون سنون=وانا ماظن يوجد للذياب ..سنون تركيبه


تصبح على خير...

[ابو فايح]

ابداع ولقاء رائع جدا صحت السنتكم يالاثنين