مثــــــــيب ( دوب ابتدى دق الاجراس)

[حاكم الغنامي]

تو ابتدى دق الاجراس / دق الجرس والرحى دار =يامثيب جتك الرساله / سطرين / والنار حيه
مسكين عباس فرناس / ركب جناحه ولاطار =عزي لحالك وحاله / مسكين / والنار حيه

[كبتن عتيبه]

الله الله


بدايه قويه

وطاروق مروبع






رائع






متابعين

[الــوآفــي]

الله يا حاكم



مبدع

لا هنت يالامير


اخوك

[حاكم الغنامي]

الكبتن


هلا وغلا


دائما مميز

حتى بمرورك:)

[معجب العتيبي]

الله الله

حاكم مبدع


وبدايه تفتح النفس


صح لسانك ولسان قبيلك


ومتااااااابعين

[حاكم الغنامي]

ذيبان


هلا وغلا


مجـــــــــــــــرد مرورك يكفيني فخر وشرف

لاهنت يالملك

[حاكم الغنامي]

هلا معجب

صحت ابدانك

مرورك هو اللي يفتح النفس:)

[مثيب]

غاص البحر قبل ينقـاس / وامسى بغبـات الابحـار = سفينته مع مجاله / موجين / والنار حيه

صابك من اثنين وسواس / تدور في راسك افكار = منهم سبايب خباله / أثنين / والنار حيه

[معجب العتيبي]

الله الله يامثيب



صح لسانك


ومتابع

[حاكم الغنامي]

ياحلوها فنخة الراس / تهدى من الجار للجار =زادت حنيف ودلاله / جرحين/ والنار حيه
لوكنت سابح وغطاس/ جبت الجواهر والاحجار = والدرب كله سهاله / دارين / والنار حيه

[مثيب]

صـــح بــــدنــــــك

[مثيب]

فرسان من صنع سواس / سواس يسرج له امهـار = ضلالةً في ضلاله / بالدين / والنار حيه

بالدبدبـه ضاع عسـاس / من يرتجي منه الاخبـار = مسكين يتّـم عياله / هو ويـن / والنـار حيه

[حاكم الغنامي]

اركب على قب الافراس / وانطح طميه وسنجار=يمكن ترجع حلاله / بعدين / والنار حيه
تنسى معونات الافلاس / يومك على صك الاعسار = ناخذ عليك الكفاله / عامين / والنار حيه

[مثيب]

اليسـع في ملة الياس / ردو على ضلم الاحبار = الحق بيّن مقاله =يا سين / والنار حيه

من ضيم الارياق يباس / من جوع ضامر وضمّار = ياتاجرً ضاع ماله / بالدين / والنار حيه

[حاكم الغنامي]

ماسد في كليب جساس / غيره صغيرين وكبار =يستاهل اللي جراله / مخطين / والنار حيه
لاباس لمثيب لاباس / شيّال حمّال الاسفار = خسّر جنيهه رياله / قصدين / والنار حيه

[مثيب]

بنصر وفي حبس محباس / دقو عى شانه الطار = الليل تو ايحلاله / يمين / والنار حيه

راعي غنـم واكرم الناس / واشيل تايه على حمـار = واللي يدور جماله / وافين / والنار حيه

[حاكم الغنامي]

خلك مع خليف دواس / عارٍ على جرة العار =والآ الذهب والعضاله / غالين / والنار حيه
عندي لكم قطع الانفاس / لاصار بالوضع ماصار = عن نجد بعد احتلاله / جالين / والنار حيه

[مثيب]

ياسوار من حس حساس / اهديت له طقم وسوار = يقول مالك وماله / نصفين / والنار حيه

خليف للشعر نوماس / من هاجسه فن الاشعار = شعاركم في ثماله / للحين / والنار حيه

[حاكم الغنامي]

يامثيب خل التغطراس / منته بنافع ولاضار =غاب القمر مع هلاله / شهرين / والنار حيه
لك كلمة بين الاقواس / دامك طريقي ومرار = حنا لكسب الجماله / شارين / والنار حيه

[مثيب]

انفث على وجه خناس / باياتنا قبل الاسفار = وادعي وافكك حباله / امين / والنار حيه

قاعً من السبت منداس / ماتت على دوسه ازهار = من بينها اضرب مثاله / ضلعين / والنار حيه

[حاكم الغنامي]

شكرك على حد الامواس / في حدها قصف الاعمار = اثرك مصيبك حواله / فالعين /والنار حيه
يالبوم ياوكر الانجاس / تكرم عن الوكر الاحرار = عن جر دلو المحاله / مبطين / والنار حيه

[أخو جوزا]

عاشت ياحاكم

[حاكم الغنامي]

...
..

عاشت ايامك ياخو جوزا

.

:)

[مثيب]

الدرع والسيف والطاس / والخيل والجيش والدار = اسبابهن صرت عاله/ لاجين / والنار حيه



البيت يبنى على ساس / ملفى طويلين الاشبار = لاجوه مجلس نعاله = حافين / والنار حيه

[حاكم الغنامي]

الخيل للشيخ عفاس / كسّاب حسكات الاوبار =وانتم بهيبه ضلاله / وازين / والنار حيه
لاعاد تلعب بمرواس / جرب مزامير الاوتار= خلك سوات الفضاله / فنين / والنار حيه

[مثيب]

حافي ولا لابس لبـاس // تموت ماتقضي الثار = من حط له حمل شاله / حملين / والنار حيه

ياشارب الخمر بالكاس // خثرقة مع شلة البـار = وازيد كاسه دوى له / كاسين / والنار حيه

[مثيب]

حافي ولا لابس لبـاس // تموت ماتقضي الثار = من حط له حمل شاله /
حملين / والنار حيه

ياشارب الخمر بالكاس // خثرقة مع شلة البـار = وازيد كاسه دوى له / كاسين / والنار حيه

[مثيب]

الليــــــــــــــل

[حاكم الغنامي]

العرق للعرق دساس / نفسك ولاعينت خار =اعقل شعيل بعقاله / حبلين / والنار حيه
بالفاس ياراعي الفاس / تنطح هل السيف والكار != الراس ليه اتعناله / يابطين / والنار حيه

[مثيب]

ياحاكم ان صابك عمـاس / ريّض مع الليل سمّـار = ربعه غدو بالاطاله / مقفين / والنار حيه


ياوجد حالك من اليـاس / قدام نار وورى غار = فال الردي ذاك فاله / منسين / والنار حيه

[حاكم الغنامي]

لوهي كما حمر الاطعاس / تنساق غصبٍ بشنكار =ربعي رجال الشكاله / ذربين / والنار حيه
الطير ماهو بقرناس / يابوم جابتك الاقدار = وان كان تبغى دلاله / قرشين / والنار حيه

[مثيب]

لا صار فالحرب مقباس / يبقى من الناس صبّار = عمه نشد عن خواله / نعمين /والنار حيه

ارسم على سطر قرطاس / في مركزه فر فرجـار = والخط يبقى اكتماله / حرفين / والنار حيه

[مثيب]

:( ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[مثيب]

اصبحنا واصبح الملك لله

[حاكم الغنامي]

غصبٍ على كل بلاس / سار القدم والبخت سار =نشربك شرب البياله / ساطين / والنار حيه
ماجاب نجرٍ ومحماس / وليا مشى ماله اثار=يمناه تشبه شماله / كفين / والنار حيه

[حاكم الغنامي]

اصبحنا واصبح الملك لله


حــــــــــــــــــــــــق

[مثيب]

لو يختلف طبع الاجناس / تمشي على حسب الاقدار = تبغى المناص استحاله / باقين / والنار حيه

منقوز جره ومدباس / من شافها نطها نـار = البير نارد زلاله / صلفين / والنار حيه

[حاكم الغنامي]

شبعان حوى وبسباس / واليوم بيدين جزار =كن البرد في خياله / خدين /والنار حيه
خيم على القلب هوجاس / ماودي ابيح الاسرار = امثيب عندي لحاله / والزين /يالله حيه

[عبدالله الجـــذع]

الله اكبر


قاف غيرررررررررر


صحت الالسن

.,

[مثيب]

مع بادي الصبح جلاّس / اقولها حق وجهـار = انا مثال البساله / يقين / والنار حيه

انظم عقودً من الماس / في جيد خفراتً بكـار = مايعرفن الرذاله / ياشين / والنار حيه

[مثيب]

الليل


قصدي


الصبح

[حاكم الغنامي]

منت الفرزدق ونواس / ولنته من القوم الاخيار =هذي شروط العداله / شرطين / والنار حيه
ياغبي محمود عباس / مسلم ويلعبله اقمار =ومثيب مثله لقاله / شخصين / والنار حيه

[حاكم الغنامي]

تصبح على خير يامثيب


وصح لساااااانك


والى لقا اخر

[حاكم الغنامي]

عبدالله


الجذع




منـــــــــــــــــــــــــــــــورنا وصحت ابدانك

[مثيب]

ينكس على الطار نكاس / من قو مافيه من زار = وبيوت شعر الجزاله / صفين / والنار حيه

ارسم على وجه كراس / اللي بيلفت لك انظـار = ويشكل الرسم هاله / تلوين / والنار حيه

[مثيب]

صح بدنك


مابغيت تخلص هههههههههههههههههه


والله ان النوم فيني وكبريائي يلزمني على الاستمراريه