سلام الله على معجب سلام الله على الحضار

[السيل-الحافي]

بسم الله الرحمن الرحيم
السلام عليكم ورحمة الله وبركاته
اخوي معجب هذه بيتين متواضعه
يشرفني ان اتعلم منك استلم



سلام الله على معجب سلام الله على الحضار= سلامن ياصل ابعيد المسامع قو ماطوره
قبل عامين اخبره يعشق الصفين والشعار = وهذا اليوم شاعر معتبر صفه وجمهوره

[الصاطي,,]

بدع رااااااائع



ننتظر معجب




متابعين

[السيل-الحافي]

صاطي شكراً لمرورك



انت الابداع اخوي

[معجب العتيبي]

يامرحبا بالسيل الحافي
علم الله ماشفت ابياتك الا الحين فارجوا المعذره



هلا يامرحبا ترحيبةٍ تلفت لها الانظار=ونفسي ياوسيع العرف من شوفتك مسروره
قبل عامين كنت وكنت وانته جاتك الاخبار=لكنّ صويحبي ياصاحبي ماسجل احظوره

[معجب العتيبي]

الصاطي مرورك اسعدنا


صح بدنك

[بدر الكريزي]

لقاء عمالقة ..

صحت الالسن ..


و متااابع...

[السيل-الحافي]

بدر الكريزي
حضورك
شرف

[السيل-الحافي]

يدوم الك العمر والخام الازرق فوق جمرة نار=ونا مقبل لنفسي عذرها لوكان معذوره
تولاني مسافر فوقك الله مضهر الاسرار= وانا معلم عن الي مهتوي للقفل ويدوره

[معجب العتيبي]

الا ياربعنا يا اصحابنا يامحتمين الدار=لكم منا وفا يا اهل الوفا والدار معموره
مدام اثنين قدامك تخير قبل ماتحتار=ترا نفسك على ماقيل منهيه وماموره

[السيل-الحافي]

الايامعجب اخذ الدرب حذرى لا تروح ايسار= لقيت اقوام ماتعرف فتاوى الحج واموره
نبى نضرب مناسبها مبين الضلع فوق الغار= ولو تبحث مضامينه بلا صوتن ولاصوره