سلام الشاعر

[ابو محيميد]

سلام الشاعر اللي لاحضر همن على الشعار == احد وده يبينها واحد وده يخفيها

ابكتب واطرب الهاجوس واطب البحر واختار == وادور ناقه عريمان والزمها بذانيها

[عبدالله بن طلال]

هلا ترحيبةٍ تضفي على الغيّاب والحضّار = وأحد ودّه يمرّحها وأحد وده يسريها
أنا بلعب معك لكن نبيها لعبة الشطار = وكان ان ناقة عريمان جرباء لازم اطليها

[علي الثبيتي]

ابومحيميد صح لسانك

وكان ان ناقة عريمان جرباء لازم اطليها

الله الله وصح لسانك ياعبدالله
حطيت كية وجعها فوق طاعونها على قول الشاعر

[عبدالله بن طلال]

وانا اقول النور اللي طلع من وين ؟

أثره نوووورك يالنشمي


حياك ربي


شرفتني بحضورك طال عمرك

[عبدالله بن طلال]

الاخوه الاعضاء والزائرين

رديت على الاخ ابو محيميد وانتظرت منه
حوالي ساعه ونصف ولم يرد . لذلك ارجو
المعذره والغايب حجته معه . لا اعلم السبب
لكن عسى المانع يكون خير .
تحياتي لكم وارجو العذر والسموحه

[ابو محيميد]

بنوك الراجحي ماشفت في صالاته استثمار == رياجيل عن الربح الحلال الله معميها

ياعبد الله تعذر للعرب ماينفع المعذار == تقدم رجلها وتخاف لا تاصلك رجليها

[عبدالله بن طلال]

بنوك الراجحي ماشفت في صالاته استثمار == رياجيل عن الربح الحلال الله معميها

ياعبد الله تعذر للعرب ماينفع المعذار == تقدم رجلها وتخاف لا تاصلك رجليها



سهوم الراجحي تطلع وتنزل والزمن دوّار = واشوفك كل ماحانت لك الفرصه تخليها
يا بو محيميد انا عندي سوال وسمّه استفسار = علامك يا عميلي قمت ترميها وتخطيها

[ابو محيميد]

لك الله مالقينا فالسعوديه حكيم الشار == ياكود المجتهد يبغا يكحلها ويعميها

ولا ياراعي الموجز نبا تفصيل للخبار == وهاذيه ياعبدالله مادري ويش اسميها

[عبدالله الجـــذع]

صحت الالسن ياشعاااااااااااااار


واصلوا والليل توه

[عبدالله بن طلال]

لك الله مالقينا فالسعوديه حكيم الشار == ياكود المجتهد يبغا يكحلها ويعميها

ولا ياراعي الموجز نبا تفصيل للخبار == وهاذيه ياعبدالله مادري ويش اسميها


صح لسانك يابو محيميد واستلم :

لك الله ياعميلي مابغينا نخبط الاشجار = لكن شف من سرق رزق اليتاما من مخابيها
ليا عمين الارياء يالسنافي شغّل الرادار = تشوف اعلوم ثم اعلوم ثم اعلوم توحيها

[ابو محيميد]

قعدنا واستحينا لين صارت لعبه القمار === لياصرت المحامي كيف نطبخها ونشويها

ياعبدالله مدام الطايره في حكمه الطيار === هروج الناس يارجال قلي وش نبي فيها

[عبدالله بن طلال]

قعدنا واستحينا لين صارت لعبه القمار === لياصرت المحامي كيف نطبخها ونشويها

ياعبدالله مدام الطايره في حكمه الطيار === هروج الناس يارجال قلي وش نبي فيها


يابو محيميد صح لسانك وانا سعيد باللعب معك واستلم هالبيتين والمعذره
لأني مرتبط بعزيمه


شووها واحرقوها وابلعوها ضيفة الكفار = وانا ماذقتها لكن سمعت الناس تطريها
وعساها ما توقّع يوم طارت ياعميل الخار = انا مالي ومال الطايره مانيب راعيها

[ابو محيميد]

لاهنت وصح لسانك

وانا لو هي في يده عطيتك وسام النخبه

وتستاهل لكن المعذره على القصور

وحي والله الرجال اللي شرواك ولايهونون الربع