وصلني قبل قليل مقطع بلوتوث للشاعر ؟؟؟؟؟؟؟؟

[أبو مرحبا]

7



7



7




7




7





السلام عليكم ورحمة الله وبركاتة





يسعد مساكم ياربعنا عتيبه


قبل قليل وصلني مقطع بلوتوث للشاعر سعود الحافي العتيبي

يسب برنامج شاعر المليون ومعلوم بأن مقاطع البلوتوث تنتشر لجميع الدول بلمحة بصر يعني المقطع وصل لأعضاء لجنة المليون لكن السؤال هنا لماذا تم تأهل الشاعر سعود الحافي العتيبي مع العلم بأنهم يعلمون بأن الشاعر هجائهم بهذه القصيدة المنتشرة بالجوالات

هل سيكون هناك مؤامرة ضد هذا الشاعر بحيث فضحه أمام الجمهور والمشاهدين بأن كيف تهجؤ برنامج ومن ثم تشارك فيه





نتمنى ان يكون توقعاتنا غير صحيحه



والله يوفق ابناء عمومتنا في هذا البرنامج

[بـرق الـذيب]

مقطع صوت وصورة


ولا كيف

أنا قد سمعت بالمقطع بس ماني متأكد

[أبو مرحبا]

مقطع صوت وصورة


ولا كيف

أنا قد سمعت بالمقطع بس ماني متأكد



المقطع صوت وصورة ويلقي القصيدة أمام جماهير ملتفه حوله

[ذيب النفود]

والله هذا شي لايستغرب والمؤامرات السابقة أكبر دليل على ذلك

تحياتي.

[أبو مرحبا]

ذيب النفود


اشكرك على المرور


احترامي

[انا الهيلا]

والله انا اتوقع بيكسرون فيه قدام الملايين
احسن ليش يشارك

[بدر الكريزي]

المقطع منتشر .. و موجود في اليوتيوب ..


لكن أهم شيء عندهم .. شاعر يثير الجمهور .. و يخلي الجمهور يتحمس .. و هذا ما يتميز به سعود الحافي ..



يعني الفلوس عندهم فوق كل شيء .. حتى كرامتهم .. هذا إذا عندهم كرامه :)

[OTAIBAH]

الامر وجهة نظر..

ووجهات النظر تتغير..

وكثيرين ماكانوا يشيدون بشاعر المليون والان يرون غير ذلك والعكس كذلك..

وجايز ان الرجل ..جاي يفيدهم شعرياً..

الاكيد

ان سعود الحافي اكبر من برنامج شاعر مليون

[العــــــــابر]

عادي جدا اخوي الكري ابو مرحبا

العام خلف المشعان سابهم ودخل البرنامج

وغير هذا كله هنالك العام وقبل العام شعراء سبوهم على كرسي المليون

وجهه لوجه ولم يحصل من قبلهم شي

اما الشاعر سعود المبدع واللي باذن راح تشوفون قصيدته الاولى


فووق الخيال.

وسعود شاعر صاحب جماهيريه كبيره

والكل طلب منه الاشتراك بهالبرنامج

والبرنامج مغري لكل شاعر فنجاحات الشعراء اللي دخلوه

كبيره وبذات اللي يترك له بصمه

عندك مثلا يوسف العصيمي وعندك بعد وعبدالله السميري

انا شخصيا ماكنت اعرفهم بس الحين بكل امسيه تقريبا القاهم وفلوس

وظهوور اعلامي وشباب القبيله وشايبهم يعرفونهم

.وسعود رجل شخصيته قويه وفذه وفرض نفسه ووجوده

منذ ظهوره الفعلي تقريبا في ملتقى الهيلا.

وبالنسبه للقصيده والبلوتوث هذي محط خلاف كبير كبير

ارجوا من الجميع عدم الحديث فيها والخوض فيها يثير اموور كثيره

واما انه بيكون ضحية البرنامج فهذا شي ماتوقعه البته البته

والحلقه الثالثه قادمه وفيها سعود وعقبها نسولف ونحكم

ولكل حادث حديث

تقبل مروري

[الشايب]

اذا صار هالشي نقول لسعود بيت ابن فطيس

مالك الا الصبر وش وداك له

اجل يسبهم ثم يشارك معهم

الله يستر على شعارنا المشاركين من المؤامرات

[من عيني]

ارســـل حكيـــــم ولا توصيـــــــــــه

اللــــه يوفقهــم جميعاّ بدون استثنـــــــــــاء

وتوقعاتي باذن الله من الشاعر سعود باعــــــداد
قصيدة القنبله التى تذهل الجميــــــــــــــــــــــع


دعــــــواتكــــــــــــــم

[ابن صنهوت]

اي دنت نو بس الكريزي صادق ,,, ذولا يحبون الفلوس بقوه

[السيف الصقيل]

الله يوفق سعود وجميع شعار عتابه

واتمنى من سعود يحسب حساب كل شي ويعد العده لهم

لأنه ومن الممكن أن يحرجونه بالسؤال ..كيف تهجوا برنامج شاعر المليون وتشارك فيه ... ؟؟؟؟

في هذه الحالة عليه أن يعيد هذه القصيدة على رءووس الأشهاد ويعزز موقفه من برنامجهم ويثبت أنه حضر ليؤكد ذلك .....!!!

مجرد رأي ... وسعود ما شاء الله عليه ماينخاف عليه ولد حافي


بالتوفيق

[وافي الخماش]

يالربع ..

قولوا لا اله الا الله ..

المقطع هذا .. يوم اللجنة اعطوا يوسف العصيمي درجات قليلة .. ما عنه يستحق اكثر وفي حفل قال الحافي هالقصيدة ..
في وقت النسخة الاولى ..

والحين المقطع ما انتشر الا يوم اشتهر سعود الحافي ..

والغرض منه الاساءة لسعود الحافي ..

[مرزوق الجعيد]

السلام عليكم

يا اخوان المقطع طبعا موجود ومنتشر بكثره

ولا اعتقد ان اللجنه لديها علم فيه

ولو لديهم علم بهذا المقطع لسئلوه اثناء المقابله المبدئيه

لكن الخوف ان المقطع يوصلهم اثناء البرنامج الاساسي
يعني بالعربي يرسله لهم ضعيف نفس من الشعراء المشاركين

مع احترامي للشاعر سعود الحافي ولجماهيره

ولكن اعتقد انه ارتكب خطائين والان يقع فيها

الاول :انتقاده لشاعر المليون من خلال قصيدته ووصفه بنهب الاموال

والثاني:المشاركه في هذا البرنامج بعد التجريح في اللجنه

وهذا الشي تناقض تام اعتقد ان الشاعر وخاصه عندما يكون مثل الشاعر سعود له قاعده جماههيريه كبيره يجب ان يكون له توجه وفكر محدد
وليس تخبط امس سب واليوم مدح

اعتقد ان برنامج شاعر المليون لم تتغير سياسته ليرضى عنه سعود الحافي ولا اعلم ما الجديد الذي غير فكر الشاعر ونقده؟؟؟

نسخه مع التحيه

للشاعر سعود الحافي


وشكر لصاحب الموضوع

[محمد بن غازي]

أعتقد ان الشاعر/ سعود الحافي حسب لجميع الأحتمالات قبل المشاركه .... ودرس الأمر واستنتج أن محاسن البرنامج على اي شاعر تغطي على مثالبه ... وقرر المشاركه ... ونحن نتمنى له ولجميع ابناء القبيله التوفيق ...

[العــــــــابر]

ماقول الا بيض الله وجهك ياوافي الخماش

فعلا قلت كلمه خطيره المقطع هذا اللي يقولونه كلهم شافوه

وهو قبل ثلاث سنوات واليوم بدا يثار حوله الكلام ومدري وش الغرض

الظاهر حرب موجهه لسعود الحافي العتيبي اتمنى ان لاينساق ابناء الهيلا وراها.

وغير كذا كنا بالامس نمدح سعود لانه وقف بجانب يوسف العصيمي

واخذته الحميا.واليوم كلن ينشر ويبدي الاخطاء وينتقد ماقول الا سبحان الله.

والاخ الجعيد: سعود مامدح شاعر المليون يوم تقول يذم ويمدح.

سعود ذكي والبرنامج يخدمه ماشفت احد منكم نقد بعض الشعراء

ينقدون البرنامج ويسبونه وعقب يجون للبرنامج

ويلقون قصايد.

يالربع هذا شعر واعلام والذكي يلعب فيه ويعرف شلون يستفيد منه

يعني البرنامج مستفيد من سعود وسعود مستفيد من البرنامج.

وصدفوني البرنامج ماراح يملكون الجرأه بفتح اي موضوع مع سعود

ولاقدروا العام يفتحونه مع خلف المشعان وهو سابهم.

والبرنامج مهوب ملك للجنه البرنامج ملك لبو ظبي وشيوخها.

اتمنى التعقل واتمنى الرد باخلاقيات الهيلا .

اشكرك وافي الخماش اشكرك ابو غازي

شكرا للجميع بس اشووف الموضوع ماله اهمييه بس اثارت شوشره.

وااعيد واكرر الحلقه الثالثه جايه وبنشووف ردود الفعل

[منبع حرب]

يارجال اقسم بالله انكم كفو يوم تحسبون حساب هذا الشيء0
وبيض الله وجيهكم0

بس لاتنسون ان الذيب مايهرول عبث0

سعود ذيبان وان شاءالله انه حاسب احساب هذا الشيء
وابي الكل يتذكر مقابلته مع اللجنة ومع مقدم البرنامج
وش كان يقول سعود ووش كانت ثقته في نفسه ماشاءالله علاه0

والله انه متفطن لها وانه حاسب احسابها0

وانا أقول:
بدري على اعيال نشوى يصيدون اللي يصيد وماينصاد0

واتمنى من كل قلبي التوفيق لجميع شعار السعودية في هالبرنامج
لأنه راح يضيفلهم الشيء الكثير بغظ النظر عن تحقيق السجادة0خخخخخ
لأن كل شيء مدروس وامضبط وامحسوب من البداية0

ولكم مني كامل الحب والتقدير والاحترام0

[سطام العفار المزحمي]

يامسلمين واللجنة وشنهي خلة تعرف انة سبهم بيمنعونة من الحياة ولا يقطعون لسانة ولو نشدوة عن هذا الشي يقول نعم قلتة في موقف سابق تطلب مني قولة وهي ظلم الشاعر يوسف العصيمي

واعتقد ان الشاعر سعود الحافي وصل للجماهيرية وهذا البرنامج ماهو الا اضافة للشاعر

[سمران]

أبومرحبا
كل يلقى ماقدم

[سمران]

الله يستر من اصفار اللجنه
زيرو أو زيووين

[ذيب الحويه]

7



7



7




7




7





السلام عليكم ورحمة الله وبركاتة





يسعد مساكم ياربعنا عتيبه


قبل قليل وصلني مقطع بلوتوث للشاعر سعود الحافي العتيبي

يسب برنامج شاعر المليون ومعلوم بأن مقاطع البلوتوث تنتشر لجميع الدول بلمحة بصر يعني المقطع وصل لأعضاء لجنة المليون لكن السؤال هنا لماذا تم تأهل الشاعر سعود الحافي العتيبي مع العلم بأنهم يعلمون بأن الشاعر هجائهم بهذه القصيدة المنتشرة بالجوالات

هل سيكون هناك مؤامرة ضد هذا الشاعر بحيث فضحه أمام الجمهور والمشاهدين بأن كيف تهجؤ برنامج ومن ثم تشارك فيه





نتمنى ان يكون توقعاتنا غير صحيحه



والله يوفق ابناء عمومتنا في هذا البرنامج


المفـروض تستر الموووضـوع وتنفيــه للغير
مش تسـآهم في نشره والتذكير فيــه
علم بأنه ضعفـآء النفوووس بيوصلونه لـ موقع البرنامج
بعد تأكيـدكمـ له في منتــدى قبيلتــه ؟

[أبو مرحبا]

المفـروض تستر الموووضـوع وتنفيــه للغير
مش تسـآهم في نشره والتذكير فيــه
علم بأنه ضعفـآء النفوووس بيوصلونه لـ موقع البرنامج
بعد تأكيـدكمـ له في منتــدى قبيلتــه ؟



الله يهديك ياذيب الحويه

ذا بلوتوث مهوب لعبه يعني المقطع اللي فالصين يجي لسعودية شي عادي غير المقاطع اللي تنتشر في الكمبيوتر اليوتوب
وتبا تعلمني بأن اللجنة ماتدري عن هذا المقطع
الا تدري
بس يبا يبين في حلقة الشاعر الكبير سعود الحافي وش يباااا يسووون خمة المليون


تقبل احترامي

واستر على ماوجهت :)

[صاطي]

سعود ولد عتابه ماعلاه خوف

ومثل ماقال اخوي سطام العفار ان نشدوه راح يقول نعم هذا قبل عامين
حينما انظلم يوسف العصيمي لم املك نفسي بعد اللي شفته
والآن البرنامج تحسن وتطور وصار فيه تغييرات ومن هالكلام الحلو ....


عسى الله يوفقه وياسعود المنتظر ,, طلع مهدي هههههه

[عفيف.com]

مادام تقولون أن سعود الحافي أكبر من شاعر المليون .... ومن هالسوالف ... أجل وشوله مشارك .. ؟!

كان الأفضل الاحتفاظ بشعره في مواطن غير شاعر المليون ... الذي همه فقط ( كسب الفلوس ..) ومن السعوديين خاصة ...

وهم يعرفون العتبان زين وحمياهم لرفيقهم ... وسعود الحافي وأي عتيبي شارك ويشارك .... مكسب كبير لهم ... حتى لو هجاهم ....!!