تركي المريخي

[العــــــــابر]

السلام عليكم ورحمة الله وبركاته

مساء الخير على الهيلا ورواد الهيلا ومحبي الهيلا وضيوف الهيلا

يالربع ابي اكتب لكم اسطر اتمنى ان انصف شخصية تركي المريخي

ولو بشي من الحقيقه التي اعرفها.

نزل موضوع عن ابعاد الشاعر سعود الحافي العتيبي من قائمة ا100

وان السبب هو تركي المريخي.

طبعا الناظر لهذا الكلام فورا تاخذه الحميا وتاخذه الذكريات للشاعرنا

البطل يوسف العصيمي والظلم الذي تعرض له.

ولاكن لو فكرنا بالعقل وانصفنا العاطفه


لو جدنا ان تركي المريخي شخصيه عاديه جدا .ليس له يد بابعاد شاعر

او او اضافة شاعر.

طبعا عقب مانزل الخبر هنا بالمنتدى تم الاتصال شخصيا بتركي المريخي

ونفى هذا الكلام وقال سعود الحافي العتيبي مبدع واخذ الدرجه كامله

مني والباقي على هيئة ابو ظبي انا ماعاد لي دخل.

وقال لي بلسانه وصلني ماكتب في بعض المنتديات اني سبب بطرد

او بأضافة الشاعر الفلاني والعلاني .

طبعا الرجل نفى هالشي عن نفسه والله العالم فيه بس لو جينا للحق

تركي المريخي حنا مانطلبه شي وهو مايطلبنا شي يعني يالربع

ياليت نترك الاتهامات الجزافى اللي نرميها ثم نكتشف انها كذبه

.مثل ماحصل الان اعلن اسم سعود الحافي العتيبي من ضمن قائمة 48

وطلع كل الكلام خرابيط ومجرد نسج من الخيال.

اتصلت بعدها بالشاعر سعود الحافي العتيبي وتربطني فيه علاقه وثيقه

وصداقه قديمه.

وقال بالحرف الواحد ابشروا بكل علمن طيب وانا محل الهقوه اللي ربعي

يطمعونها فيني باذن الله وخل عنك الكلام هذا كله وطلب مني عدم الرد.

طبعا اتصالي للسعود كان عقب ماكلمت تركي المريخي اي قبل تقريبا

عشرين يوم او اكثر.
بس الحين اصبح كل شي مكشووف وواضح.

اخواني يجب تحري الصدق والامانه في اي طرح نبديه

وفالح بن فويز الشيباني العتيبي

ونايف معلا المغيري العتيبي

وسعود الحافي العتيبي

كلهم هامات شعر وكلهم عندنا واحد ولانفرق بين احد منهم

وربي يوفقهم جميعا.

وبالنسبه لما ذكر حول قصيدة سعود الحافي العتيبي في اللجنه

فان القصيده مابين الاثبات والنفي .

ولو فرضنا ان سعود قال قصيده في اللجنه وكان سببها الظلم اللي تعرض

له يوسف العصيمي العتيبي ومن باب حميا قالها وبيض الله وجهه

يقول البعض ان الجنه معها حق تطرد سعود لانها سبهم.

اللجنه ماطردت خلف المشعان وهو سابهم.

وغير كذا فيه شعار سبوا اللجنه في وجيهم وفيه شعار سبوا اللجنه بعد


ماتم طردهم وفيه شعار سبوا اللجنه وجو يعتذروون.

ولا اي حاله سابقه رأيناها في شاعرنا سعود الحافي العتيبي

بالتوفيق لكل هيلاوي يشارك بمسابقة شاعر المليوندمتم بود

[ابو سـ ع ـود]

السلامـ عليكم ورحمة الله و بركآتـه ..

لأشكرك أخوي ع الطرح الراقي ,,

و انا ماني عتيبي ولكن أسمح لي بالتعليق ...

المسآبـقـه هالسنه نآريـــه و آظن لـ الشآعر سعود الحآفي وآحد من المرآكز الثلاثـه الأولى بـ إذن الله ولكن يحتآج لـ دعم عتيبه و جميع القبائل الثآنيــه و هو ردآلٍ كفو و يستآهل و فآلـه البيرق ..

دمت بخير

[البرنس العتيبي]

الى الغالي العابر

بعد التحيه الموضوع هذا موجهه لي فمن حقي ان ارد عليك


اما عن تركي المريخي بسلامته انا ما اعرفه انا قلت الخبر كما جاني

ماكذبت فيه نقلت الخبر كما هو

ثم اشوفك متحمس على الخبر اكثر من المريخي

تقول كلمته انت شخصيا ومدري ايش طيب ليه تقول الخبر ولا يوم 48

وصلوا نقلت الخبر


ثم تقول ان سعود صديقك وبينكم صداقه قديمه

ممكن تعلمنا باسمك الرباعي اذا ماعندك مانع!!!!!!!!!!!!!


وطلبك على عيني وراسي اني ما عاد اكتب في المنتدى شرط المشاركات ما تتعدد 82 لك مني


اعتذر لمن اسأت اليه بالمنتدى بقصد وابو بغير قصد والسلام ختام

[خلف القثامي]

ونعم بالاستاذ / تركي المريخي عضو لجنة التحكيم في برنامج شاعر المليون





تركي انسان بسيط


طيب ومحترم جدا


يعمل بـــــــــ احدى القطاعات الحكوميه في شرق العاصمه




زار ملتقى الهيلا لمزاين الابل العام الماضي


ووجدت الاستقبال الرائع والضيافه الكريمه



وابو مشاري علاقته مع شعراء عتيبه متميزه



وشكرا يالعابر على الموضوع

[عبدالرحمن العضياني]

تركي المريخي مايقدر يستبعد اي شاعر سواء سعود اوغيره الامر بيد هيئه ابو ظبي والمريخي انسان محترررررم جداااا

[بـرق الـذيب]

أقول الله يوفق شعراء عتيبه

بس والله كان ودي عبدالله حديجان ضمن قائمة ال48


مع ان اللجنه مدوحوه مدح غير عادي

لكن الشكوى لله

[فيصل الحمراني]

يالربع نايف معلا ضمن 48 انا ماشفتة شارك في التصفيات الاولية في برنامج المليون نسخة رقم 3 هالسنة ياليت توضحون لي

هو شارك العام اكيد بس هالسنة انا ماشفتة في جولة الرياض ؟؟؟

بالتوفيق للجميع

[العــــــــابر]

ابو سعود شكرا على الاطراء

وحياك الله ياغالي بمنتدى الهيلا اللي كل من زاره او صار من اعضائه

اعتبرناه منا هيلاوي

شكرا على مرورك وطرحك

[العــــــــابر]

حياك الله يالبرنس

انا ماوجهت لك الاتهام علني ولاذكرت اسمك وقلت بكذا منتدى

مار دامك جيت حياك الله.

انت ماقلنا انك كذاب ولاكنك في موضوعك اكدت وجزمت بل وراهنت

بحقيقة مانقلت. وانا لم اكتب هذا الموضوع الا للتحري الصدق والبعد

عن الشائعات.

كنت اتمنى سعة صدرك تكون كبيره يوم شفت مقالي

انت اللي متحمس زود وكان بامكاني الرد عليك من اول وهله

وكان بامكاني ورب البيت اثبات ان سعود من ضمن 48 من لحظة كتابة

موضوعك وكان بامكاني جعل سعود يهاتف القائمين على المنتدى من

اول ماكتبت موضوعك.

ولاكن رأينا ان نتريث لعلك تتراجع وانت ابن عم ولم نرد فتح باب الجدال

مما قد يضر بشاعرنا سعود ومكانته .

فكما نعلم ان الهيلا منتدى عالمي والكل يتابعه ولا ابالغ لو قلت ان هناك

امراء ومسئولين هم من رواد المنتدى فما بالك بشاعر المليون

ويعتبر منتدى الهيلا سبيل نجاح لكل مشرووع اعلامي كبير

واعتبر ان منتدانا ساهم في الرفع من شان مسابقة شاعر المليون.

تقولي كيف اقولك انا

اكثر من ثلث الشعار اللي شاركوا بالتصفيات هم من عتيبه الهيلا

واكثر المجازين هم من عتيبه الهيلا لماتميزت به هذه القبيله من الفصاحه

والقدره والموهبه الشعريه الفطريه.

فهم يعتبرون لهذا المنتدى ولهذه القبيله مكانه كبيره فمن الارجح

انهم كانوا يراقبون مايقال وكان هذا قد يضر منا ناحية تسريب معلومات

او نقل حقائق.


وايضا حتى لااقع فيما وقعت فيه انت من خطأ جسيم ونقل خاطئ.

فيقال لاتنه عن خلق وتاتي بمثله عار عليك اذا فعلت عظيم.


تكذيب الرجال امرء سئ ولا اقبل به البته.

اسمي لايعني شئ والذي يعني هو اني اتيت بالحقيقه وارضيت

شئ بخاطري ووجهت نصيحه لكل من يتهور بنقل خبر غير مؤكد.

ولاكن بثبت لك شي: وبجاوبك

وهو ان اسمي عتيبي ابن عتيبي ابن عتيبي ابن عتيبي العتيبي

الهيلاويــــــــــــــــــــــــــــــــــــــــــ ــــــــــ

وانا لا اطلب منك ترك المنتدى ولايحق لي فهنالك ادارة تقرر مالك

ولغيرك وكم من مره وجهوني وتقبلت توجيهم حتى ولوكان انذارا

قاسيا لاني اعرف غلطتي واتراجع واعتذر واعود الى رشدي

وهذه من شيم الرجال ولاهيب عيب.

انت من وضع شرطا على نفسه بترك المنتدى .

واذا كنت تراني صاحب قرار في هذا فوالله انه يحزنني ان تترك المنتدى

ولا اريد هذا الشئ وكم تمنيت ان اجد ردك على موضوعك وفيه تتراجع عن ماكتبت

كان كسبت ولاخسرت.

وانت كاسب احترامنا لك وحنا كسبنا خوتك يالطيب

كما هو معروف عن عتيبه الهيلا وحبهم لبعضهم مهما حدث ومهما صار

امنياتي ان اراك صقرا من صقور الهيلا تحلق في صرحهه الشامخ.

دمت بود ومحبه.

[العــــــــابر]

اخوي خلف كم اسعدني مرورك

طرحك راقي كما انت راقي ومهذب ويعلم الله اني احبك فالله

اسلوبك وعقلانيتك جعلت الجميع يحترمك ياطيب الاصل.

كلامك عين العقل ولافيه نسبة خطا وهذا شي عرفناه عنك.

فانت تعطي الرجال حقوقها .

كنت ارى في مقالي شئ من الابداع ولاكنك اضافة الابداع اليه

بمرورك المشرف

دمت بود

[من عيني]

العتب غسيــــل القلــــوب (فما رأته العين فهو حق
وما سمعته الاذن فهو باطل ) والله وحده سبحانـــه
عـــــلام الغيوب

تقبلـــو جميعاّ اطيب التحايا والتقدير

[العــــــــابر]

عبدالرحمن العضياني

يكفي اسمك وانا اخوك

ونعم فيك والله وردك ينم عن طيبك ورفعة اخلاقك الطيبه

نعم تركي ماله ذنب ولاكن وشتقول

تقبل مروري

[العــــــــابر]

حياك الله يابرق الذيب

وكل الاماني بالتوفيق لشعار عتيبه

دمت بود

[العــــــــابر]

الحمراني شرفت الصفحه ياغالي

دمت بود

[العــــــــابر]

من عيني

سلمت يالذيب على المرور العطر

حياك الله وصدقت بمقلت

دمت بود

[شاعرخطير]

سلمت اناملك يا العابر وبيض الله وجهك

[محمد الحميدي]

الاخ العــــــــــــــــــــــابر لاهنت وبارك الله فيك

وعسى الله يوفق شعراء الهيلا ويتم إنصافهم من اللجنه فهم شعراء

مبدعين وسوف نشاهد في الايام القادمه احوال برنامج شاعر الجيوب

وشكراً

[فاهم بن العتيبي]

ولله الرجال كلامه طيب ونطقه طيب لكن الدرجات علمها عند الله

[السيف الصقيل]

ونعم فيه وبربعه مطير حمران النواظر

الرجل خلوق ومحترم ويستاهل كل خير

الله يوفقنا وياه لما يحبه الله ويرضاه

[أبوالعبادلة]

/ السلام عليكم
أولاً/من خلال الردود لا حظت الكثيريين يخطئون في كتابة لكن.
فيكتبونها لاكن و هو خطاء.و بعضنا يستفيد من بعض .
ثاتياً/ا ما بخصوص المريخي فهو عنصري الى النخاع.
و قد لاحظته في الحلقة الثانية عندما علق على شاعر
الجنوب الشهراني. و لكن الرجال انصفوه و جميع اعضاءالجنة
اثنوا عليه و خاصة الدكتور و حمد السعيد و كذلك الجمهور
حيث اخذ المركز الثاني.و شاهدتم عندما علق على ابن عمه
المطيري كاد يطير به الى السماء.و ما نقول الا الله يهديه.

[عفتان العتيبي]

يالله تحيك عابرا او راعي محل

الله يابو الوليد
مايحذف بعصا

وش ردك يوم عطوا شاعر العروبه وشاعر قطمان المحازم صفر غهو والسعيد

اتحداه ينكر
وش قال للشمري عبدالرحمن ليلة حفلة البحرين في الفندق
استاذكم المريخي ؟؟؟

الي مايدري يدري


قال والله البيرق مايخذه عتيبي والمريخي في اللجنه


هذي هي الحقيقه

ويعرفونها الناس


ذكرتني بيت للمطرب عبدالله فضاله

((عابر سبيل ولاتقطعين سبيله ))


والله يعز اعتيبه

اعتيبه وشعارها اكبر من مريخي وسعيد ال نهيان

[سـامــي النفيعي]

كــلامك سليم وعلى العين والرأس ....

لكن عندي نقطــة بودي أوضحها ......

أن اللجــنــة مثل مافعلت مع خلف المشعان العام الماضي ..

راح تفعله مع سعد الحافــي...

وآرجــوآ أن فهمتوني زيــن

[العــــــــابر]

شاعر خطير


فاهم العتيبي


السيف الصقيل


ابو العبادله

وجودكم اعطى للموضوع اهميه اكبر واضاف لي الكثير

ماذكرنا حول المريخي يعني ياخوان عدم اعطائه اكبر من حجمه

وعدم التهجم عليه من غير دليل

ياهلا وغلا

[العــــــــابر]

عفتان نورت الصفحه

ياليت تكمل الاغنيه عجبتني

ههههه

[العــــــــابر]

سامي النفيعي

وان غدا لناظره لقريب

انتظر سعود بالحلقه الرابعه

دمت بود

[عتيبي للابد]

فكما نعلم ان الهيلا منتدى عالمي والكل يتابعه ولا ابالغ لو قلت ان هناك

امراء ومسئولين هم من رواد المنتدى فما بالك بشاعر المليون


صعبه ذي شويه يا اخي العابر.

على العموم الموضوع ما يستاهل تتهاوشون تركي المريخي عن نفسي ما احبه و احس بانه عنصري جدا, هذا رايي و لي الحق بانتقاده فهو وضع نفسه في مكان للانتقاد كونه من اعضاء اللجنه و كل واحد يقيم اللجنه و اعضاؤها حسب تفكيره و رايه الشخصي و يجب ان يتقبلها تركي او غيره فهي من مساوئ الشهره


و انا حلفت عليك يا البرنس العتيبي ما تطلع من المنتدى ( امون عليك) و تنسى وش صار و اعتبر العابر اخوك و يعاتبك عادي يا اخي يا ما تصاقعوا الاخوان و تسامحوا

[العــــــــابر]

عتيبي للابد

حياك الله مافيه شي صعب وانا اخوك

انا سمعت ان الكونجرس الامريكي يبنون قراراتهم على مايشوفون

بالمنتدى هههههههههههههههههههههههههههههههههههههه

انتظر القصيده يوم الخميس يالذيب

[الساطع]

الله يعطيك العافيه اخوي وتركي المريخي ماله اي خص يطرد او يستبعد اي شاعر ولله يوفق شعار الهيلا الي في المليون

[رمح برقاا]

صباح الخير


بالتوفيق للشاعر سعود الحافي

واحب امسي بالخيرر على تركي المريخي

[من عيني]

سامي النفيعي

وان غدا لناظره لقريب

انتظر سعود بالحلقه الرابعه

دمت بود


اخوي عابر بالفعل عشنا وشفنا الاقنعه المزيفه
تحيـــــــــــاتي

[العــــــــابر]

الساطع

رمح برقا

نورتم هالشاشه باطلاله رائعه

اخوي من عيني

وانا صدقت لاني راهنت على سعود الحافي ولم اراهن على تركي المريخي

ياليت ياخوي تقرا زين وتعي مانكتب وتعي ماتكتب

تقبل مروري

[ابو محمد الدعجاني]

مساكم الله بالخير جميع

يا اخواني وبني عمي ابناء هذا المنتدى العزيز علينا انا ودي اتكلم بكل صراحه وبدون مجامله وبدون تحيز بصراحه انا وكل ابناء الهيلا نتمنى التوفيق لكل شاعر عتيبي دخل هذا البرنامج ولكن انا اشره على الشعراء اللي اكتشفوا عدم المصداقيه من قبل اللجنه واكتشفوا اللعبه اللي وظعها المزروعي ونشوا الرويني وهجوا اللجنه وسبوها ومع كل هذا يروحون ويشاركون بالبرنامج لا يودرون انهم مهما عملوا ماراح ياخذون المركز اللي هم يحلمون فيه شتفسرون التصرف هذا ؟؟؟؟؟؟؟


اظن ان الحر يفهم بالاشاره ..........


واشره بالاخص على شعار عتيبه لانهم هم المتظررين من البرنامج بالدرجه الاولى من مشاركة الشاعر السواط ومشكلته مع الدكتور غسان
وبعدها الشاعر يوسف رزاق ومشكلته مع حمد السعيد وباقي اللجنه وقاموا وراهم شعار وسبوا البرنامج واللجنه وقالوا ان اللجنه غير منصفه وراحوا واشتركوا شتفسرون التصرف هذا وفوق كل هذا المتظرر حنا يا ابناء القبيله صرف اموال على شي فاظي بموجب الحميه القبليه يعني على ماقالوا ((((وين اذنك يالحبشي قال هذي))))..

البرنامج مادي بكل المقاييس وفشل بمصداقيته وارجوا ان لا ياخذ اكبر من حجمه بهذا الصرح الشامخ منتدى الهيلا ..

وارجوا تقبل مروري وصراحتي وعساني ما ازعجت احد من الاخوان الاعضاء بكلامي