بنــدول
11-Dec-2008, 09:39 PM
بسم الله الرحمن الرحيم
إخواني أعضاء منتدانا الغالي
السلام عليكم ورحمة الله وبركاته
اليوم جايب لكم بعض قصائد الشاعر المعروف حمدان العصيمي
أرجوا أن ينال على إعجابكم ,,
هذه الأبيات ألقاها شاعرنا في إحتفال قبيلة العصمه لدعم مهرجان قبيلة عتيبه لمزايين الابل حيث وصلت التبرعات في تلك الليله أكثر من خمسة ملايين ريال .
الشعر له ميعـاد والميعـاد بطحـي وسنـام
فالليلـه اللـي فارقـه عـن الليالـي كلهـا
ماكنها الاّ بنت شيـخ ٍ فـي ذرى الله ماتظـام
تلبّسـت غـال الحلـيّ وعيـدت فـي حلهـا
فيها أتباها وافتحـر واللـي عشقهـا مايـلام
خليلـةٍ تنقـض جدايلهـا وتعشـق خلـهـا
إن كان ماروّض لها شعري على أحسن مايرام
أقـول وادع عالـم الساحـه وروح وخلهـا
وقعدت أنا والفكر والهاجوس في شبه إستـلام
وتعاوت شرّد بيـوت الشعـر قبـل أرسلهـا
قامت تداحم في معاليق الحشـا مثـل الحيـام
علـى قليـبٍ عيلمـيـه والكـبـود تبلـهـا
وأخذت منها مثل ماقـال المثـل زبـدة كـلام
قصيـدةٍ ياقـف لـهـا الابــداع ويقبلـهـا
عنوانهـا سـلام والاسـلام يأمـر بالسـلام
تحيـةٍ هـذي مناهجـهـا وهــذا دلـهـا
سلام يامجدٍ يعيـد الذاكـره فـي كـل عـام
سـلام يـادار مراويـح الـمـزون تعلـهـا
سلام ياربعي هل الـردات مرويـن الحسـام
يومٍ فرسان العـرب حـدب السيـوف تسلهـا
بمجادكم يستكمـل التاريـخ هيبـه واحتـرام
ومسيرةٍ حتى القلـم فـوق الـورق يذعلهـا
أهل الامور الكايده في حرب والاّ فـي سـلام
واهل البيوت اللـي تجيـر المستجيـر بظلهـا
واهل المحازم يوم كلٍ نجدته ما فـي الحـزام
واهل الثلاث البيض في عسر السنيـن وذلهـا
واهل المكارم والكرم واهل المواقيف العظـام
واهل السلوم اللي قليل من العـرب ياصلهـا
أفخر بكم يـادرع جنبـي فالمقـال وفالمقـام
أقولهـا واللـي عقـد روس الحبـال يحلهـا
قمة فخرنـا بالتكاتـف والهمـم والاهتمـام
والفزعه اللي شاش منها الراس واسترسلهـا
لعيون تلعات الرقاب اللي غلاها أكبـر هيـام
رثم الخشوم اللي عسى عين الحسـود تزلهـا
في مامضى يوم أشهب البارود جايلّه عسـام
ياعنـك ماقفّـا بهـا الطامـع ولاهوبلـهـا
حامينهـا جدّانـا رغـم التكلـف والـزحـام
واليوم نصخ المال تقديـرٍ لهـا وارض لّهـا
في راية اللي حكمهم حسب الشريعه والنظـام
بالعـدل والانصـاف والفتنـه تلاشـت كلهـا
أخوان نوره نورنا اللي حطم أجنحـة الظـلام
سلايل اللي وحـدّ الدولـه وقـال اهـلٍ لّهـا
وله في شاعر المليون
ياشاعر المليـون مانـي بغلطـان
أحييـت عصـر الفتنـه الجاهليـه
سببت لك صجه وضجـه وبركـان
وحطّمت روح الشعـر والمعنويـه
لكن لك معروف واحد على شـان
علمتنـا منهـم رجـال الحمـيـه
أقولهـا واطولهـا سـر واعـلان
أعلـن بهـا قـدام كـل البـريـه
ربعي لياشان الدهر واللغى شـان
أهل المواقـف والعـزوم القويـه
سلطانهم يغلب على كـل سلطـان
وتاريخهـم تعجـزبـه الابجـديـه
نعم لياقالوا هـل المجـد عتبـان
امثبتيـن أركـان نجـد العـذيـه
أمجادنا قامت على سيف وحصـان
ويـوم عبـوس أوقفـةً عالميـه
ماهو بهرجٍ قالـه فـلان لفـلان
لاجاتنـا فـزعـه ولاهاشمـيـه
ألاّ بعـد عـدة مناويـخ وأكـوان
يــومٍ كــل ناويّـلـه بنـيـه
ياما ثنينـا دون حلـوات الالبـان
بالسيف والرمـح الردينـي خويـه
نرعابها دار الحيـا ويـن ماكـان
ونارد لحشمتهـا حيـاض المنيـه
تمسي تحت هيبة طويلين الايمـان
وتصبح تحت ظل السيون محميـه
هذا الكلام اللي حصل ماض الازمان
قـدام نـزع الظلـم والعنجهـيـه
واليوم حنـا كلنـا ربـع واخـوان
لوكـان بـاقٍ للحمـيـا بقـيـه
بيوتنـا للضيـف جنـه وبستـان
وكفوفنـا لهـل المكـارم نـديـه
في ظل عبدالله وفي ظـل سلطـان
آل السعود اهل الحصـون الذريـه
الله جعلهم للوطـن غيـث هتـان
احيى القلوب مـن الحيـاه الدنيـه
وختامها صلوا على نسـل عدنـان
ماخاب مـن يذكـر محمـد نبيـه
_شعر النظم غير_
الله أكبر ياهجوسٍ فالبحر سبّاحه
ماتليق ألاّ بموج البحر ويليق بها
غيّرت روتيني اللي صار ملك الساحه
كل ليل أقابل الاصحاب واعاتبها
لو بعضهم راس ماله فالشعر مسباحه
مايهمّه سالب الوقفات من موجبها
المهم ايقدّم اسمه في قناة الواحه
لجل عنده واسطه بالحيل مع صاحبها
جاك مثل الطير الابرق لاهوى بجناحه
وان نشدته عن بحور الشعر ماجاكبها
مار لي وجهة نظر للعالم السوّاحه
من يقلل قدر نفسه ماعرف واجبها
أشهد إن النظم راحه مابعدها راحه
لو يشتّت مجمل الافكار مايتعبها
كل ماجيت أنظمه مشاعري مرتاحه
أكتب الجمله مفيده ثم أروح أعربها
ودي آخذ في مصيفه كل عام سياحه
من جبال الطايف الشامخ ليا حد أبها
أتغذى فيه من خوخه ومن تفاحه
بالغصون اللي ذعاذيع الهوى يلعبها
وأتعلم منه مفهوم الدهر وكفاحه
خطّة سارت على أفضل نهج واسيربها
وأتعدى موقع الخط الحمر واجتاحه
واثني الركبه لبعض الناس واحاسبها
وله في النصح
_ياجاهل الدنيا_
ياجاهل الدنيا بها ضيـق وافـراج
والناس تسعى في ذرى اللي خلقها
مهما يكون العبد للنـاس يحتـاج
في مالها في رفقها فـي طرقهـا
والفتنه اللي جات من مصدر ازعاج
دعها وشرهتها على مـن لحقهـا
من دونها حطيـت للبـاب مـزلاج
وصدّيت عنها كـن أذانّـي صقهـا
لو بستمع في كل هرجـه وهـراج
غديت أنا والنـاس خذهـا وذقهـا
مالي ورى عميان الابصار مخراج
اللـي تبلّـل روسهـا وتحلقـهـا
اقلوبهم من حقدها أسود من الصاج
ووجيهـم بالكـره ينـدى عرقهـا
غرست ردى لوهي على جال هداج
تاخذ مرارة عرقهـا مـن ورقهـا
وان كان عندك مالها طب وعـلاج
عندي علاجٍ يبعدك عـن وهقهـا
جوٍّ خـلا لـو دايجـه مابعـد داج
أخير من بعض الامـور وحمقهـا
تطيح فـي عيّـة مجالـس ودوّاج
اليا سمع كلمـه طريفـه زرقهـا
سوّالها فلـمٍ كوميـدي ومونتـاج
وسابق بها هوج الرياح وسبقهـا
لكن شفلك عـن نحايـاه منهـاج
واطو الفياض الخاليـه واسترقهـا
درب العليا يصعب على كل هلبـاج
والمرجله ماكـل واحـد عشقهـا
_ رفيقي_
رفيقي الطيّب من الهـرج مصيـون
أحمـاه واحمـى فالمجالـس جنابـه
ماني ضعيفٍ يتبـع الهـون بالهـون
أقوم دونـه وانصـره فـي غيابـه
واخلّي اللي مـادرو عنـه يـدرون
واخلّـي اللـي مايهـابـه يهـابـه
الناس دايـم بالسوالـف يخوضـون
كل ٍ مـع الماشـي تدرهـم ركابـه
يسل لـه سيـفٍ مـذرّب ومسنـون
لكـن بـاول يـوم يرقـل نصـابـه
لاهو بـلا مجبـر ولاهـو بمنـون
يمـر بـه طيـش الجهـل مادرابـه
وأصبح مراسل في وكالـة يقولـون
الـي تشكـل للمشاكـل عصـابـه
فلان قـال وقـال وفـلان مجنـون
وفـلان فيـه وفيـه عيـب وعيابـه
تـراك يالإنسـان بالعيـب مقـرون
لاتنخـدع هـرج القفـا وش تبابـه
ايناصرك عشره ويبغضـك مليـون
وتضيع ضيعـة مـن تعـوّق شبابـه
اعرض وصد ان كان لك قلب وعيون
وانهج على نهج النبـي والصحابـه
ولشاعرنا هذه الإجتماعيه:.
_الموقف الحرج_
ياصاحبي لو بستمع لكثـر الهـرج
والله مامريـت معظـم ربـوعـي
لو ماتحمّل صرت فالموقف الحرج
لطمت عيني ثـم سالـت دموعـي
لكن عنـدي للسوالـف ميـة درج
أقفل عليها قبـل تدخـل سموعـي
مالي ومال العرج ومجمّع العـرج
خبل ٍ يجمعها علـى كـل نوعـي
هو يحسب انه بالسوالف بنى برج
مايـدري إنـه للمحبـه قطوعـي
هذا العدو اللي مثل حيـة الخـرج
دايـم يدفونـه خبـاث الطبوعـي
ثم جاك في ظهر الكحيله بلا سرج
امحملينـه بالنمـش والدروعـي
خايب رجاء لو قلت عيد النظر ورج
وشلون أبرجي كل سبعٍ خدوعـي
خله يروّح جعلها روحـة الـزرج
وضعي بخير وستر قلبي ضلوعـي
_ أسرج حصانك _
من منطلق باب العتب في رحلة الليل البعيد
أصارع البيداء واحث الرجل مشي ودرهمه
لو ان مسرى الليل ماينطاق فالبرد الشديد
سريت مع همّي وسرّاني بدون مقدّمه
لين أنبلج نور الصباح وقت هذا يوم عيد
اللي طوى عني من الليال ليله مظلمه
لكن حال الغيم دون الشمس وازتاد الجليد
واخذت لي من واقع المأساه تاريخ وسمه
مير الرجاء لازال يستعطفك يالفجر الجديد
أضمد جروحه من طعون الياس لاينزف دمه
هي حالة الدنيا كذا يمّا شقي والاّ سعيد
ومن طاب حظّه كل مايرمي عدو طاح سهمه
والحكمه اللي ماتناقلها رواه ولاقصيد
وجودها معدوم لو تحمل رموزٍ مبهمه
قد قيل فالامثال مايقوى الحديد ألا الحديد
والطق فكّاك اللحام من القفول الملحمه
أسرج حصانك ياسليل العز والمجد التليد
كم واحدٍ في خاطره كلمه ولاتاصل فمه
يردّها جسر الحيا ويضمّها الصمت الفريد
مستعبده ومترجمه ماهي بحاجة ترجمه
يبيد ثوب الذل وألا العز ثوبه مايبيد
والنصر له حزات واللي وده النصر اغنمه
تمر ساعات الدهر والعمر ينقص مايزيد
واللي يقلّل قيمة التاريخ يقرى معجمه
النار ماتشبع حطب والفقر مايرحم وحيد
والبخل لو يضوي على بيت الكرم مايهدمه
_أناولد من يتعبون الاصايل_
اليـوم يانـواف بالحيـل مايـل
ودّك تحقّـق ماتـريـده ولاتــم
أنا ولد مـن يتعبـون الاصايـل
عيبٍ عليّ أتبع هل الشتم والـذم
آخذ من أشـوار النشامـا دلايـل
واحط لي في مسهم الطيب مسهـم
ماني بفـي حاجـة ردي الفعايـل
حتىّ ولو انه قريّـب وابـن عـم
ألقى بدالـه فـي جميـع القبايـل
يظهر من الاجناب مايجلـي الهـم
شبعت من كثر الحيـل والمحايـل
شيٍّ يثير الضغـط ويفـوّر الـدم
لكن يامرسـول عنـدي رسايـل
بلاش لاتقـول لـي سعرهـا كـم
ماني بغصنٍ كـل يـوم ايتمايـل
أغزر على السباح من غبة اليـم
كفوا وعفـوا ياعيـال الحمايـل
ترى الكلام أشد واخبث من السم
_الـــوســــم_
الوسم من عمق البحر قام ينساق
وارخى على شبه الجزيره سبولـه
بيض نصوبه لا تعرّض للاشـراق
مثل الرغاه عن الحليـب معزولـه
مجتثّه الرحمـن مفتـاح الارزاق
اللـي ملايكتـه بالاقـلام حولـه
مابات له في عاليـة نجـد بـراق
قام يتلاعج بارقـه مـع وصولـه
يوم ايتهشّم بالرعد فيـه مشتـاق
لطهر بقاع الكون عرضه وطولـه
دمعة عيونه بيّدت حـزن الاوراق
في دولة تفخـر بهـا كـل دولـه
أم المساجد والمكـارم والاخـلاق
فيها حرم مكه ومسجـد رسولـه
خلّوني أتونس بعد خاطـري فـاق
يومين حتى نجد تفـرش زلولـه
نبته جديد ومطلعـه تـو ودقـاق
ياخذ غذاه من الثرى ومحصولـه
وليا تكامل واختلـط كـل مـالاق
كثروا كواشيتـه وكثـروا نزولـه
تلقى هل البل فيه من كـل الاذواق
اللي قرب واللي تطـرّف بشولـه
ماشال من سوق العلف هم وارهاق
على الضحى الضاحي ينوّخ ذلوله
وناخذ لنا سجه شمالٍ من نطـاق
في خايعٍ عطره ماهو عطر تولـه
مع رفقة اللي للمواجيـب سبّـاق
دايـم ميولـي مايباعـد ميولـه
هرجه يوسّع خاطر ي كل ماضاق
ولياحضر بين الرجـال انصتولـه
ماعاش له في مجتمع كذب ونفاق
حلوين الالسن والقـوب معلولـه
ولشاعرنا في الغزل :.
_ كثر المعاند_
ياوليفـي ليـه كثـر المعـانـد والـكـلام
لاتعاندنـي بحبـك تـرى قلبـي جــزوع
أرحـم اللـي ذاق طعـم المحبـه والغـرام
طالبٍ وصلك ولومـن سبـوع اليـا سبـوع
شوفتك عندي كمـا النـور جـلاي الظـلام
وابتعـادك ليـلٍ أظلـم متاهاتـه تــروع
في رضاك أفرش لك الأرض من ريش النعام
وفي غضبك أطّوع الصعـب ليننـه يطـوع
لاتطاوع فـيّ مـن يلحقـك عيـب ومـلام
خل طبعك يرتفـع عـن خبيثيـن الطبـوع
أخذني فـي طيـش حبـك وقدنـي للامـام
وأخذ منـي جنـةٍ نبتهـا مـن كـل نـوع
جنـة الدنيـا محبـه وطيـبـه واحـتـرام
من دخل في وسطهـا مايبـي منهـا طلـوع
وان عزمت بقطع وصلي على الدنيا السـلام
إلك كيّه مثـل كيّتـك إلـي بيـن الضلـوع
_ضامر السرجوف_
يالطيف الروح ملهـوف الحشـا
ضامر السرجوف عودك مرتـوي
يابعد من عاش بـالارض ومشـا
من زعيم ومن ضعيف ومن قوي
طحت في حبّـك وراد الله وشـا
أبـدويًّ عانـقـه ذوق بــدوي
عـاش حبـك فالمعاليـق ونشـا
كن مالك فـي عبـاد الله سـوي
دون وصفـك لاستـار ولاغشـا
فطرتك وحـده ولاانتـه بلغـوي
مار لاتسمع وشايـة مـن وشـا
اعتبر نفسك خوي واغـلا خـوي
اخـذ منّـي ماتريـد وماتـشـا
واعطني حبل الوصال المعنـوي
لاحشا مااقبـل فراقـك لاحشـا
في فراقك يعوي الهاجس عـوي
مثل ذيبٍ محتديه (إ) عـن العشـا
صوت رمي وخلفه الرمي ارهوي
ضاق صدره بالروابـع واحتشـا
مونسلّه جـوع والليـل اسـروي
_أشتاقله وأهواه_
الله من نورٍ فـرق ظلمـة الليـل
حوّل على الظلمى وجرّد سيوفـه
أخذت أدقّق فيه بالحيـل بالحيـل
عينـي تشوفـه كنّهـا ماتشوفـه
أثره جبين اللي سقى داره السيـل
عسى عليه المزن تمطـر قنوفـه
فرّق جديلٍ مثل ذيل أجود الخيـل
بصطبل سلطان الكبيـر معسوفـه
أشتاقله وأهواه واميـل لـه ميـل
وادرى مناقيده واشوف معروفـه
حرام مااسمع فيه كثـر الاقاويـل
لو وصفوه وعذربوا في وصوفـه
له داخل أعماقي فياض ومداهيـل
من يوم قال اسمه وترجم حروفـه
أدعج غنج يسلب عقول الرياجيـل
في مشيته في جلسته فـي وقوفـه
أظما على شوفه ظما وارد النيـل
وامسي على ذكره وعالم طيوفـه
حبه طبع فالقلب جملـه وتفصيـل
مثل الخضاب ليا طبع في كفوفـه
يالله بعفـوك فالليـال المقابـيـل
أخاف دون الوصل تصعب ظروفه
وسلامتكم
إخواني أعضاء منتدانا الغالي
السلام عليكم ورحمة الله وبركاته
اليوم جايب لكم بعض قصائد الشاعر المعروف حمدان العصيمي
أرجوا أن ينال على إعجابكم ,,
هذه الأبيات ألقاها شاعرنا في إحتفال قبيلة العصمه لدعم مهرجان قبيلة عتيبه لمزايين الابل حيث وصلت التبرعات في تلك الليله أكثر من خمسة ملايين ريال .
الشعر له ميعـاد والميعـاد بطحـي وسنـام
فالليلـه اللـي فارقـه عـن الليالـي كلهـا
ماكنها الاّ بنت شيـخ ٍ فـي ذرى الله ماتظـام
تلبّسـت غـال الحلـيّ وعيـدت فـي حلهـا
فيها أتباها وافتحـر واللـي عشقهـا مايـلام
خليلـةٍ تنقـض جدايلهـا وتعشـق خلـهـا
إن كان ماروّض لها شعري على أحسن مايرام
أقـول وادع عالـم الساحـه وروح وخلهـا
وقعدت أنا والفكر والهاجوس في شبه إستـلام
وتعاوت شرّد بيـوت الشعـر قبـل أرسلهـا
قامت تداحم في معاليق الحشـا مثـل الحيـام
علـى قليـبٍ عيلمـيـه والكـبـود تبلـهـا
وأخذت منها مثل ماقـال المثـل زبـدة كـلام
قصيـدةٍ ياقـف لـهـا الابــداع ويقبلـهـا
عنوانهـا سـلام والاسـلام يأمـر بالسـلام
تحيـةٍ هـذي مناهجـهـا وهــذا دلـهـا
سلام يامجدٍ يعيـد الذاكـره فـي كـل عـام
سـلام يـادار مراويـح الـمـزون تعلـهـا
سلام ياربعي هل الـردات مرويـن الحسـام
يومٍ فرسان العـرب حـدب السيـوف تسلهـا
بمجادكم يستكمـل التاريـخ هيبـه واحتـرام
ومسيرةٍ حتى القلـم فـوق الـورق يذعلهـا
أهل الامور الكايده في حرب والاّ فـي سـلام
واهل البيوت اللـي تجيـر المستجيـر بظلهـا
واهل المحازم يوم كلٍ نجدته ما فـي الحـزام
واهل الثلاث البيض في عسر السنيـن وذلهـا
واهل المكارم والكرم واهل المواقيف العظـام
واهل السلوم اللي قليل من العـرب ياصلهـا
أفخر بكم يـادرع جنبـي فالمقـال وفالمقـام
أقولهـا واللـي عقـد روس الحبـال يحلهـا
قمة فخرنـا بالتكاتـف والهمـم والاهتمـام
والفزعه اللي شاش منها الراس واسترسلهـا
لعيون تلعات الرقاب اللي غلاها أكبـر هيـام
رثم الخشوم اللي عسى عين الحسـود تزلهـا
في مامضى يوم أشهب البارود جايلّه عسـام
ياعنـك ماقفّـا بهـا الطامـع ولاهوبلـهـا
حامينهـا جدّانـا رغـم التكلـف والـزحـام
واليوم نصخ المال تقديـرٍ لهـا وارض لّهـا
في راية اللي حكمهم حسب الشريعه والنظـام
بالعـدل والانصـاف والفتنـه تلاشـت كلهـا
أخوان نوره نورنا اللي حطم أجنحـة الظـلام
سلايل اللي وحـدّ الدولـه وقـال اهـلٍ لّهـا
وله في شاعر المليون
ياشاعر المليـون مانـي بغلطـان
أحييـت عصـر الفتنـه الجاهليـه
سببت لك صجه وضجـه وبركـان
وحطّمت روح الشعـر والمعنويـه
لكن لك معروف واحد على شـان
علمتنـا منهـم رجـال الحمـيـه
أقولهـا واطولهـا سـر واعـلان
أعلـن بهـا قـدام كـل البـريـه
ربعي لياشان الدهر واللغى شـان
أهل المواقـف والعـزوم القويـه
سلطانهم يغلب على كـل سلطـان
وتاريخهـم تعجـزبـه الابجـديـه
نعم لياقالوا هـل المجـد عتبـان
امثبتيـن أركـان نجـد العـذيـه
أمجادنا قامت على سيف وحصـان
ويـوم عبـوس أوقفـةً عالميـه
ماهو بهرجٍ قالـه فـلان لفـلان
لاجاتنـا فـزعـه ولاهاشمـيـه
ألاّ بعـد عـدة مناويـخ وأكـوان
يــومٍ كــل ناويّـلـه بنـيـه
ياما ثنينـا دون حلـوات الالبـان
بالسيف والرمـح الردينـي خويـه
نرعابها دار الحيـا ويـن ماكـان
ونارد لحشمتهـا حيـاض المنيـه
تمسي تحت هيبة طويلين الايمـان
وتصبح تحت ظل السيون محميـه
هذا الكلام اللي حصل ماض الازمان
قـدام نـزع الظلـم والعنجهـيـه
واليوم حنـا كلنـا ربـع واخـوان
لوكـان بـاقٍ للحمـيـا بقـيـه
بيوتنـا للضيـف جنـه وبستـان
وكفوفنـا لهـل المكـارم نـديـه
في ظل عبدالله وفي ظـل سلطـان
آل السعود اهل الحصـون الذريـه
الله جعلهم للوطـن غيـث هتـان
احيى القلوب مـن الحيـاه الدنيـه
وختامها صلوا على نسـل عدنـان
ماخاب مـن يذكـر محمـد نبيـه
_شعر النظم غير_
الله أكبر ياهجوسٍ فالبحر سبّاحه
ماتليق ألاّ بموج البحر ويليق بها
غيّرت روتيني اللي صار ملك الساحه
كل ليل أقابل الاصحاب واعاتبها
لو بعضهم راس ماله فالشعر مسباحه
مايهمّه سالب الوقفات من موجبها
المهم ايقدّم اسمه في قناة الواحه
لجل عنده واسطه بالحيل مع صاحبها
جاك مثل الطير الابرق لاهوى بجناحه
وان نشدته عن بحور الشعر ماجاكبها
مار لي وجهة نظر للعالم السوّاحه
من يقلل قدر نفسه ماعرف واجبها
أشهد إن النظم راحه مابعدها راحه
لو يشتّت مجمل الافكار مايتعبها
كل ماجيت أنظمه مشاعري مرتاحه
أكتب الجمله مفيده ثم أروح أعربها
ودي آخذ في مصيفه كل عام سياحه
من جبال الطايف الشامخ ليا حد أبها
أتغذى فيه من خوخه ومن تفاحه
بالغصون اللي ذعاذيع الهوى يلعبها
وأتعلم منه مفهوم الدهر وكفاحه
خطّة سارت على أفضل نهج واسيربها
وأتعدى موقع الخط الحمر واجتاحه
واثني الركبه لبعض الناس واحاسبها
وله في النصح
_ياجاهل الدنيا_
ياجاهل الدنيا بها ضيـق وافـراج
والناس تسعى في ذرى اللي خلقها
مهما يكون العبد للنـاس يحتـاج
في مالها في رفقها فـي طرقهـا
والفتنه اللي جات من مصدر ازعاج
دعها وشرهتها على مـن لحقهـا
من دونها حطيـت للبـاب مـزلاج
وصدّيت عنها كـن أذانّـي صقهـا
لو بستمع في كل هرجـه وهـراج
غديت أنا والنـاس خذهـا وذقهـا
مالي ورى عميان الابصار مخراج
اللـي تبلّـل روسهـا وتحلقـهـا
اقلوبهم من حقدها أسود من الصاج
ووجيهـم بالكـره ينـدى عرقهـا
غرست ردى لوهي على جال هداج
تاخذ مرارة عرقهـا مـن ورقهـا
وان كان عندك مالها طب وعـلاج
عندي علاجٍ يبعدك عـن وهقهـا
جوٍّ خـلا لـو دايجـه مابعـد داج
أخير من بعض الامـور وحمقهـا
تطيح فـي عيّـة مجالـس ودوّاج
اليا سمع كلمـه طريفـه زرقهـا
سوّالها فلـمٍ كوميـدي ومونتـاج
وسابق بها هوج الرياح وسبقهـا
لكن شفلك عـن نحايـاه منهـاج
واطو الفياض الخاليـه واسترقهـا
درب العليا يصعب على كل هلبـاج
والمرجله ماكـل واحـد عشقهـا
_ رفيقي_
رفيقي الطيّب من الهـرج مصيـون
أحمـاه واحمـى فالمجالـس جنابـه
ماني ضعيفٍ يتبـع الهـون بالهـون
أقوم دونـه وانصـره فـي غيابـه
واخلّي اللي مـادرو عنـه يـدرون
واخلّـي اللـي مايهـابـه يهـابـه
الناس دايـم بالسوالـف يخوضـون
كل ٍ مـع الماشـي تدرهـم ركابـه
يسل لـه سيـفٍ مـذرّب ومسنـون
لكـن بـاول يـوم يرقـل نصـابـه
لاهو بـلا مجبـر ولاهـو بمنـون
يمـر بـه طيـش الجهـل مادرابـه
وأصبح مراسل في وكالـة يقولـون
الـي تشكـل للمشاكـل عصـابـه
فلان قـال وقـال وفـلان مجنـون
وفـلان فيـه وفيـه عيـب وعيابـه
تـراك يالإنسـان بالعيـب مقـرون
لاتنخـدع هـرج القفـا وش تبابـه
ايناصرك عشره ويبغضـك مليـون
وتضيع ضيعـة مـن تعـوّق شبابـه
اعرض وصد ان كان لك قلب وعيون
وانهج على نهج النبـي والصحابـه
ولشاعرنا هذه الإجتماعيه:.
_الموقف الحرج_
ياصاحبي لو بستمع لكثـر الهـرج
والله مامريـت معظـم ربـوعـي
لو ماتحمّل صرت فالموقف الحرج
لطمت عيني ثـم سالـت دموعـي
لكن عنـدي للسوالـف ميـة درج
أقفل عليها قبـل تدخـل سموعـي
مالي ومال العرج ومجمّع العـرج
خبل ٍ يجمعها علـى كـل نوعـي
هو يحسب انه بالسوالف بنى برج
مايـدري إنـه للمحبـه قطوعـي
هذا العدو اللي مثل حيـة الخـرج
دايـم يدفونـه خبـاث الطبوعـي
ثم جاك في ظهر الكحيله بلا سرج
امحملينـه بالنمـش والدروعـي
خايب رجاء لو قلت عيد النظر ورج
وشلون أبرجي كل سبعٍ خدوعـي
خله يروّح جعلها روحـة الـزرج
وضعي بخير وستر قلبي ضلوعـي
_ أسرج حصانك _
من منطلق باب العتب في رحلة الليل البعيد
أصارع البيداء واحث الرجل مشي ودرهمه
لو ان مسرى الليل ماينطاق فالبرد الشديد
سريت مع همّي وسرّاني بدون مقدّمه
لين أنبلج نور الصباح وقت هذا يوم عيد
اللي طوى عني من الليال ليله مظلمه
لكن حال الغيم دون الشمس وازتاد الجليد
واخذت لي من واقع المأساه تاريخ وسمه
مير الرجاء لازال يستعطفك يالفجر الجديد
أضمد جروحه من طعون الياس لاينزف دمه
هي حالة الدنيا كذا يمّا شقي والاّ سعيد
ومن طاب حظّه كل مايرمي عدو طاح سهمه
والحكمه اللي ماتناقلها رواه ولاقصيد
وجودها معدوم لو تحمل رموزٍ مبهمه
قد قيل فالامثال مايقوى الحديد ألا الحديد
والطق فكّاك اللحام من القفول الملحمه
أسرج حصانك ياسليل العز والمجد التليد
كم واحدٍ في خاطره كلمه ولاتاصل فمه
يردّها جسر الحيا ويضمّها الصمت الفريد
مستعبده ومترجمه ماهي بحاجة ترجمه
يبيد ثوب الذل وألا العز ثوبه مايبيد
والنصر له حزات واللي وده النصر اغنمه
تمر ساعات الدهر والعمر ينقص مايزيد
واللي يقلّل قيمة التاريخ يقرى معجمه
النار ماتشبع حطب والفقر مايرحم وحيد
والبخل لو يضوي على بيت الكرم مايهدمه
_أناولد من يتعبون الاصايل_
اليـوم يانـواف بالحيـل مايـل
ودّك تحقّـق ماتـريـده ولاتــم
أنا ولد مـن يتعبـون الاصايـل
عيبٍ عليّ أتبع هل الشتم والـذم
آخذ من أشـوار النشامـا دلايـل
واحط لي في مسهم الطيب مسهـم
ماني بفـي حاجـة ردي الفعايـل
حتىّ ولو انه قريّـب وابـن عـم
ألقى بدالـه فـي جميـع القبايـل
يظهر من الاجناب مايجلـي الهـم
شبعت من كثر الحيـل والمحايـل
شيٍّ يثير الضغـط ويفـوّر الـدم
لكن يامرسـول عنـدي رسايـل
بلاش لاتقـول لـي سعرهـا كـم
ماني بغصنٍ كـل يـوم ايتمايـل
أغزر على السباح من غبة اليـم
كفوا وعفـوا ياعيـال الحمايـل
ترى الكلام أشد واخبث من السم
_الـــوســــم_
الوسم من عمق البحر قام ينساق
وارخى على شبه الجزيره سبولـه
بيض نصوبه لا تعرّض للاشـراق
مثل الرغاه عن الحليـب معزولـه
مجتثّه الرحمـن مفتـاح الارزاق
اللـي ملايكتـه بالاقـلام حولـه
مابات له في عاليـة نجـد بـراق
قام يتلاعج بارقـه مـع وصولـه
يوم ايتهشّم بالرعد فيـه مشتـاق
لطهر بقاع الكون عرضه وطولـه
دمعة عيونه بيّدت حـزن الاوراق
في دولة تفخـر بهـا كـل دولـه
أم المساجد والمكـارم والاخـلاق
فيها حرم مكه ومسجـد رسولـه
خلّوني أتونس بعد خاطـري فـاق
يومين حتى نجد تفـرش زلولـه
نبته جديد ومطلعـه تـو ودقـاق
ياخذ غذاه من الثرى ومحصولـه
وليا تكامل واختلـط كـل مـالاق
كثروا كواشيتـه وكثـروا نزولـه
تلقى هل البل فيه من كـل الاذواق
اللي قرب واللي تطـرّف بشولـه
ماشال من سوق العلف هم وارهاق
على الضحى الضاحي ينوّخ ذلوله
وناخذ لنا سجه شمالٍ من نطـاق
في خايعٍ عطره ماهو عطر تولـه
مع رفقة اللي للمواجيـب سبّـاق
دايـم ميولـي مايباعـد ميولـه
هرجه يوسّع خاطر ي كل ماضاق
ولياحضر بين الرجـال انصتولـه
ماعاش له في مجتمع كذب ونفاق
حلوين الالسن والقـوب معلولـه
ولشاعرنا في الغزل :.
_ كثر المعاند_
ياوليفـي ليـه كثـر المعـانـد والـكـلام
لاتعاندنـي بحبـك تـرى قلبـي جــزوع
أرحـم اللـي ذاق طعـم المحبـه والغـرام
طالبٍ وصلك ولومـن سبـوع اليـا سبـوع
شوفتك عندي كمـا النـور جـلاي الظـلام
وابتعـادك ليـلٍ أظلـم متاهاتـه تــروع
في رضاك أفرش لك الأرض من ريش النعام
وفي غضبك أطّوع الصعـب ليننـه يطـوع
لاتطاوع فـيّ مـن يلحقـك عيـب ومـلام
خل طبعك يرتفـع عـن خبيثيـن الطبـوع
أخذني فـي طيـش حبـك وقدنـي للامـام
وأخذ منـي جنـةٍ نبتهـا مـن كـل نـوع
جنـة الدنيـا محبـه وطيـبـه واحـتـرام
من دخل في وسطهـا مايبـي منهـا طلـوع
وان عزمت بقطع وصلي على الدنيا السـلام
إلك كيّه مثـل كيّتـك إلـي بيـن الضلـوع
_ضامر السرجوف_
يالطيف الروح ملهـوف الحشـا
ضامر السرجوف عودك مرتـوي
يابعد من عاش بـالارض ومشـا
من زعيم ومن ضعيف ومن قوي
طحت في حبّـك وراد الله وشـا
أبـدويًّ عانـقـه ذوق بــدوي
عـاش حبـك فالمعاليـق ونشـا
كن مالك فـي عبـاد الله سـوي
دون وصفـك لاستـار ولاغشـا
فطرتك وحـده ولاانتـه بلغـوي
مار لاتسمع وشايـة مـن وشـا
اعتبر نفسك خوي واغـلا خـوي
اخـذ منّـي ماتريـد وماتـشـا
واعطني حبل الوصال المعنـوي
لاحشا مااقبـل فراقـك لاحشـا
في فراقك يعوي الهاجس عـوي
مثل ذيبٍ محتديه (إ) عـن العشـا
صوت رمي وخلفه الرمي ارهوي
ضاق صدره بالروابـع واحتشـا
مونسلّه جـوع والليـل اسـروي
_أشتاقله وأهواه_
الله من نورٍ فـرق ظلمـة الليـل
حوّل على الظلمى وجرّد سيوفـه
أخذت أدقّق فيه بالحيـل بالحيـل
عينـي تشوفـه كنّهـا ماتشوفـه
أثره جبين اللي سقى داره السيـل
عسى عليه المزن تمطـر قنوفـه
فرّق جديلٍ مثل ذيل أجود الخيـل
بصطبل سلطان الكبيـر معسوفـه
أشتاقله وأهواه واميـل لـه ميـل
وادرى مناقيده واشوف معروفـه
حرام مااسمع فيه كثـر الاقاويـل
لو وصفوه وعذربوا في وصوفـه
له داخل أعماقي فياض ومداهيـل
من يوم قال اسمه وترجم حروفـه
أدعج غنج يسلب عقول الرياجيـل
في مشيته في جلسته فـي وقوفـه
أظما على شوفه ظما وارد النيـل
وامسي على ذكره وعالم طيوفـه
حبه طبع فالقلب جملـه وتفصيـل
مثل الخضاب ليا طبع في كفوفـه
يالله بعفـوك فالليـال المقابـيـل
أخاف دون الوصل تصعب ظروفه
وسلامتكم