الــسمــيـــري ... ومديـنـة ينــبــع ... وش العــلاقة ؟؟

[قادح شرار]

تعال ودنا نمزح معك يالسميري :





يا مرحبا يالسميري .. في حلال الجود والطيب = عدد شهور الدهر وأيامه وعدد سنينه

لازلت أرحب.. وأزيد الرحب يا الأجواد.. ترحيب = لأجل السميري لاصار الصدق ..واحد من جهينه

[سلـطـان]

يا مرحبا يالسميري .. في حلال الجود والطيب
عدد شهـور الدهـر وأيامـه وعـدد سنينـه
لازلت أرحب.. وأزيد الرحب يا الأجواد.. ترحيب
لأجل السميري لاصار الصدق ..واحد من جهينه



الله الله ننتظـر الـرد

وأكيــد محاوره شيقه

مدام قادح شرار طرف فيهـا

[محمد النخيش]

الله الله ياسلام ياسلام



عليك ياقادح



صح لسانك ولسان السميري مقدما


متابع,,,

[فيـــــ الروقي ـــــصل]

نحن في انتظار السميري لرد
1
1
1
1
1
1
ونتمنى ان نرى محاوره طيبه

[السميــــــري]

هلا بك ياقادح لي الشرف ..
وللمعلومه لم أعلم بالرد إلا الآن ..
استلم ..



يلي ترحّب ترانا منكم ماحنّا بجانيب = وان كان قلت البقا .. مديت يمناي بيمينه ..!
لو كان حطيت وجه الذيب منت بذيب ياذيب = لك عين حصني وعين الذيب ماتشبه لعينه !!

[السميــــــري]

سلطان ..
أبو مناسيب ..
فيصل الروقي ..


ياهلا بكم جميعا . شرفتونا ..
ياأحبتنا ..

[احمد الزايدي]

قادح شرار صح السانك



والسميري صح السانك




متابع لكم واصلو الاابداع

[قادح شرار]

ما أنته بمـنـّا ولانا منك يا راع الأكاذيب = بيت الذهب يا صديق الناس ..حنـّا خابرينه
لا بالله ألا على المرقاب لي يا رجل تقنيب = ولا ّ الحصاني يا قل الفرق.. ما بينك وبينه

[قادح شرار]

سلطان ..
أبو مناسيب ..
فيصل الروقي ..
أحمد الزايدي ..


ياهلا بكم جميعا . شرفتونا ..

[السميــــــري]

يلي تمس الشنب للناس يارجال أشانيب = واليوم لاتفتل الشارب و حنا حالقينه !
خابرك ذيبٍ وله قرنين نطاح المواجيب = لكن ماعشّته يمناه يالله أنك تعينه

[فواز السعيدي]

الله الله



محااورة قمة ياسلاااام يا سلااام




تحياتي

[قادح شرار]

على المراجل يبالك يا وليد الناس.. تدريب = في وضعك الراهن أدعيلك وأقول >> الله يعينه

تكرم شوارب رجال ٍ .. زندهم يقدح مشاهيب = ولا ّ العشاء في صحنـّا يوم حنـّا طابخينه

[قادح شرار]

الله الله



محااورة قمة ياسلاااام يا سلااام




تحياتي


حياك الله يا فواز ...


مرورك يسعدنا ...

[السميــــــري]

العيب من يحسبنّه كامل اعن النقص والعيب = يالشاوي اللي حياته بين ظلعانه وظينه !
الطبخ ماهوب من عادتك ياحصان الاطاليب = أنا اعرف أن العتيبي نجدته دايم يدينه


صح لسانك ياقادح ..
وكلي شرف بطاروقي معك ..

لاهنت ..

[السميــــــري]

أحمد الزايدي .. فواز السعيدي ..

حياكما الله جميعاً ..
أزددت شرفا بكما ..

صحة أبدانكما ..

[مرقاب]

قـادح شـرار + السميـري


صحـت السنتكـم ومبدعيـن كالعـاده


:)



.


.