الـقـعـــــودة بكرة الشلاحي عليها وسم (عـتـيـبـة)

[الفهاد]

السلام عليكم


بكرة ... قعيد الشلاحي عليها المغزل وسم الروقة

المغزل على الرقبة من يسار وتحتة مطرق ان كان ماني شاك انه وسم ابن قشعان


والبكرة ماشاء الله عليه بيعت بخمسة مليون الله يوفق البايع والشاري ويوفق المسلمين اجمعين


ان شفت الوسم قلت ابا استفسر عنها

ياليت من يفيدنا عنها بشي هل الوسم هذا فيه قبايل غير عتيبة تاسم هذا المغزل اما ان الشلاحي انه شاريها من عتيبة


وشكرا

[فايز العصيمي]

البكرة عليها الحنتوشي وبس ؛ واظنها لجفى (أي تطوي من جنبها) إذا كنت مانيب واهم

لكن ماشاء الله عليها والله يبارك لراعيها

[الفهاد]

لاهنت يافايز................ صحيح عليها الحنتوشي وسم ابن قشعان

البكرة مزيونه وفيها ملاحظة بسيطة ماتعذربها تقول انها (دنا) ان كان ماني واهم

وهي عليها راس كايف اول مره اشوفة في الصفر .... والله يوفق راعيها ويستر عليها

[جنح الدجى]

ما شاء الله ..تبارك الرحمن

[وارث الطيب]

الفهادالبكره لبن قشعان باعها للمطيري وشراها من المطيري ابن هويدي العجمي

[الفهاد]

وارث الطيب

مشكووور لاهنت على الافادة

[ابن ذكير]

لاهنت يالفهاد على الملاحظه الطيبه
وما قصروا الشباب في توضيح ما خفى علينا

والله يوفق البايع والمشتري

[عقاب الحويماني]

الفهاد


البكره كفو بس عطوها اكبر من حجمها ... ومعروفه بايعها همل

الشيباني على ابن قشعان ب 70 الف وابن قشعان باعها 150 الف

والا البكره دنا وظهرها اقشر .... ولو ان راسها كايف لكن البدو يهمهم

الرقبه وعمر الناقه ورقها وغيره وكلكم اهل ابل وتعرفون ذا الشيء .

[الفهاد]

عقاب الحويماني

لاهنت على التوضيح ومشكووور