يا السعيدي بعد ماجيت زان الليل

[عمير الثبيتي]

يا لسعيدي بعد ماجيت زان الليل = مرحبا بك بريدك ضاع عنوانه


انت جار العتيبي اللي نزل بالسيل = لين حدك على ضلعك وشعبانه

[فواز السعيدي]

الله الله




انت مشتال لك قربه وناصي سيل = اصبر شوي ثم تجيك مليانه


والله اني مع الجيران موفي كيل = مار هرجتك هاذي لاح ليحانه

[عمير الثبيتي]

شد حيلك ولليلك يا قوي الحيل = لين رأسك يقر الليل شيطانه


والله انك شربت الغيل بعد الغيل = مار ساترك ستر الله سبحانه

[فواز السعيدي]

طيب طيب




لاتوصي سنافي من رجال هذيل = لاحضر مع حضوره مالكم خانه



ارجع شوي بالتفكير يا حلحيل = واذكرو قصة ابن عوف وحصانه

[علي الثبيتي]

الله الله
ابو سلطان وابو عايش صحت السنتكم
وعلى القوه

[فواز السعيدي]

النشمي يا مال الشحم والله



حضورك يسعدنا

[عمير الثبيتي]

الليل الليل الله الله



أول الوقت تالي الوقت فوقك ميل = كاسي الجسم ثوب الروح عريانه

يانجم في سمانا قد بدالك ذيل = هاك هاك الكلام اللي بميزانه

[فواز السعيدي]

طيب طيب



هيه يالطرقي اللي تنقل الزنبيل = زارع(ن) فالبلد خوخه ورمانه


دام كبرت عليك السالفة بالحيل = عد لي علمك اللي جيت منشانه

[عمير الثبيتي]

الهذيلي عيونه كانها الدربيل = مار جاه الخلال الليل بعيانه


يا جمل شيل حملك والوساقه شيل= كان غريت دربك قلتلك عانه

[فواز السعيدي]

طيب طيب




قرب الصبح يصبح يا زبون الهيل = يالنشيط المحذلق دبرتك زانه



ليت ربعك تحطك خدمة التوصيل = تحضر الما وتنقل كل غرضانه






صح لسانك ملايين اخي الشاعر بادي المراقيب



تصبح على خير



انت والجميع

[عمير الثبيتي]

ياعرب دورو لصويحبي منديل = وجنته بالدموع الليل غرقانه

ونت ما تصلح الا حفرة البر ميل = كل مشهاب ف البرميل دخانه

[عمير الثبيتي]

الأ خ فواز السعيدي لي الشرف بالعب معك والسموحه إذا فيه زله ولا هرجه مختله


وترى ردي كتبته وأنا لم أقرأ الملحوضه الي أسفل بعد بيتك وتصبح على خير