ديوان القوافي الصعبة

[فرهودي]

أعزائي مشرفي وأعضاء ورواد منتدى الهيلا..
يشرفني أن أقص شريط

ديوان القوافي الصعبة


واتمنى من الجميع المشاركة
فالقصيدة ذات القافية النادرة أو المركبة أو الصعبة
لها نكهتها ولها طعمها الخاص.
----------------------------------------------------------------------------------------------------------
فمن لديه قصيدة ذات تركيب او قافية نادرة..
فليتفضل بطرحها..
شاكرين ومقدرين تعاونكم مسبقاً

لي عودة قريباً.... |1|


فرهودي،،،

[صعب المنال]

حياك الله وبياك يالفرهودي

طرق رائع واقتناص موضوع لذيذ منك

دعوه عامة للمشاركة

ولي عودة باذن الله


تحياتي

[فرهودي]

نبدأ الديوان... بقصيدة لشيخنا

تركي بن حميد (رحمه الله)



يــا راكــب(ن) مـن عــنـدنـا نابية شطّ =تــشـــدي ظــلــيـم(ن) بـالـخـلا صـايعه ذور

وقـــم الــربــاع ونــابــهـا مــابـعـد نـط =تـكــسرعــصّــي الــكــور لــو كـان ماسور

تــشـــدي لــكــدريّ الـقـطــا حـين قرّط =إنـصـــفّ ريشــه عــقـب ماهو بـمـنـشــور

فــوقــه غــلام(ن) لا اظلم الليل ماغط =أدلّ مـن فـــرق الـقـــطـا صــوب خـــــابور

تــلــفــي بــنــي عمي ورا نجد بــهــبـط = أهــل بـيــوت(ن) كـنّـــهـا شـمّــخ الـقـــور

أهــل صحون(ن) بالمــــجاعة تـقـــلـط = ذبـــاحـــة(ن) مـــازاد نــيّـــه مـن الــخور

إن جيتهم ملــزوم بالــصــوت تصــعـط = وعــطـــهــم مـكــاتـيـبـي قبل تجدع الكـور

واخــبـر بني عمي ترى الشيل بي غـط = والـنـفــس مـاتـصـبر على الضيم والجور

عـطـّــوا كما عطّت حصان(ن) الى عط =خطو الأصيل اللـي من الـــزاد مـــــبـرور

لــعــيـنـيـك يـالـلـي بـالـعــويــدي تمشّط =دقــيق رمش العين كـنّه مـن الــحـــــــور

لــيـتــه حـضــرنـا يـوم سـوّ الـبـلا شـط =نـــــــار الـذلـيـــل وردّهــا كل مسـطــــور

شـمــالــنـا مــن مـسّ الارســان تـنـفـطّ = وايـمـانـنــا تطـلق من الســـوّ مــقــــدور

وارخــصــت عـمري عند جيش المخلّط=ماهــمّــني نــاس(ن) يــقــولـون حـاذور

الـــغـــوج ردّيـتــه عـلـى غـيـر يـصـفـط = على شنق كــنـّــه من القـين مكـســــور

كم فارس(ن) من راس رمحي تفرشــط = مـــدحّ راســــه حـط فالــحــــزم جافـور

عليه خفرات(ن) بالاســــــــلاب تشـــعط = خــلّي عشــا لــمرهفـل الذيب وطـــــيور


اتمنى أعجبتكم...

للذهاب إلى ديوان الشيخ تركي بن حميد اضغط هنا (http://www.otaibah.net/m/showthread.php?s=&threadid=4272)



اخوكم..
فرهودي |1|

[فرهودي]

الاخ الغالي..
صعب المنال..

شكرا.. على مرورك...
وعلى تفاعلك.. مسبقا.. ;)


لي عودة.. قريباً |1|

[فرهودي]

وهذي كذلك قصيدة للشاعر الكبير..

عبدالله بن عون

مرسلها لعبدالله السلوم ..



ان ضوى ليلي على الشعر هاض = يلتطم موجه يهيض ولايغيض
من هجوس(ن) نجظت قلبي نجاظ = كل ماجا الليل وردن الحفيظ
مثل ميراد الضمايا للحياض = عقب خمس وخمس في لاهوب قيظ
ان بغيت اقطف من الورد الغضاض = حرت في توجيه نشوان القريظ
ودي ارسم لي بياض في بياض = بس مادري وين دكتور المريض
درت سكان السفينه للرياض = يم ابن سلوم بالخط العريض
ان رفعت الشعر للسلوم فاض = وان حدرته يم غيره مايفيض
كثروا الشعار واشتد الفواض = بس مبرك في مبارك مايعيض


(ديوان عبدالله السلوم ص 198)


اتمنى اعجبتكم.. ;)

فرهودي

[طلال الثعلي]

فرهودي..

فكره طيبه..

وابشر باللي يرضيك......

تحياتي

[فرهودي]

لكم مني هذي القصيدة..
اللي اشك ان فيه احد مايعرفها.. :)

لشاعر الوطن

خلف بن هذال




يا حبيبي ترى القلب بعدك سرح و أنجرح جرح ما شفت مثله جريــــــــح =

المحبة تجر المواليف جر الشجر و أنت الأرواح جربتــــــــــــها

أنت سبب جروحي اللي جت و ارهجت رجت العمر و أن جيت اباقوم وأطيـح =

ساقني سم من طعم سمسم نسم وانقسم نصف قلبي وناديتـــــــــها

قلت يا ناعس الطرف وش ذا الجفا ما صفا الجو حتى معك نستريــــــح =

قال من جرب الحب يلقى الشقاء ما بقى غير روحك وعنيتـــــــــها

قلت من شافكم يا سمى البحر انتحر وارخص الروح علم صريــــــــــــح =

صابر مثل صبر الجمل للحمل ليت الاقدام سارت وسريتـــــــــها
قلت ياسيد البيض يابيض غضيض الحظيظ الذي عاشرك يامليح=
عشرتك تنشري بالذهب ياذهب لاو ذا ذابت الكبد واوديتها


لي عودة.. بقصيدة.. مشهورة :D

اخوكم فرهودي ،، :rolleyes:

[فرهودي]

مشرفنا /طلال الثعلي

شكرا على مرورك الكريم
وعساك على القوة :)




----------------------------------------------------------------------------------------------------

واليكم قصيدة...
صادوووه :D

والشاعر الرائع

حمود البغيلي



الغــــرب يصنع طائرات وصواريخ= والشرق الاوسط ضاع نفطه بلاشـــي

حطوا لهم في صفحة العلم تاريـخ=وحـــنا بماضينا نعيد النقاشـي

من عقب ماكنا جبال شواميـــــخ =صرنا تحـــــت حكم الاجانب ولاشي

شي يدوخ الراس تدويــــــــــخ=وشلون عقب الحر حـام الفراشــي

اقولها والقلب اقوى من الصيــخ =متى نشوف الحق في الارض ماشـــي

لاني ولد تاجر ولاني ولد شيــــخ =انا فقير وراس مــالي معــاشـي




اخوكم فرهودي.. :rolleyes:

[فرهودي]

هذي كذلك.. قصيدة فريدة .. وذات طابع مميز
لاأعرف قائلها

تتميز القصيدة بأنها بدون نقط :) !!


هل الهلال وهامل الدمع مدرار =لا هل واهمل ماطره كالهلل هل
صور وصار الملح والدل والكار =له والمها ما له ولا رسم ما كل
لو صاح صالح طالعه ساع ما دار =اسود على صدره على المسك عمل
سامح محمد لا رأى روس الاسطار =وحسامه الصارم لراع الهوى سل
ولا رد كود اهلا وسهلا له كرار =والحلم هو والعلم دله ولا دل
اساله وما درى الود ما صار=ولا ولاله كم دور لهم عل
اول صدور مواصله والهوى صار =لما الدهر رده على حاله اول
ما صح عله والرعد ما وسم دار =والحال حال الحول والحمل ما حل
ولولا حلاها حلها روس الاكوار =ما حل له دل ولو هو حل ما دل
عسا عسى ما كمل الدار للدار =عاد الرحا دوره على روس الاوحال
وصلوا على طه عدد رمل الاوعار =او ما كسا سهل الوطا للسما طل




اتمنى اعجبتكم ..


واللي يعرف قايلها لايبخل.. علينا



اخوكم فرهودي :rolleyes:

[فرهودي]

هذه أيضا قصيدة للشاعر عبدالرحمن الخميس (دحيم)
طبعا هو أسعدي ;)
والقصيدة على وزن رائع..

تفضلوا ..


ياراكب اللي دعسته ماتبي رص = بنز مليح الشكل لونه رصاصي

توه جديد ومطلعينه من الفحص= يتكي على اليايات من دون شاصي

برسل به المكتوب والشرح والفحص=يم الكويت ولابن قحطان ناصي

بعطيك عن حالي كتاب ملخص=ما صار به زودٍ ولابه نقاصي

وشلون خلي صار وصله على عص=وحكم علي بالحب حكم القصاصي

أنا من اجل ارضاه اداريه واحرص=وهو على امري ياعلي صار عاصي

من حب محبوبي عجزت اتخلص=نوبٍ قريب ونوب ياعلي قاصي

واريدراي اللي فهيمٍ ومختص=كودك تسبب ياعلي في خلاصي

[الاجرب]

الاخ/ فرهودى
تحية طيبة
اتحفتنا بنقلك الطيب
والى الامام
تحييييياتى

[الوليد الاسعدي]

الفرهودي
الله يكثر من امثالك ... موضوع شيق :cool:

وانشاءالله نشارك معك بس عطنا فرصه .
تحية لك .:)

[فرهودي]

الاخ /الاجرب
شكرا على مرورك..
ونعدكم.. بالمزيد.



الغالي/ الوليد الاسعدي
نعطيك فرصة.. وعساك على القوة :)
مانستغني عن مداخلاتك.. الرائعه

اخوكم فرهودي

[وصل العطياني؟؟؟]

موضوع ولا أجمل...
الله يقويك " الفرهودي "
نشاطك ملموس ومقدّر ..

بالنسبة للقصيدة اللي بدون نقاط:
الله العالم إنها لإبن جدلان :)



تحياااااااتي.

[فرهودي]

الغالي.. وصل العطياني:
الله يعطيك العافية..
________________
وابن جدلان يسويها... والله وقدها

____________________

على العموم ياخوفي يصيرون الشباب على قولة المثل..
"أسمع جعجعة ولا ارى طحنا"
:D

_______________

ننتظر مشاركات الجميع .... ولي عودة.. |1|



فرهودي :rolleyes:

[فرهودي]

هذه قصيدة لمتنبي عتيبه

بندر بن سرور (رحمه الله)




راكب اللي مخ رجليه خنزير وهوا = اشهب في مقدمه بارقين وعكس تاج
متر في مترين مستبرم كله سوا = حايفه حطاب ماسمكره راعي الكراج
إن نعشته بالثلاثة مع اللفة عوا = عوي ذيب محتدينه مربيت النعاج
ثابت مايختلف كلما لف انزوا = وارتفع ثم ارتخى مثل طايرة المراج
كن ضرب المرو في المويل قدام وورى =ضرب هملول البرد وان تقفاه العجاج
منوة اللي مشفق لهله ولهم نوى = من بعد طول المسافة يبا فلة حجاج




اخوكم فرهودي ،، :rolleyes:

[^المقاطي^]

وهذه القصيدة الرائعة لناصر القحطاني (ياغازي) ولكن بالصوت
http://www.dwaihi.com/poem/4nas2.ram

[فرهودي]

بارك الله فيك.. اخوي المقاطي..
مشكور على الإضافة الرائعة..

ننتظر المزيد من المقاطي..

اخوك فرهودي،،

[فرهودي]

وهذي كذلك قصيدة للشاعر سليمان الخميس الاسعدي
مرسلها للشاعر الكبير مبارك الدوسري .. ( بس الى هالحين ما رد عليها :D )


صاح قلبـــي مالـقى منهو يغيثه= غير الدمع والشقى مــاله مغاث
من طعون قدام وجروح حديثة = والسبب هــرج العواذل والخباث
وفي زمان عز كلبه دون ليــــثه = استغاث القـــــلب ليته ماستغاث
بس أهـوجس بهواجيس خبيثه = من تنام الناس إلى الساعة ثلاث
مبـــارك اللي ما نملهّ من حديثه = اللي فـــــاق الشعر بذكور وانــاث
عطني ردك والخطاوي لك حثيثه = يلزم الشــاعر على همومه يغاث
ياللي شعــرك مثل مزن هل غيثه = به جمـــال اليوم وابداع التراث
لك شكيت الهـــم والدنيا غثيثه = واهلها مثل الكــــلاب اللي غلاث



_________________ أتمنى اعجبتكم _____________________


من قصائد سليمان الخميس ذات الابيات المركبة .. اضغط هنا (http://www.otaibah.net/m/showthread.php?s=&threadid=823&)



اخوكم فرهودي :rolleyes:

[الوليد الاسعدي]

خذ يافرهودي العزيز ...
هذه قصيده للعامريه وهي قصة مشهوره كثرت حولها الاساطير والقصص ، لكن القافية جميلة وصعبة ربما ..
وانا الحقيقة القصيدة الصعبة القافية استمتع لسماعها ولااستطيع قراءتها ...

تقول :
أوصيك يانقر الصفى لاتغرني *** لاجو عريب واردين هزانيه
وللو عريب بدد الله شملكم *** وش كاركم منا هويت وهوانيه
يامدور زيد ترى زيد عندنا *** قتيل لعامر من هوى كل غانيه
لاتاخذون قضاه من البل والغنم *** خذو قضاه من آل بيتي ثمانيه
أبوي واخواني مع أولاد عمي *** ذبحت دنايه في عشيري هنانيه
والى قطعو رجلي بمشي على العصا *** والى قطعو لأخرى فلوي عنانيه
والى قطعو راسي تدربت جثتي *** في قبر زيد قلت هذا مكانيه
حطوه في قبري دافنينه هو علي *** الى سقاه الوبل ريحه سقانيه

وش رايك تنفع بالديوان .

[طلال الثعلي]

عندك يافرهودي هذي قصيدة لـ : وصل العطياني


http://www.otaibah.net/diwan/sounds.php?mqtaa=4




:)

[فرهودي]

الاخ الوليد الاسعدي:
شكرا لمشاركتك..
والقصيدة تنفع ونص للديوان :D

الغالي طلال الثعلي:
شكرا على مشاركتك..
وقصيدة كبيرة من شاعر كبير :)

وقررت اجيبها وانا جاي:


أه وادبـل كبـدي مـن كثيـر المطيـخ=ولعت نار في صـدري شوتنـي شـوي

كل واحـد مسـوي نفسـه اليـوم شيـخ=ويتفاخر لـو إنـه مـا يضـوّي ضـوي

والعرب عن دروب الطّيب راحـوا فليـخ=والـردى والقشـر كلّـن عليـه يهـوي

وقتنـا اليـوم مجنـون متجنـن فصيـخ=يالله إعـدل بعدلـك وقتـنـا الملـتـوي

يمكن الذيخ يصبح ذيب , والذيـب ذيـخ=ويطلع الذيـخ مرقـاب الذيـاب يعـوي

ويمكن الصيخ يصبح عطر.. والعطر صيخ=والضّعيف يترقى مـن ضعيـف لقـوي

والمجالـس تعـود كلهـا طيـخ بـيـخ=ينلغي واجـب الخاطـر وحـق الخـوي

والذي عنده مـن المـخ لحسـة مخيـخ=يشرب الماء طريـق المـاء ولايرتـوي

ما انبسط غير مـن تلقـاه قلبـه فضيـخ=خبل والخبـل دايـم خبـل مـا يستـوي


صح لسان العطياني
والله يرجه :D

[نياف]

السموحه من اعضاء المنتدىوالزوار بس المشاركةهي بيت شعر ماهي قصيدة

هذا البيت يقال ان الجن قالته عندما قتل حرب بن اميه ؟؟

البيت ما تقدر تقوله بسرعه لقرب مخارج الحروف من بعض (طولت علاكم)خذوه



وقبر حرب بمكان قفر "="وليس قرب قبر حرب قبر


قوله خمس مرات ورا بعض وتعرف صعوبته

[فرهودي]

نياف..
شكرا على المشاركة الرائعه...


انا سمعت ان فيه قصيدة وجدت مكتوبة داخل احد الكهوف .. (وقيل ان الجن هم من كتبه!!) :eek:


على العموم ننتظر تواصلك.. :)



فرهودي ..

[فرهودي]

نعود اليكم من جديد وإليكم هذه الابيات الغريبة :D

الــــــــــوم .. صـــديـــقـي.. وهـــذا .. مـــحـــال
صــديــقـي .. احــــبــــه .. كـــــلام .. يـــــقــــال
وهــــــــذا .. كــــــــلام .. بليـــــغ .. الجـمـــــال
مــــحـــال .. يــــقـــــال .. الجـمـــال.. خـــيـال

يمكن تسألوني وش الغريب..

الغريب هو..






انك تستطيع ان تقرأها بشكل عمودي وافقي... (أي بالطول وبالعرض)

[فرهودي]

لكم هذي .. نفس اللي قبلها..

سبتني.. فتاة.. وهــذا.. حرام
فتــاة.. يعد.. لديها.. مرام
وهـــــذا.. لديها.. يــعد.. غرام
حــرام.. مــرام.. غرام.. يرام


ان شاء الله اعجيتكم ;)

فرهودي

[وصل العطياني؟؟؟]

يا سلام عليك ...
مجهود أكثر من رائع ...
وموضوع يستحق الإشادة والمتابعة ...
يعطيك العافية ...

بس ليش تدعي علي بالرجة الله يرجك إنتا :)


تحياااااااااااتي