نبارك لشعـراء منتدى الهيلا حصولهم على جائزة الامير/ عبد العزيز بن معتصم بن سعود

[خلف القثامي]

نبارك لشعراء منتدى الهيلا المخضرمين



الشاعر / وصل مشهور العطياني (المركز الأول )وجائزه ماليه تقدر بـ عشرة الاف ريال


الشاعر / عبدالله عايض القثـــــــامـــــــــي (المركز الثاني )وجائزه ماليه تقدر بـ خمسة الاف ريال






بمناسبة حصولهم على مراكز متقدمه في جائزة صاحـب السمــو الملكــي


الأمير : عبد العزيز بن معتصم بن سعود بن عبد العزيز ال سعود


والتي كانت على افضل قصيدة وطنية


وقد شارك في هذه المسابقة نخبة من كبار شعراء النظم



الف مبرررروك


الف مبرررروك


الف مبرررروك


ونتمنى لهم التوفيق دووما

[أبو حسان]

خلف القثامي

بيض الله وجهك على هذه الأخبار الطيبة



و ألف مبروك لشعراء الهيلا

وصل العطيـاني
عبدالله القثامي

ما شاء الله تبارك الله ( المركزين الأول و الثاني )

الله يكثر من هذه الانجازات

[ماني بهايب]

مبروك للشعراء وصل العطياني وعبد الله القثامي
والله يبيض وجهك ياخلف
لازم تجيب لنا القصايد ولاعلاك امر .

[المحايد]

خبر أكثر من رائع وشعراء عتيبه يستاهلون دون قصور في باقي شعراء القبائل

شكرا خلف

[وافي الخماش]

مبروك مبروك ..

لـ

وصل العطياني - عبدالله القثامي

الله يوفقهم ..

لا هنت خلف كل الشكر ..

[فهيد الايدا المورقي]

الف مبروك لشعراء منتدي الهيلا هذا التفوق وتحقيق المراكز الاولي


وصل العطياني ---------------عبدالله القثامي




خلف القثامي بيض الله وجهك على الخبر المفرح



تحيتي

[محمد بن غازي]

1000 مبروووووووووك


للشعراء وصل العطياني وعبد الله القثامي هذا التميز الغير مستغرب ..

الذي يحويه تميز أكبر وهو منتديات الهيلا ....

والله يبيض وجهك ياخلف على نقل هذا الخبر السعيد ...

[مرزوق حمدان العتيبي]

..
.
اجمل الاخبار واسعدها ...

ابو مشهور ان فاز فهو فوز جدير مستحق
فالذي يشاهد ويقرأ مايقدمه هذا الشاعر المبدع لايستغرب ذلك

وابو سلمان ان فاز فهو فوز جدير ومستحق
فكلاهما جديران بهذا التميز...
نبارك لانفسنا اولاً ونباركـ لهما هذا الانجاز ..
..
ومشكور ياخلف ....

[السميــــــري]

الف مبروك ..

شعراء كبار .. يستاهلون

[عبدالمجيد النفيعي]

ـألف ـألف مبروك يستاهلون

...

مشكور ياخلف على هالخبر الطيّب

الله يعطيك العافيه

[خلف القثامي]

خلف القثامي

بيض الله وجهك على هذه الأخبار الطيبة



و ألف مبروك لشعراء الهيلا

وصل العطيـاني
عبدالله القثامي

ما شاء الله تبارك الله ( المركزين الأول و الثاني )

الله يكثر من هذه الانجازات



ووجهك يالغالي


ودائم شعراء عتيبه الهيلا ابداع ليس له مثيل سواء في شعر النظم او المحاوره


وشكرا على مرورك الرائع

[خلف القثامي]

مبروك للشعراء وصل العطياني وعبد الله القثامي
والله يبيض وجهك ياخلف
لازم تجيب لنا القصايد ولاعلاك امر .



ووجهك يالغالي


وابشر طلبك قيد التنفيذ



ولاهنت على تواجدك المشرف

[عبدالله الجـــذع]

الف الف مبرووك


وبيض الله وجيهم على هالتمثيل الرائع

مشكور ياخلف


محبك
.,

[خلف القثامي]

خبر أكثر من رائع وشعراء عتيبه يستاهلون دون قصور في باقي شعراء القبائل

شكرا خلف




العفو يالغالي


ولاهنت ع تواجدك الطيب

[ســعــد الــقــثـامــي]

با الخير

قصائد شعار الهيلا المشارك بهافي جائزة الامير/ عبد العزيز بن معتصم بن سعود لفضل قصيده وطنيه


القصيده الحاصله على المركز الاول

لشاعرنا المميز وصل العطياني


سلام من شاعـر مولّـع بالبيـوت المُحكَمَـة
وإن كان مافي البيت حكمة ما يقوله من فمـه
في النظم تخضع له بيوت الشعر لو هي عاصية
وإن قابل الشعار في الميـدان مـا ذاب نسمـه
ماهي بمن فضله ولا من فضل زيـد ولا عمـر
فضل الكريم اللي مغطّـي كـلّ خلقـه بكرمـه
أكبر نِعَم ربي عليـه إنّـه علـى ديـن وتقـى
أبوه مسلم يالله إلْـك الحمْـد وأمّـه مسلمـة
والنعمة اللـي بعدهـا يـوم إن ربّـه كوّنـه
أنشاه من أطهر بلاد ؛ وهـذي أكبـر مكرمـة
ويوم إستوى دمّ ولحم بأمـر العزيـز المقتـدر
حبّ الوطن خلاه يمشي وسـط دمّـه ولحمـه
القلب ينبض بالولاء والحبّ من رابـع شهـر
واللي مشكّك فـي كلامـه خلّـه يحلّـل دِمِـه
مسلم سعودي غير هذي في المفاخر وش تبي ؟
تعريف تفخر به وتُعْـرَف بـه بـدون مقدّمـة
هذا أنا وأنـا أتكلّـم باسـم شعـب المملكـة
إحساس كلّ الشعب بأبيـات القصيـد أترجمـه
مشاعر الشعب السعـودي كلهـا حـبّ وولاء
للموطن اللي من حَكَم حُكْم الشريعـة يحكمـه
دار المعـزّة دارنـا وآل السـعـود ملوكـنـا
والله جعل في دارنا مسجـد رسولـه وحْرمـه
مسجد رسوله في المدينة والحرم في ام القرى
وملوكنـا تطّـاف بالبيـت العتيـق وتخدمـه
آل السعود اللـي تسمّـت مملكتنـا باسمهـم
إسمٍ كفاها شـرّ ويـلات العصـور المظلمـة
تاريخهم في صفحة التاريـخ يُنقَـش بالذهـب
نقش الذهب ما ينمحي ماهـو كتابـة مرسمـة
شعب الجزيرة قبلهـم كانـوا قـوى متناحـرة
قاضيهم السيف الحدب ما يعرفـون المحكمـة
ومن بعدهم صاروا سـوى وقلوبهـم متوحّـدة
يحكمهم الإسـلام واحكـام الشريعـة مُلزِمـة
كلّه بفضل الله تعالى ثـم فضـل ابـن سعـود
عبدالعزيـز اللـي حكـم بالسنـة الله يرحمـه
ارسى قواعد مملكتنا واصبحت فأمـن ورخـاء
صارت وصرنا في مصـاف العالـم المتقدمـة
حكم الشريعة حكمنا ما فيه احد يطمـع فأحـد
والشرع يأخذ حـقّ للمظلـوم ممّـن يظلمـه
كنا ولا زلنـا علـى السنـة ونمشـي للأمـام
حتى وصلنـا العالميـة فـي زمـان العولمـة
في ظلّ عبدالله صليـب الـرأي حـلاّل العقـد
خصمه من الهيبـة يبجّـم ويتفطّـر برطمـه
ملك قلوب الشعب بالرحمة وبالقلـب الحنـون
لله درّه مـن ملـك مـا اعظمـه مـا أعظمـه
هذا الملك لن كان قالوا لك ملـك هـذا الملـك
يحيّـر الأبيـات والشاعـر وفكـره وقلـمـه
وحنا على العهد القديـم وكـل يـوم نجـدّده
ونجْهَر بطاعتنا على الأشهاد ماهـي همهمـة
ونقول للي يرقـص الشيطـان علـى جرّتـه
ما انته مفـرّق بيننـا لكـنّ أخذهـا بشحمـه
وإن كان طوّل فالكلام ولا نفـع معـه الكـلام
نجيب له جلمود صخرٍ كبْـر رأسـه يقضمـه
وإن كان ما ينفع معـه مـا ينفـع الا الثالثـة
نضرب طرف رأسه على حيد الحصاة وتعدمـه
ونقول للي مونسٍ نعمـة ومطـري لـه بلـى
أخذ العبر وإن شفت قدّامـك جبـل لا تصدمـه
حنـا سعوديّيـن مـا نقبـل خيانـة للوطـن
واللي رفع خشمه على دار السعـودي نرثمـه
والشكر ينصى سيّـدي عبدالعزيـز المعتصـم
مشكور علـى الفكـرة الله يحفظـه ويسلّمـه
حبّيت أشارك وأسْخر أبياتـي لفكـرة سيّـدي
والاّ الوطن ما اوفيه حقّه لو أسـوي ملحمـة
دون الوطن ماهي غريبة لـو نبيـع أرواحنـا
هذا وطنّا لو تطيح أرقـاب مـا طـاح علمـه
واللي ما يثْني دون داره جعـل ساقـه ينثنـي
حتى تظلّي ركْبته تاطـا علـى مشـط قدمـه




القصيده الحاصله على المركز الثاني

لشاعرنا المميز عبد الله القثامي


هب النسيم وهاضـت الأفكـار وإسترالضميـر
وإستنجدت بنـات فكـري بالقصيـد وجالهـا
والعود الأزرق يختلط بالجـو وأنسـام العبيـر
ترسل لقلبـي مـن طرايفهـا ومـن موالهـا
سلام يا عبد العزيـز الخيـر يالبحـر الغزيـر
سـلام ياعـم الامـور المعضـلات وخالـهـا
يامير انا قلبي خضر ويحـب حـبٍ مستطيـر
حبٍ رقى فـوق النجـوم المرقبـات وطالهـا
حب الوطن ماله بقلبي في هذا الدنيـا خشيـر
اعشق روابيها ومـا فيهـا وأحـب أطلالهـا
خصٍ ليا كان الوطن ماله على البيداء نضيـر
دارٍ عسى عمري ليا حـان المصيـر إفدالهـا
أخذت من السيفين والنخلـة شعـارٍ يستنيـر
بكلمـة التوحيـد والسيـف الحـدب يبرالهـا
هي دولة التوحيـد والقـران والنـور المنيـر
دار الشريعة والأمان لمـن لجـا فـي جالهـا
من مكة أشرق نور دين الله وزاد الخيـر خيـر
والله مـا تهـوى قلـوب المسلميـن ألا لهـا
وشلون ما غلي موطن الأجداد والخير الوفيـر
وشلون ما رخص لجلها الغالي واعزز جالهـا
وإن كان راحت للغنا والفقر وش عيب الفقيـر
الفقر فقـر الديـن والا النـاس هـذا حالهـا
أزكى نبي وأطهر بشر يرقد على حيد الحصيـر
عليـه صلـى الله عـداد أيامـهـا وليالـهـا
وآخر زمن شرذمة ألامه هل النهـج الخطيـر
تبي تعكـر جوهـا الهـادي بشيـن أعمالهـا
شرذمة التكفير والتغييـر ميـر النـاس غيـر
الناس تـدري عـن مهبلهـا وعـن عقالهـا
بالله وشهو ذنب راع البيت والطفـل الصغيـر
وش ذنب هذيـك ألصغيـره وأمهـا وعيالهـا
وش ذنب عالم يفتي آلامه يقـال إنـه حقيـر
بل الحقيـر اللـي يغثـرب صفوهـا وزلالهـا
لا يا خفافيش الضلام انتم هل الشـر الشريـر
وألا علمـا مملكتـنـا نـورهـا وضلالـهـا
من كّفر المسلم دخل في دايـرة تونـي بليـر
لا كثـر الله فـي ديـار المسلميـن أشكالهـا
قدامكـم أمريـن والأول أخيـر مـن الأخيـر
ياتوبـةٍ يـا طيبهـا يـا ميتتـن يرثالـهـا
حنا هل التوحيد والنخـوة نجيـر المستجيـر
نعـم نقـول الله يخلـي للـرجـال رجالـهـا
حكامنـا منـا وفينـا يـا عليـم ويـا قديـر
إنـك تعـز اللـي تشيـل إخفافهـا وإثقالهـا
في حكم ابو متعب مليك العرب والعقل البصيـر
دايـم قضايـا المسلميـن بخدمتـه يسعالهـا
يالله تمـده بالعوافـي ياسميـع ويـا بصيـر
يلبـس ثيـاب العافيـه وشماغهـا وعقالهـا
وإن قلت ابو خالد ولي العهد يا نعـم الأميـر
والله لـو اعـدد فضايـل سيـدي وأشقالهـا
يمين ما حصي من مزايا سيدي غيـر اليسيـر
وشلون أبا أحصي سيدي كـل المزايـا نالهـا
اتعيش يا سلطان سلطان السعد عـز القطيـر
درع البلاد وقايد أجيـوش الوطـن وإبطالهـا
وزير جيش وفي الملاقا كنه السيـف الشطيـر
عـدوان دولتنـا ليـا جاهـا يشيـن فالـهـا
ونايف وزير ألداخليـه حـي هـذاك الوزيـر
برهن بفعلـه والنشامـا اللـي تعـد أفعالهـا
قاد الأمن والأمن طبعاً يعنـي الشـي الكثيـر
الأمن في الأوطان نعمه يـا لبيـب إصحالهـا
ويا سامعين القول صلى الله على الهادي البشير
صلـو علـى محمـد عـداد أيامهـا وليالهـا

[خلف القثامي]

صح لسان الشعار



والف مبروك حصولهم على الجائزه الاولى والثانيه وهذا يدل على قوة ابيات قصائدهم






ولاهنت ياسعد على نقل القصائد الجزله

[هاوي511]

الف مبروك

لشعار الفايزين

ومشاء الله فازو بجدارتهم

لاهنت يا سعد

[خلف القثامي]

خبر أكثر من رائع وشعراء عتيبه يستاهلون دون قصور في باقي شعراء القبائل

شكرا خلف



العفو يالغالي



ولاعدمت تواجدك المشرف

[ابو سعد الدلبحي]

1000 مبروووووووك

لاهنت على الخبر يا خلف

[خلف القثامي]

مبروك مبروك ..

لـ

وصل العطياني - عبدالله القثامي

الله يوفقهم ..

لا هنت خلف كل الشكر ..




شكرا على حضورك الرائع



وكل عام وانت بالف خير

[عتيبة سلاطين نجد]

الف مبروك على عشر الاف مشكور على الموضوع

[فيصل الحويماني]

الف الف مبروووووك لشعراء منتدى الهيلا ...


هذا التفوق وتحقيق المراكز الاولى.... ولاهيب غريبة على " العتبان "


وصل العطياني ---------------عبدالله القثامي




خلف القثامي

بيض الله وجهك على الخبر الطيب ....

[مرقاب]

يستاهلـون ومبـروك


وانـت بيـض اللـه وجهـك علـى الخبـر
ياعضونـا خلـف القثامـي


..


..


:)

[من عيني]

مبرررررررروك والف مليوووون مبروك وحظ اوفر للبقيه

[خلف القثامي]

لاهنتوا على الحضور الطيب




وسعدت بتواجدكم المشرف


ومبروك لشعراء منتدى الهيلا



ويستاهلون كل خير

[بدر الكريزي]

الف مبروك للشاعر العلم / وصل العطيــــــــاني..

و الرائع / عبدالله القثامي..


وصحت ألسنتهم..

لا هنت يا خلف على الخبر ..

[@ـايل]

الف الف الف مبروووووك

لشعرائنا الفائزين ..وبيض الله وجيهم...

وبيض الله وجهك ياخلف القثامي على نقل الخبر الرائع ...

[عبدالله القثامي]

الغالي خلف العتيبي

الف الف الف شكر لك يالغالي وليه مانفوز نا واخي وصل العطياني
وانتم ابنا عمنا انتم الداعم الحقيقي لنا في كل مضمار واعني انتم يا عتيبه تاج راسي ولا خلا ولا عدم بكل من بارك لنا بلفوز وانشا الله نكون عند حسن الضن