الكبتن .. وميقات السيل .. !!

[السميــــــري]

الكبتن مساء الخيرات ..
:)




ياكبتن عتيبة مادام أنك ورى السيل الكبير = وراك ماتحرم من الميقات وتلبي لها .!
ماتعرف الوقفه ولا المشعر ولا يوم النفير = وش لون لا كبّرت .. كعبة ربك أتصلي لها !

[نايف بن ملحق الثعلي]

السميري صح لسانك
وننتظر الكبتن

[السميــــــري]

صح بدنك يالثعلي ..
لا هنت علة مرورك المشرف ..

[أخو جوزا]

صح لسانك يالسميري ويجيك الكبتن ملبي

[السميــــــري]

أخو جوزا ..

صح بدنك .. ماظنتي بيلبي غير القابله ..
ههههه

[قادح شرار]

صح لسانك يالسميري ...


وبأنتظار الكبتن ... وصح لسانه مقدما ً ..

[كبتن عتيبه]

الله الله



حنّا نحج ونعتمر ونزيد فعل الخير خير=وابشرك مكّه ترانا كل يوم نجي لها!!
مير أنت في نجد ونعرفك دوم عنها ماتسير=ياحليلكم ياربعنا ودياركم ياحليلها!!

[قادح شرار]

الله الله




مير أنت في نجد ونعرفك دوم عنها ماتسير=ياحليلكم ياربعنا ودياركم ياحليلها!!



ههههههههههههههههه. :)


الله يهديـــه ما غير قاعد في ذغيبجه .... وراه ما يجي مكه ... :)


متابعكم يا شعارنا ...

[السميــــــري]

الله الله .



يمكن تروح لمكة لكن نيتك ياخوك غير = أتشيل خلق الله على الباصات وتودي لها
أديارنا ماتقبل إلا من سمو ومن أمير = وأنت الحجاز محجزّك بين الهضاب وسيلها !!

[كبتن عتيبه]

الله الله


اليا نصونا ربعنا انعدّيهم الريع الخطير=أمّا نشيل ربوعنا والاّ الجبال نشيلها!!
وديارنا ديار الرسول ومطلع البدر المنير=والكلمه اللّي مرّتك مامرَّني تحليلها!!

[السميــــــري]

الله االله ..



الذيب فوق الريع ماوالله يعدّيه البعير = لاجات زمل القوم ماوالله يبى يعدي لها !
أنته جمل لكن مانسمع رغى ولاّ هدير = وازهبت لك حمله واظن أزريت في تحميلها ..

[السميــــــري]

ههههههههههههههههه. :)


الله يهديـــه ما غير قاعد في ذغيبجه .... وراه ما يجي مكه ... :)


متابعكم يا شعارنا ...



والله الظاهر إنك جار الميقات :)

هههههههه

متابعتك غاليه يالغالي ..

[فارس القوم]

السماري والكبتن
قسم باالله محاوره تضرب بعرق المخ
صح اللسنتكم

[كبتن عتيبه]

الله الله


نبى نركب للجمل جنحان بلكنّه يطير=يومي جناحينه ويلقى له عرب تومي لها!!
عزالله انّك لك معزه يالسماري فالضمير=لكن خل اللي سرت فالدرب يسري ليلها!!

[السميــــــري]

ياكاف البلا ..!!
ههههه




أنت متأثر في (جحا) ..هذي تراها ماتصير = كلمتك هذا ياطويل العمر شف تبديلها
اللي تدرهم فالخلا ماظنتي تلقى منير = والواردات أفطن لها والصادرات أكوي لها !!


الخاتمه عندك ..
وسعدت كثيرا باللعب معك ..

فمان الله

[مرقاب]

المسيــري

أديارنا ماتقبـل إلا مـن سمـو ومـن أميـر=وأنت الحجاز محجزّك بين الهضاب وسيلها !!


كبتـن عتيبـه

وديارنا ديار الرسول ومطلع البدر المنير=والكلمه اللّي مرّتك مامرَّنـي تحليلهـا!!


صحــت السنتـكم

جميـع

وشعـار اكبـار والكبيـر اللـه



...