تسجيل الدخول

مشاهدة النسخة كاملة : تـفضل يا معجـب .. (والله لا خليك ترقب نجـمة القايلــه)

_الثبيتي_
30-Nov-2008, 11:50 AM
سلام ردية(ن) تشغـل كثير الظنـون ... تسليمــتن صاملــه ماهي بمتحــايلـه
ياصاحبي دام في وجهك من الله عيون ... والله لاخليـك ترقــب نجـمـة القايلــه
:)
معجب العتيبي
30-Nov-2008, 01:03 PM
يامرحبا ياهلا ياللي تجر اللحون=يامن يشوف السما والبارق يخايله
السالفه هاتها قدام حد السنون=وهديتك طيبه لو انها مايله
فايز بن سرحان الثبيتي
30-Nov-2008, 01:36 PM
صح لسانك ياولد العم لاهنت ولا هانت بدعتك وقافيتك المحبوكة


معجب العتيبي انت كذالك ولد عم صح لسانك وعساك على القوة


في انتظار الابداع



متابع
_الثبيتي_
01-Dec-2008, 01:11 AM
دام البقـا وانت شاعر والملا يشهدون *** يالفارس الي غدت في طرقــته حايلـه
اسمع كلامي مدام اصحابنا يسمعـون *** السيف في مقضبي يعني انا شايلــه