(معالجة موضوع)

[فايز العصيمي]

أيها لأخوة الكرام أعضاءاً وزواراً.. أحب أن أضع أول قصيدة لي أعتبرها في هذا المنتدى.. ومن هذا المنطلق فإني
أوثقها من خلال منتدانا منتدى الهيلا على أمل أن تحوز على رضى الجـــــــــميع






العقـل نعـمـه والمـقـدَي نـظـر مــوق
والثـقـل خـصـلـة طيـبـيـن الـمـبـادي
سلعـة وقــارٍ للـرجـل تـرفـع الـسـوق
ماتطرحـه لـو طـاح سـوق الـمـزادي
يالله لاتـجـعـل مـخـاطـبـك مـطـفــوق
وإنــــك تــدلــه للهدى والــرشــادي
ودك قبـل ماينـطـق الـرجـل منـطـوق
يحسـب حسابـه قبـل وقـت الـهـدادي
لايجـعـل لـسـان السوالـيـف مطـلـوق
ويعـرضـه للـنـقـد شـــوك الـكــدادي
إمــا يـهـده فــي مـكـانٍ بـــه يـلــوق
ولا يـــــرده فـالـخـبــا والــغــمــادي
لـن الـكـلام إن زل مـاهـوب ملـحـوق
أمضى من الومضة وضرب الهنـادي
وانته عليـك حقـوق ياباخـس حقـوق
ماأنتـه عـلـى مـبـداك فـإبـداك قــادي
وين أنت رايـح تطلـق لسـان مذلـوق
وتحـط فـي جسمـك جــروحٍ جــدادي
لن كان غايـب فـوق يالمستلـج فـوق
وإن كان صاحي وين ياخـوي غـادي
فلـقـت راسٍ قـبـل مـاهـوب مـفـلـوق
وضحـك علـيـك الأجنـبـي والمـعـادي
في بالـك إنـك يـوم خاصمـت مخلـوق
إنــك دحـرتـه كــان جـــاك مـتـمـادي
وعكس النتيجه صار واقـع وموثـوق
والبـادي أظلـم وانـت عـادي وبــادي
صاحبـك فعـلـه رافــعٍ روسـنـا فــوق
ولا أنـت مـن فعلـك لبسـك السـوادي
ولوك تجنبت الرضم مـع هـل الـذوق
ودافعت عن ربعك وصـرت المفـادي
وجيت بلسانٍ ذرب وأسلوب مرمـوق
ماكـان جــو الــذم مـعـك استسـتـادي
مير أنت ناقص عقل مفتوق مصفوق
خبـلٍ يناطـح سـيـل فــي بـطـن وادي
لـكـن روق إن طعـتـنـي يـانـمـا روق
واسمـع كلامـي بـعـد سـيـل إنتـقـادي
لـو تلحـق الطـاروق الأول بـطـاروق
مصـيـرك الخـسـران يـابـا الــدوادي
يمـيـن مــا ضـريـت بـرقــا ولا روق
ربعـي جمـل وأنتـه ســواة الـقـرادي



وســـــــــــلامة الجميـــــــــــــــــــع..،..

أخوكم:/
فايز بن محمد العصيميبن حمد..

[فيصل بن ضاوي]

كل بيت بقصيدة
والقصيدة بألف بيت
بيض الله وجهك على الجزل الثمين
وأكثر ما أعجبني

ودك قبـل ماينـطـق الـرجـل منـطـوق
يحسـب حسابـه قبـل وقـت الـهـدادي

[معجب العتيبي]

ودك قبـل ماينـطـق الـرجـل منـطـوق
يحسـب حسابـه قبـل وقـت الـهـدادي
لايجـعـل لـسـان السوالـيـف مطـلـوق
ويعـرضـه للـنـقـد شـــوك الـكــدادي
إمــا يـهـده فــي مـكـانٍ بـــه يـلــوق
ولا يـــــرده فـالـخـبــا والــغــمــادي
لـن الـكـلام إن زل مـاهـوب ملـحـوق
أمضى من الومضة وضرب الهنـادي



صح لسانك

[علي الثبيتي]

صح لسانك يافايز

[فايز العصيمي]

فيصل بن ضاوي

معجب العتيبي

النشمي


صحة أبدانكم جميع والله لايهينكم على المرور والإطراء

[السميــــــري]

فايز ..
صح لسانك ..
درر ..

ثمينة .. يامبدع ..

[فايز العصيمي]

صح بدنك



يالسميري ولاهنت

[فايز العصيمي]

صح بدنك يالسميري

[عبدالله بن طلال]

فايز مشكوووووووور على التوضيح


ومشكوووور على سرعة تجاوبك الله يسلمك


وقصيدتك رائعه جدا وموثّقه نفسها بمعانيها الجزله



صح لسانك وسلم بنانك واعتلى شانك



وتقبل تحياتي الاخويه