كبـــــــــــــتن عتيبه

[حاكم الغنامي]

سلام الله سلامٍ فيه شف البال والمقصود =وشف البال والمقصود لزّمة كبتن عتيبه
انا ماني بضاحك من تعاسة حضه المقرود =اخاف الله ليامني ضحكت ابهم بلانيبه

[{{ الــفــارس }}]

الله الله ..

صح لـسـآنك الذيب .. ولسان كبتن عتيبـه مقدما ً

[حاكم الغنامي]

صـــــــــــ ح ــــــــــت


ابدانك



الفارس الغالي

[كبتن عتيبه]

طيب طيب

اسف على التاخير تراي توي تواجدت




هلا يامرحبا والنار تشتب والنقاء مردود=ليا منّك لزمت الجمر الأحمر وش تسويبه!!
ترى مافالمواقف ضحك.. وفعول الرجال شهود=قبل تضحك.. تهرَّج والكلام اللي معك جيبيه!!

[حاكم الغنامي]

لك سنينٍ طويله وانت لاطارد ولا مطرود =ولاعمرك رعيت شعيل يم النير وشعيبه
متى ياربعنا نسمع هدير الحاشي المفرود =ودامه باقيٍ مفرود قولوا وش نسويبه؟

[كبتن عتيبه]

الله الله


تكفَّينا الجبال اللّي تعانقه هبوب النود=وخلّ النير لاهل النير تسرحبه وتضويبه!!
والا ياللّي تحرّا السيل ورعود الخيال رعود=أقُلك لا تباطى السيل ما من طولة الغيبه!!

[حاكم الغنامي]

يقولون العرب مادام غير الواحد المعبود =ولابد الليال السود راس القوم تقفيبه
اخاف السيل لاسيّل يعود مايجيله فود =ويصبح سالفه من عقب ماكنا نماريبه

[كبتن عتيبه]

الله الله


يابن غنام بالله لاتروَّعك الليال السود=حليل اللّي ليا ظلّم عليه الليل يسريبه!!
ترى ماهي عقيم الحُرمه اللّي جالها مولولد=عقيم اللّي ظناها ماذكر ورويسها شيبه!!

[اللورد العتيبي]

مبدع ياكبتن لابعد حد ولايهون الغنامي

وطاروق وافي وعساكم على القوه

تقبلوا مروري

[خالد المقاطي]

الله الله





ابدااااع .. ولاحد يضحك :)






مبدعين وربي وربكم الله






متابــ ع



..

[حصادالغربه]

مبدعين وصحة السنتكم
متابعين