قحطان

[راشد الهضيبان الجذع]

يقول العتيبي والقوافي على ايل=يمدح رجالن في بدايت كلامه
بمدح بني قحطان ذباحت الحيل=اهل الكرم والجود واهل الشهامه
لطامت العايل ليا جاهم معيل =بسيوفهم حطوا على نجد شامه
تشهد لها الاجيال جيلن بعد جيل=انهم هل المدات واهل الزعامه
مافيه عزن حال من دونهم حيل=الا سيوف الموت تطحن عظامه
دخيلهم لا ذاق هم وغرابيل=يبشر بعز وفيه طول السلامه
وان قست في فعل الرجال الحلاحيل=صارو على القمه وحازو وسامه
وليا ذكرت فعول شيخ المشاكيل=هذاك ابن هادي على الجود هامه
السيف والشلفا مع البن والهيل=سلمه وسلم اللي رقو في مقامه
يمناه كالت فالعدا خير تنكيل=والعفو عنده والكرم والشهامه
سبحان ربي كمله خير تكميل=حاز المكارم لين ذروة سنامه
والخاتمه صلو عدد ماظلم الليل=على شفيع الخلق يوم القيامه

[عبدالرحمن الهيلوم]

صح الساااااااانك يالغالي

ويستاهلون الطيب عيال الشايب


دمت بود

[الجـذع]

صح لسانك يا راشد

وقحطان تستاهل

ونعم القبيله


ولكن.............................


وش الفرق بينها وبين هذي ؟؟؟

http://www.otaibah.net/m/showthread.php?t=81502

:)

[راشد الهضيبان الجذع]

صح الساااااااانك يالغالي

ويستاهلون الطيب عيال الشايب


دمت بود

صح بدنك يا الغالي

[راشد الهضيبان الجذع]

صح لسانك يا راشد

وقحطان تستاهل

ونعم القبيله


ولكن.............................


وش الفرق بينها وبين هذي ؟؟؟

http://www.otaibah.net/m/showthread.php?t=81502

:)


صح بدنك يابن العم

مافي فرق بين القصيدتين ولكن ابعطيك الجواب اللي يشفي كبدك دام هاسوؤال مضايقك لدرجة انك شاد حيلك وناسخ الرابط استلم الجواب


الشاعر له مطلق الحريه في قصايده وهو حر يسندها لمن وانا من دون قصور في ربعي اشوف كل بيت فيها كانه يقول ضمني لقحطان لما تحوزه هذه القبيله من مكانه في قلبي وهم يستاهلون اكثر من قصيده
واكرر دون قصور في ربعي وربعي يستاهلون قصايد
اتمنى اني وفقت في الجواب على سؤالك

[الجـذع]

صح لسانك يا راشد وماقصدنا شي وانا اخوك

بس كنت اتمتى لو انك كتب لك قصيده اخرى في قحطان

لأن لو كذى... كان رحت سويت لي قصيده وكل يوم حاطها في قبيله...


وانا ما جبت الرابط ولا شي لكن القصيده الاولى الي حطيتها في ربعك كنت حافضها عندي فالمفضله

ويوم شفت موضوعك هذا جبتها...


عذرا على الازعاج :)