ناصر المرشدي

[نايف بن ملحق الثعلي]

[

مرحبا ياشاعرن غاب مدري وين راح=غايبن مده طويله ماعرف اسبابها
سرها مسري الذيابه ليا وقت الصباح=وانت قدامك ذيابن تحد انيابها

[علي الثبيتي]

الله الله على الابداع يانايف وصح لسانك
ولسان ناصرمقدماً

[نايف بن ملحق الثعلي]

النشمي صح بدنك
يعطيك العافيه

[ناصر المرشدي]

يامرحبااااااااااااااااااااااااا ملايييين
حيا الله ابو ملحق ولي الشرف والله



البقاء باللي ماشفناه لان الوسم طاح=مادرى عن حضرة الناس من غيابها
الهقاوي من ورى الجدي والدنيا كفاح=ماعلينا من نمور الدير وذيابها

[نايف بن ملحق الثعلي]

انت وينك مالقيناك والصياح صاح=كيف نعرف صادق الناس من كذابها
دوب جالك ريش ياطير وترف الجناح=والحياه الي بلا عز لا ترضابها

[ناصر المرشدي]

راح وقتي بين معجب وبين ابن فلاح=شرهة الطيب ترانا نحسب حسابها
ماتغيرنا مع العولمه والانفتاح=لاتعنيك الطواري ولاتشقابها

[معجب العتيبي]

نايف وناصر


بدايه رائعه

لاينقصها الا اكمال الطاروق


صحة السنتكم

[معجب العتيبي]

نايف بن ملحق الثعلي

مرحبا ياشاعرن غاب مدري وين راح=غايبن مده طويله ماعرف اسبابها
سرها مسري الذيابه ليا وقت الصباح=وانت قدامك ذيابن تحد انيابها


ناصر المرشدي

البقاء باللي ماشفناه لان الوسم طاح=مادرى عن حضرة الناس من غيابها
الهقاوي من ورى الجدي والدنيا كفاح=ماعلينا من نمور الدير وذيابها


نايف بن ملحق الثعلي

انت وينك مالقيناك والصياح صاح=كيف نعرف صادق الناس من كذابها
دوب جالك ريش ياطير وترف الجناح=والحياه الي بلا عز لا ترضابها


ناصر المرشدي

راح وقتي بين معجب وبين ابن فلاح=شرهة الطيب ترانا نحسب حسابها
ماتغيرنا مع العولمه والانفتاح=لاتعنيك الطواري ولاتشقابها

[نايف بن ملحق الثعلي]

انت ودك تعطي الناس ويدينك شحاح=اثر بعض اصحابنا مختلف هندابها
ليت بعض الناس ريح ضميره وستراح=والمواقف عند قوم طوال اشنابها

[ناصر المرشدي]

ليه سدك يابن ملحق بعد بيتين باح=انتبه للنار والنار من شبابها
ماعليه من هل الزور عدوان النجاح=تكبر العذرى وتفتن وانا خطابها

[نايف بن ملحق الثعلي]

ماعليه خوف وارد علي العد القراح=ليت بعض اصحابنا ماتثور اعصابها
كم وكم قلتلك لاتشرب السم الذحاح=من قرب للنار لابد مايكوابها