رفيقي اللي لا دعيته يلبي

[خالدالعصيمي]

رفيقي اللي لا دعيته يلبي "=وقت الطلب ما يعتذر من خويه
لا من زهمته جاك عجل يخبي "=فزة مراجل بالوفاء والحمية
لشدة الأزمة دوايه وطبي "=عند المواقف عزوما قويه
إن جيت عنده في محله حسبي "=وان جا محلي قلت يارب حيه
ماهو من اللي لا نصيت لعبي "=قليل معروفه ونفسه رديه
يجيك في وجه الصديق المحبي "=يقول حاضر غير ويش السويه
يالله دعيتك خالقي وانت ربي "=تقطع رفاقه ما بها صدق نيه




صالح بن عبدالله



-

[عتيبي عفيف]

الاخ /خالد

جميل ما تنقله لنا من ابداعات للشعراء والله يعطيك العافيه

وهذا صالح بن عبدالله يتحفنا بالقصيده الرائعه

ولك تحياتي عتيبي عفيف

[الوليد الاسعدي]

خالد العصيمي
لك تحية خاصة فاسمك اصبح ياسرني لجميل اختيارك وحسن كتاباتك.
كثر الله من امثالك:) .

[وصل العطياني؟؟؟]

بالفعل ..
متابعين مواضيع خالد بدقة ولهف ..
<<-- عشان أعدل بس ماهو من زينها ههههههههههه






















مواضيع روعة واكثر..




تحيااااااااتي

[خالدالعصيمي]

عتيبي نت

اسرني مرورك

لك اجمل وارق تحيه

[خالدالعصيمي]

الوليد الاسعدي

مرحبابك شهاده اعتز فيها

من كاتبنا العزيز

لك فائق الاحترام

[خالدالعصيمي]

وصل العطياني

تراني زعلان عليك









يسرني مرورك الدايم

لك خالص تحياتي