الليل ياعتبان ..

[خالد المنصوري]

السلام عليكم ورحمة الله وبركاته



اولا انا توني مشارك جديد في منتديات عتيبه ويعلم الله اني سعيد جدا بتوجدي معكم ويشرفني انضمامي لمنتدى هذه القبيله المشهورة وتفضلو






انا جيتكم ياكاسبين النواميس=عتيبه هل المعروف والطيب والجود
انا اشم يالعتبان ريح المحاميس=وهذي طبيعتكم عساكم على الزود ..



..


اخوكم: خالد المنصوري ..

[عمير الثبيتي]

عدد ما يهبن الرياح النسانيس = هلا مرحب ترحيب ماهو بمحدود

دلاال العرب لضيوفها اللي مجاليس= بعد جيتها ياضيف منته بمحسود

[خالد المنصوري]

يدوم البقى ياشاعرن له هواجيس=عتيبي من اعتيبه هل الخيل والذود
يقولون خير الله نزل فالتضاريس=وقالو حيا ذا العام مامنه منشود

[عمير الثبيتي]

ولا يا رضي مالك ومال المطاعيس = تلبس ثياباً بيض لا تلبس السود


وخيراً نزل ما يقربونه متاعيس = وخيره لداره ما يجئ كل مقرود

[خالد المنصوري]

لا بالله شكلك شايفن لك كوابيس= تحسب انك طارد واثرك اليوم مطرود
ترى البرد وصلك كثر امن البرانيس= وخيرن نزل يافلان ماهو بمجحود

[عمير الثبيتي]

لا بالله شكلك شايفن لك كوابيس= تحسب انك طارد واثرك اليوم مطرود
ترى البرد وصلك كثر امن البرانيس= وخيرن نزل يافلان ماهو بمجحود






ويا قشر حظي مع رجالاً مفاليس = تشيل المقمع مار من دون بارود


تسدك ديارك جالبات المباليس = تجيها الخلايق دون ناقد ومنقود

[خالد المنصوري]

اذا جفت الاقلام وسط القراطيس=جرحتك وعقبه قلت من غير مقصود
دياري تشرف وانت مثل الدماميس=تدسس بوسط الرمل من غير مجهود

[عمير الثبيتي]

اذا جفت الاقلام وسط القراطيس=جرحتك وعقبه قلت من غير مقصود
دياري تشرف وانت مثل الدماميس=تدسس بوسط الرمل من غير مجهود




ألا ليت ونك ناقلن للعبابيس = ليا عودت دنياك حاوي ومردود

تصبر على وخز الرماح الدبابيس= ولان ما صبرت القبر جاهز ومالحود

[خالد المنصوري]

اشوفك يابادي داخلن فالدواعيس=تحسب انك ياابن الناس فالشعر نمرود
والا ياولد ياللي تحب التغاريس=سعد لو يغني لازم ان معه مسعود

[عمير الثبيتي]

ويا خبط قلبك مثل خبط المهاريس = سوات البعير اللي به الحمل مشدود

علومك علومك كل بوها مماريس = وعينك تبا تدمع بعد وخزة العود

[أخو جوزا]

حياك الله يالمنصوري وصح لسانك ولسان بادي المراقيب . واصـــلوا

[خالد المنصوري]

صح ابدنك ياخوي اخو الجوزا ومتابعتك لنا شرف ولاهنت على مرورك الراقي والمميز ..

[خالد المنصوري]

اشوفك براسك يالعتيبي وساويس=وانا صايدن وانته بهاليوم مصيود
ولاتعرف الدله ياراعي التراميس=تنام الليالي وانت تشكي ومشدود

[عمير الثبيتي]

علومك علومك كل بوها تماليس= وش اللي بيو خذ منك ياقبر بالدود


ونا ما ذكرتك يا عيون الهداريس = ولا لك من الفطحه يقع عضم عجرود