من صاحب هذا البيت

[عتابه يارفاقه]

قصيدة رائعه سمعتها ولا اعلم من هو قائلها

وما هي المناسبة التي قيلت فيها وياليت من لديه تفصيل وراح اكون له شاكر



يـا سابقـي صكـوا عليـك القبايـل،،،الحضـر والبـدوان راحـوا نحيـــه
قومٍ من العارض إلى سـوق حايـل،،،لا قـرب جـد ولا بهـم مرحميـــه
يـا قـومنـا لا تكثـرون العذايـل،،،أشـوف لـي شـقٍ توسـع رفيــــــــــه
العمـر بيـد الله منشـي المخـايـل،،،حقٍ على الراعـي صـلاح الرعيـه
نرد الخطـر والعمـر لا بـدّ زايـل،،،عقب الخطر نشـرب ركايـا عذيـــه
إن كان ما نرخي ركـاب الأصايـل،،،وإلاّ منـازلنـا غـدت جـاهليـــــــه ا



في انتظار ربعي واجابتهم

[سعد بن مطلق المقاطي]

القصيده للشيخ/ تركي بن حميد

والمناسبه نزولهم في نجد

والله اعلم

[بجاد النفيعي]

القصيدة سمعت انها لـ الشيخ تركي بن صنهات بن حميد

مادري هل الكلام أكيد أو لا ...

[ابو محمد الدعجاني]

هذي للشيخ تركي ابن حميد ولا فيها جدال

[عتابه يارفاقه]

يالربع القصيدة مشهورة جدا



كيف ما يعرف صاحبها
والمهم المناسبة
لان في القصيدة يتضح من كلام قائلها عدد القبايل المواجهه للعتابة كبير


لذا ممكن نربطها باحد المعارك المهم



انا اقوول حسب المعلومات اللي عندي
انها في معركة حريملاء

و تركي بن حميد ما حضر حريملاء

لذا ممكن يكون قائلها
ضيف الله العفار

والله اعلم




با نتظار القول الفصل

[سعد بن مطلق المقاطي]

القصيده لشيخ تركي بن حميد

وهي اول قصايده وموضحه فى ديوانه الصوتي في الاسواق

و الديوان الثاني فى المكاتب وكثر الجدال مايصلح

[راكان أخو شقران]

القصيده لشيخ تركي بن حميد

وهي اول قصايده وموضحه فى ديوانه الصوتي في الاسواق

و الديوان الثاني فى المكاتب وكثر الجدال مايصلح


هذا العلم ايها الاستاذ:)

[عتابه يارفاقه]

يا بعد حيي يالمقاطي




لا كن يا اخوك وش المناسبة اللي ذكرت فيها القصيدة



مشكور يا شقران وان كان عندك اضافه هاتها يا سلايل الهيلا

[سعد بن مطلق المقاطي]

المناسبه الكتاب بين من عنوانه

نزول عتيبه في نجد وطرد اهله

واخذو ديره بالقوه بالسيف والرمح

وكل القبايل المجاوره تحالف ضدهم

[سطام العفار المزحمي]

ابشر طال عمرك بالقصة كاملة

قائل القصيدة الامير تركي بن حميد رحمه الله
قوم من العارض الى سوق حايل
لا قرب بهم جد ولا بهم مرحميه



بيت من قصيدهـ للأمير / تركي بن حميد رحمه الله ولعل أن أقل ما نقول عن هذا الامير الفارس الشاعر انه جمع بين الفروسيه وبين الكرم وبين الشعر والدين والوفاء بالعهود والمحافظه عليها وبين الشيمه ونزاهه العرض ويعدل ذلك كله هو التوحيد الخالص فهو من خيار الرجال رحمه الله ..

نعود لقصيدتنا حيث يقال أنه أنشدها حين أتاهـ من بن رشيد منجوب يرد البرا عليه وفي اليوم التالي اتاه منجوب اخر من الامام فيصل بن تركي ال سعود يرد البرا ..(رد البرا..هو اعلان الحرب) ..وكلا الحاكمين تعاهدا على حرب عتيبه وابعادهم عن نجد وردهم للحجاز الذي اتو منه ..فتمثل الامير تركي بن حميد يخاطب فرسه قال :




ياسابقي صكـو علينـا القبايـل الحظر والبدوان راحـو نحيـه

قوم من العارض الى سوق حايل لا قرب بهم جد ولا بهم مرحميه

قامت تروجن بينهـم بالشلايـل تعاونوا عقـب النقـا بالحميـه

ياقومنـا لا تكثـرون العذايـل اشوف لي شـق توسـع ارفيـه

ياعنك جتنا من عزيز الحمايـ ل ماسلت لو شره تلاحق ضويـه


العمر بيد الله منشـي المخايـ ل حق على الراعي صلاح الرعيه

[سـامــي النفيعي]

للشيخ تركي بن حميـــــد ولا في جــدال ...

وقصيدة معروفــه وبقوة ..

[عتابه يارفاقه]

مشكور يالبربع على التفاعل مع الموضوع



واشكر اخوي سطام على التنوية الرائع بمناسبت القصيدة


اخوي النفيعي حياكك الله

والقصيدة بكل تاكيد مفخرة لعتيبه

لكن السؤال

هل اعقبت هذا القصيدة بحرب
يعني لما ارسل ابن سعود وابن رشيد ابرا على ابن حميد

هل كان هناك كون او وقعه


ياليت الجواب

لا عدمناكم يالمناعير

[..alroqy..]

الله يعطيك العافيه وجزاك الله خير

[عبدالله هادي ناشي الفليت.]

القصيده معروووفه انها للامير تركي بن حميد

[عتابه يارفاقه]

بارك الله في كل شخص مر وساهم في معرفة قائل القصيدة

[مصدر رفيع المستوى]

الله يرحمه ولا شك انها للامير الفارس الشاعر / تركي بن حميد

[عبدالعزيز الدلبحي]

الاخوان ماقصرو

القصيدة للأمير تركي بن حميد رحمه الله


وفيها ابيات لم تذكر وهي قوله

إن كان مانرخص رقاب الأصايل = والا منازلنا غدت جرهدية

إلى أن قال

إن كان ماترّث يدينا فعايل = تحرم علينا شربة الشاذلية
والزعفران وحب سمر الجدايل = وحط الشحم وسط البيوت الذرية



والقصيدة طويله ولو إني حافظها كان جبتها كامله

[الجنرال العتيبي]

لتركي بن حميد ما يحتاج


متأكد 100 %