عقب البطا من هجوسي قمت أغني بها .. !!

[مرجح الميزان]

:)


عبدالله حبيب .. ان عطاك وقتك .. !!






سلام رديةٍ تنصى الرجال الكرام=عقب البطا , من هجوسي قمت أغني بها..!!
لي صاحبٍ فالمراجل ما يذل ويضام=ان كان حاضر .. رجوم الشعر يبدي بها

[السميــــــري]

ياسلام ياسلام ..
مطلع رائع ..

صح لسانك ..

[مرجح الميزان]

صح بدنك يالسميري







,,

[سفير الزعماء]

صح لسانك


على المطلع الجميل

[عبدالله حبيٌب الزراقي]

ياهلا وغلا يامرجح الميزان ^_^

معليش على التأخير توني جيت الليله



يامرحبا يامرجح ..كيف حالك .. تمام ؟ = عقب البطا شوفت الاصحاب ياطيبها
فيك الوفا والوفا طبع الرجال الحشام = يالشاعر الي فنون الشعر تدريبها

[مرجح الميزان]

ما أبطا من جا مار أستلم .. :)




دام البقا والحوال مصلحه كل عام=وأكبر دليل العدا للشرق أصلي بها..!!
أنته تقوله وأضنك طامعٍ فالسلام=وان قاله الله تبا ذا الليل تسري بها

[محمد العضياني]

يا سلام


مرجح الميزان ،،عبدالله الزراقي


صحت السنتكم وقلوبكم

[عبدالله حبيٌب الزراقي]

هههههه



ان كان هذا كلامك ردنا بالحزام = خل البنادق توريكم مضاريبها
اثرك من العيد غايب في بحور الظلام = متعلم القرصنه في بحر كاريبها

[عبدالله حبيٌب الزراقي]

السميري - سفير الزعماء - البورادي

صحت ابدانكم شرفتونا بمروكم الله لايهينكم

[مرجح الميزان]

يا راعي المحزم اللي حبته ما تسام=وآآآ شيب عينك من الأيام وآآ وشيبها
اليا لقينا الهنوف أم النهد والزمام=ما غيرنا يا طويل العمر يحريبها

[مرجح الميزان]

النشمي مرورك منور .. !! :)

[مرجح الميزان]

سفير الزعماء صح بدنك ..

[عبدالله حبيٌب الزراقي]

ان كان حوٌل شدادك من علو السنام = تبا تحوٌل معه ..ودريبك دريبها
حنا تجينا الهنوف الي ذبحها الغرام = لاوقعت كلمة الرجٌال في قليبها

[مرجح الميزان]

ان كان حول شدادي يالعتيبي حرام=ما عاد رجلي ديار العز تمشيبها
كل يشوف الجبل لكن رخو العظام=وش حيلته والقدم يبست عراقيبها ..؟!

[مرجح الميزان]

كان ودنا فالمباشر يا عبدالله لكن الوقت يحداك ويحدانا

على الود نلتقي ..!!ِ

:)

[عبدالله حبيٌب الزراقي]

مالله كتبت لنا في المباشر واللعب بالتقصيد يشتت الافكار

لكن ان شاءلله الجايات احسن .. على الخير والمحبه نلتقي ان شاء الله يامرجح :)

[بدر الكريزي]

و نحن أيضاً .. كان ودنا تكملون .. لكن خيرها بغيرها ..


صحت الألسن يا شعراءنا ..