يابوش سلمها أسود الوجه باراك !!!!

[سلطان الجـذع]

..

..

..

تواصلاً مع هذا القسم ... قصيدة موجهها للربادي بوش:)

أتمنى ان تحوز على رضاكم







يا’’بوش’’ سلمها أسود الوجه ’’باراك’’ = فارق وغادر جعل مالله يردك
يا’’بوش’’ والله مانبا غير فرقاك = الله يعلن سنسفيلك وجدك
تنفض بني يعرب من العام حماك = أطلق شنب مايوقفك عند حدك
مخضبٍ دم الاجاويد يمناك = المسلمين بكل الاحوال ضدك
مااكفاك منا مشينا طوع لرضاك = ومن مانحوشه يالربادي نمدك
وحنا.. يالولا .. خوفنا مارجاناك = يمدي مواطينا على حيد خدك
يهيب ياوجهك... ياامقشر سواياك = ضيعتنا مابين... مزحك وجدك
و’’باراك’’ مامن فود مثلك وشرواك = مطابقٍ يا’’بوش’’ وده لودك
ماهو بماشي يمنّا غير ممشاك = يحده اللي للمشاكل يحدك





وسلامتكم

[الشــاهد]

صح لسانك ياسلطان


جزالة وصور شعرية

[ابو فايح]

و’’باراك’’ مامن فود مثلـك وشـرواك
مطـابـقٍ يـا’’بـوش’’ وده لــودك


صح لسانك يا سلطان ما اخس من قديد الا عسفان

[@ـايل]

هههههههههههههههههههه

عزالله انك ازديت فيهم ياسلطان ...صح لسانك يالذيب وبيض الله وجهك ..

والوجيه اللي تستاهل بوش وباراك ههه..:)

لاهنت والله يعافيك..

[الصمصام]

مااكفاك منـا مشينـا طـوع لرضـاك
ومـن مانحوشـه يالربـادي نـمـدك

الاسطورة سلطان الجذع

صح لسانك

كما يسرني ان اخبرك انني اتابعك بصمت واستمتع بما تخطة اناملك

دمت

[فهيد الايدا المورقي]

الاسطوره صح لسانك على القصيده الجميله



تحيتي

[السميــــــري]

عوده حميده ..
ياسلطان .. صح لسانك على ماكتبت ..
أقديت .. وأدليت ..

مبدع ..
وحنـا.. يالـولا .. خوفنـا مارجانـاك
يمـدي مواطينـا علـى حيـد خــدك

[سلطان الجـذع]

...


سلطان العايضي ... تواجدك هنا يعني لي الشئ
الكثيــــــر .. كل الشكر لك يالغالي

[سلطان الجـذع]

...


ابو فــايح ... صح بدنكـ وكل الشكر لك على
توااااااااااجدكـ

[سلطان الجـذع]

...


هايل العتيبي :) ... الله الله وجيهٍ تستاهل ...:)
شرفت بحضورك يالغالي

[عبدالله الجـــذع]

صح فكرك يااسطوره

استمتعت بتكرار قرآئتها


مفردات جميله ... وتركيب اروع واجمل

سياسه . واقعيه متناهيه في جل الابيات


باختصار ياابوعبدالله

ودك يعلقونها على باب البيت الابيض

لاهنت لاهنت

ولاتقطع هالقسم

محبك
,’

[بدر الكريزي]

وحنـا.. يالـولا .. خوفنـا مارجانـاك
....... يمـدي مواطينـا علـى حيـد خــدك



صح لسانك يا الأسطورة..

مبدع في كل حالاتك :)

[قادح شرار]

..

..

..







مااكفاك منا مشينا طوع لرضاك = ومن مانحوشه يالربادي نمدك
وحنا.. يالولا .. خوفنا مارجاناك = يمدي مواطينا على حيد خدك
يهيب ياوجهك... ياامقشر سواياك = ضيعتنا مابين... مزحك وجدك






وسلامتكم


هههههههههههههههههه . قصيدة سياسية ولا أحلى . :)

أظن بنرشحك شاعر للوطن دام أكثروا شعار الوطن هالأيام ...

صح لسانك يا الأسطوره . . . قصيدة محاكية للواقع السياسي الصعب اللي تعيشه دول العالم .


تقبل مروري يا صديقي ... :) ....

[مرزوق الجعيد]

وحنـا.. يالـولا .. خوفنـا مارجانـاك
يمـدي مواطينـا علـى حيـد خــدك


ابدااااااااااااااااااااااع


صح السااااااااااااااانك

[ابو ضيف الله]

صح لسانك يا الاسطورة وبيض الله وجهك


وليا سمعت الباب يطق تراه الاف بي اي لا تفتح لهم وبيمشون :)

[عبد العزيز العضيــاني]

صح لسانك

قصيده جزله


من شاعر جزل

ولكن ياسلطان مادامك علقتها في راس بوش


وراك ماترسله كثر هالبيوت تدعيه فيها للاسلام

لعل وعسى انه يسلم على يدك

تقبل مروري اللي ودي انه يكون اول واحد؟؟؟


ولكن!!!!!!!!!!!!!!!!!!!

[عبدالله بن طلال]

..
.
سلطان الجذع .. صح لسانك

قصيدتك كايفه وبيض الله وجهك

لكن كلمة ( الربادي ) لايقه على بوووش وكنـــك

منتقيها على مقاسه هههههههه

تقبل تحياتي

[متعب العصيمي]

مااكفاك منـا مشينـا طـوع لرضـاك=ومـن مانحوشـه يالربـادي نـمـدك

وحنـا.. يالـولا .. خوفنـا مارجانـاك=يمـدي مواطينـا علـى حيـد خــدك



عزالله انه ربادي ولد ربادي :)


الإسطوره صح لسانك ملايين على القصيدة


أعذب التح ــايا

[معجب العتيبي]

صح لسانك يا الاسطورة وبيض الله وجهك



تصدق عاد توقعتك اول من يكتب في هالموضوع



وشكرا لتواصلك مع هذا القسم

[ابن مشيب]

اي والله اسود الوجه باراك :)

صح السانك بلا عدد ياسلطان


تحيات

[بـنـاخـي خـويـس]

والله العظيم انك صادق

وبيض الله وجهك اخوي والله لايهيينك

[أبو نجر النفيعي]

..

الله الله يا سلطان ..


صح لسااااااااااااااانك يالاسطووووووووره ملايين الملايين ..

:)

اخوك

[مرزوق حمدان العتيبي]

..
:)
مزدي ياسلطان وصح لسانكــ

[المعتصم بالله]

الله الله

يا الاسطورة صح الله لسانك ، وعزالله لولا الخوف كان علوم هههه مير الاعتراف بالحق فضيلة


لكن باراك يمكن يطلع اشوى من العلة بوش لكن ان درى عن قصيدتك زعل .


تحياااااااااااااااتي يا سلطان