قصيدة للشاعر ابن نجم النفيعي بأهل بقعاء

[خالد الدخيل]

يالله عسى بقعاء بهمال الامزان
وبل(ن) لينه هل يحدر شعيبه
ديرة هل الطالات ذربين الايمان
أهل الكرم والطيب ربعي عتيبه
من روس روق مرجحت كل ميزان
الأسعدي ياسعد من ينتخيبه
سلام ينصاهم شيابه وشبان
أهل الوفاء وأهل العلوم العريبه
من حد بقعاء واللويمي ومشعان
حتى الصعيد ولين حد القليبه
عامين معهم كنني بين الأخوان
ماشفت منهم شي واحد واعيبه
غيراقلط ويامرحبابك بسفطان
وصيانين فيها السمن من عصيبه
عزالله اني ياهل العرف غلطان
بمفارقي روس الرجال النجيبه
ولمقابل اهل الجود والطيب شفقان
وماقدر الله للبنادم يصيبه
ومن لامني فيهم بثبت ببرهان
وراع الردى والكذب ربي حسيبه
منهم سعد وجه السعد طيرحوران
راع الحصان اللي فعوله عطيبه
لاجا نهار وخالط الجو دخان
لا واعذاب اللي سعد هوحريبه
ولا بريك اللي له الجود عنوان
امير بقعاء فالليالي المهيبه
يومنها بسلاح وحصان وسنان
ماخاب منهو ياعرب يلتجيبه
افعولهم تبقى على مر الازمان
لاجيالهم مثل النجوم الرقيبه
والمعذره لن كان فالهرج نقصان
الجهد هذا والمواقف صعيبه
وختامها صلوا على نسل عدنان
نبينا اللي كلنا نقتديبه


قال هذه الأبيات ماجد بن عبدالله بن نجم النفيعي العتيبي

[عفتان العتيبي]

مشكووووووووووووووور

بارك الله فيك

[عبدالرحمن الهيلوم]

صح الساااانك والسانه

[ابو محمد الدعجاني]

صح السان الشاعر والناقل

[محمد العتيبي]

الله الله

صح لسان الشاعر : ماجد بن عبدالله النفيعي

على هذا الاحساس الصادق ..


وتسلم يديك على النقل وصح لسانك

تحيتي
...