معجب العتيبي

[نايف بن ملحق الثعلي]

سلام يامعجب وانا في خاطري بعض العلوم=ليت السوالف ماتغرك يالعتيبي ليتها
جعلك بخير وعافيه يالله عسي حضك يقوم=والعنكبوته من قديم الوقت نعرف بيتها

[عبدالمجيد الثعلي]

الله الله


يانايف

على هالمبدأ ههههههههه



صح لسانك


مبدع مبدع وننتظر معجب العتيبي ليكتمل الابداع وصح لسانه مقدماً

[عبد العزيز العضيــاني]

ابن ملحق

مساء الخير

ياخوي انت الليله


ماخليت احدٍ في حاله


الله يستر؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


صح لسانك

[نايف بن ملحق الثعلي]

ذب المساري لاهنت علي المرور

[نايف بن ملحق الثعلي]

بحر جده ارحب يالغالي
مرورك يشرف

[معجب العتيبي]

يامرحبا ترحيبةٍ حسب العوايد والسلوم=فالحله اللي بالكرم والطيب عالي صيتها

من فضل ربي في نعيم وخير ياجعله يدوم=وبيوتنا بالعز مبنيه ولا خليتها

[عبدالمجيد الثعلي]

صح لسانك يامعجب


رد وافي وأبدعت




واصلوا واصلوا وحنا متابعين

[نايف بن ملحق الثعلي]

ياليت بعض الناس يامعجب تريح ومخدوم=عنيت نفسك ليت يارجال ماعنيتها
ياطير ياالي لك ثلاث سنين في جوك تحوم=ياليت ياطير السعد دنيا التعب خليتها

[معجب العتيبي]

الناس يانايف من الايام معطى ومحروم=ياللي تخم السالفه من طولها واخطيتها
الطير ماله غير جوّه وانت خلّك فالحلوم=اشقيت نفسك الحلوم الضايعات اشقيتها

[معجب العتيبي]

بحر جده


وذيب المساري



نورتوا الصفحات


شكرا لكم

[نايف بن ملحق الثعلي]

ياصبر قلبك كم يشيل من المشاكل والهموم=مار المواقيف الصعيبه خابرك ماجيتها
انته تطالع للقمر ولا تطالع للنجوم =ماكان عينك ىالعتيبي للسماء لديتها

[معجب العتيبي]

ياما وقفنا فالمواقف للدفاع وللهجوم = وانته تجمّع في حطب نارك ولاشبيتها
مااطالع الا فالرجال اللي يسدون اللزوم = اللي يطيح اسمك من اسماها ليا سميتها

[نايف بن ملحق الثعلي]

أنا أحسبنك فارس الفرسان وحصانك عزوم=ياصاحبي تبا تكحلها لكن أعميتها

إسمي يشرفني وأنا ماهمني هرج الرخوم=وأنته جروحك من غبون الوقت ما داويتها