ترى تكفى تهز الجبالي قصيده جميله جدأأأأأأأ

[ابن بريم المقاطي]

السلام عليكم ورحمة الله وبركاته

اعزائي الاعضاء الكرام اسعد الله اوقاتكم بكل المحبه والاحترام

اليوم حبيت اطرح قصيده لشاعر / مطلــق عمــر المقاطي


http://www.otaibah.net/ready/uploads/otaibah_net_ZhSS5vm8Oj.jpg


قصيده بعنوان ترى تكفا تهز الجبالي



ياشيخ من فضلك علينا تردون=ابنشدك ياشيخ عن ما بالي
يومنكم بالمعرفه تستشارون=طرد الهوى هو ذنب ولا حلالي
با لله علينا بلاجابه تعجلون=تكفا ترى تكفا تهز الجبالي
انا تعرضلي من البيض مزيون=قبل غروب الشمس وقت الزوالي
صادفتهم وهمه على الدرب يمشون=ابغى انشده لكن مااعطى مجالي
قلت السلام وقال وش فيك مجنون=قلت انت من شافك يصيبه هبالي
يابنت انا من جور الايام مغبون=مير اعذريني يا حسين الدلالي
قالت على مهلك ترفق وبالهون=ترى وراي رجال يابن الحلالي
قلت اهرجي يا بنت والسر مامون=مابيح سدي لو تطول الليالي
لدت وقالت بس ما انته بضمون=هذا كلامك فيه نوع ارتجالي
يمكنك من اللي يبا يستخفون=وانا من اللي مايحب الجدالي
رح جيب اهلك ان كان تبا تخطبون=ابوي عانه في البويت الموالي
تراي خابرته حريص ومفتون=ولايجيبه غير خشم الريالي
وان كان تمم جب شهودك ومأذون=وادخل مع البيبان مثل الرجالي
ترى العرب تمشي بسلمن وقانون واللي مدبرهم عزيز الجلالي
هنا وقفت وصرت للزين مديون=مافيه اجابه عقب طرح السؤالي
نويت اخفي ما ابغي الناس =يدرون وأول ضحيه دريت ام العيالي
وصارت قضيه فاقت اعمال شارون=اكبر جرائم حرب واشنع قتالي
بغيت اهديهم وقاموا يزيدون =عجاج صيفن مقتفيه الخيالي
قلت اسمعي لرضاك ماني بمسجون=انا طليق ومكسبي رأس مالي
وترى الحقيقه كان تبغون تدرون=ماصار كله من نسيــج الخيالي

[عبدالرحمن الهيلوم]

صح الساااااااااااااااااااانه والسانك يالغالي

[متعب العصيمي]

صح لسان القايل وسلمت يمين الناقل

الف شكر يالغالي

[قول وفعل.]

شاعر كبير يا بو عمر وشكر يا بن بريم على تنقيه هذي القصيده الجميله

وترى الحقيقه كان تبغـون تـدرون=ماصار كلـه مـن نسيـج الخيالـي

[ابن بريم المقاطي]

صح الساااااااااااااااااااانه والسانك يالغالي


ارحب يا ابو الهيلوم

صح بدنك يا غالي وسلمت ودمت وشكرأ على المشاركه..

[ابن بريم المقاطي]

صح لسان القايل وسلمت يمين الناقل

الف شكر يالغالي

ارحب يا متعب وينك من زمان ماشفنك

الساعه المباركه الي شفناك فيها

مشكور على المشاركه ويعلم الله اني مشتاق لمشاركتك الدائم الجميله..

[ابن بريم المقاطي]

شاعر كبير يا بو عمر وشكر يا بن بريم على تنقيه هذي القصيده الجميله

وترى الحقيقه كان تبغـون تـدرون=ماصار كلـه مـن نسيـج الخيالـي


هلا با البناخي يا مرحبا وسهلأ

الله يسلمك وطولي بعمرك يا قول وفعل وفعلأ انت على اسمك ;)

سعيد جدأأ بمشركتكـ العطره ...

[سعد بن مطلق المقاطي]

نويـت اخفـي مـا ابغـي النـاس يدرون= وأول ضحيه دريت ام العيالي


صح لسان ابو عبدالله

على هذي القصيده الغزليه الفكاهيه

وشكرا على النقل الموفق


لكن وترى الحقيقه كان تبغـون تـدرون ماصار كله مـن نسيـج الخيالـي