قادح شرار

[فارس القوم]

صباح الخير ياالربع

ابا اشفر قناوات الرسيفر واترك المرقاب = قناتا حبها من حب راعيها وراعيها
شجيعا من رجالا يحتمون الماقف الغصاب = وكم شعار يرفعها وكم شعار يرخيها

[قادح شرار]

أنت الهواجيس ما تصيد معك غير آخر الليل يا فارس القوم ... الله يهديك ...




صدوق ٍ يالذيابي ... مير في هاذي >> رجل كذاب = أعرّفك نفسك القشرا ... تبا تطمع تسليـّها

سواتك في توال الليل ... يمكر>> ثم يصك الباب = ويصبح بين الأقمار الصناعية ... مسرّيـها

[فارس القوم]

مرحبا ياالذيب
واستلم

علامك ياالثبيتي قمت تشتمنا وحنا اصحاب = لاكن اقصر علومك مانبا العربان توحيها
مدام الوقت صيف والمنيحه مالها حلاب = حراما من مراحي ياعرب لمحي مواطيها

[عبدالله الجـــذع]

سواتك في توال الليل ... يمكر>> ثم يصك الباب
ويصبح بيـن الأقمـار الصناعيـة ... مسرّيهـا

اتهاااااااااام


قاف يطرب

صحت السنتكم ياغالين

[فارس القوم]

اخوي عبدالله الجذع صح بدنك

ومرحبا مليون

[قادح شرار]

المعذرة يالذيابي في تأخر الرد .... مير أستلم يالغالي :




مزوووح ٍ يالذيابي ... يا صديقي سيـّد الأحباب = أعرفك شخص مسلم ... واللكاعه ما تسويها

مدام الوقت ربـّع ... شد حيلك وأبذل الأسباب = لا شفت القوم يمك طامعه ... روّح وخليها

[فارس القوم]

معذور
واستلم
استلم

اعرفك من رجالا قدمها ماتفتل الاشناب = وحنا اهل اللعانه واللكاعه ماندانيها
اباك تروح عنا لايجيك دقيق المشعاب = ترانا قد هجدنا القوم ابه من قاع اذانيها

[قادح شرار]

معذور
واستلم
استلم


اباك تروح عنا لايجيك دقيق المشعاب = ترانا قد هجدنا القوم ابه من قاع اذانيها


كفوووو ... خلااااااااص بعد هاذي ما عاد أكمل .... صح لسانك وأعتلا شانك ...


تحياتي لك ...

[فارس القوم]

صح بدنك سبقتني على الختام والله لايهينك

واعذرنا اخذنا من وقتك ياالغالي