وصف الجمس .. عند الشعراء

[فرهــودي]

يتطرق أغلب الشعراء خاصة أثناء الرد على القصائد أو عند الإخبار عن شئ ، في بداية قصائدهم الى وصف معين أما وصف الشخص الذي سيبعث معه القصيدة أو السيارة التي يذهب بها ودائما مايصاحب ذلك الوصف قوة في الأبيات وجزالة في الألفاظ .
واخترت لكم بعض التي اذكرها وفيها الوصف.

فمثلا يقول الشاعر الكبير كديميس العصيمي في بعض ابيات قصيدته الطويلة -التي رد بها على شاعر من مطير اسمه محمد بن جازع بن دله الصهيبي-.


ياراكب اللي شعار الجمس رمز(ن) له =جمس(ن) ِرجل سايقه ماهو يدانيها
جمس(ن) اليا حافه السواق ماملّه= واليا بدا بالمسافه تقل يطويها
فوقه عتيبي يعرف الدرب ويدلّه= مناطق الصنف والصمان محصيها
قطع الفيافي هوا باله وطبع(ن) له= دار يجيها صباح ودار يمسيها
معه الرساله ورشاشه صديق(ن) له =ولوازم الدرب فوق الجمس شاريها



وكذلك في قصيدة اخرى له رد بها على شاعر اخر من مطير اسمه شاعي بن سند يصف الجمس فيه ويقول:


ياركب اللي جاهز(ن) للمطاريش= جمس(ن) حمر كم طرشةً قد طرشها
عليه سواق عيونه مغاطيش = شايب ومبطي في عيونه غطشها
يمشي من الحوطه بوقت المغابيش = وعبا من اطرف شيشه من شيشها
وعدل رفارف موتره بالشواكيش= وتله على الخط الشمالي جمشها
واليا ترادى جريها قال ذا ليش؟= دبل لها ثم بالثلاثه نعشها
واليا ذكر له مركز(ن) فيه تفتيش = خريت كم من غبشةً قد غبشها
مجرب مسرى الغداري مع الحيش= ولو داس له بيضة حمّره مافقشها


وكذلك اخترت لكم بعض أبيات الشاعر الكبير بندر بن سرور العطاوي في الوصف
يقول بندر في أح قصائده:


ياهل الونيت اللي يبا مشغل البيب= مادك صدره بالخطوط الغزيره
يوم ايتخثع في محير الاداعيب= يشدي تخثع جادل في حريره
لايجربونه مايبا الفرت تجريب= قد جربه بالبيت الابيض خبيره

ويقول في قصيدته الرائعه :


لاوالله الاطولن بالوقوف = عيا ايحملهن خبيث التجارة
بفلوسها ياعبيد ماش معروف =متى نجي ياعبيد مع خشم صاره
ياراكب من فوق صافي البلوف= مقعد انبير الزيت نيم الحراره
فراق مابين القلوب الولوف= فرت كما وبل السحايب غباره



واتمنى من عنده أبيات فيها وصف معين أن لايبخل علينا بها .

وتقبلوا تحياتي،،


المتواصل معكم:
نسيم الليل

[النفاعي]

نسيم الليل فعلا موضوع شيق وثري
احببت اضافة بعض الابيات التي اعجبتني
للشاعر بند بن سرور الشاعر الذي واكب عصر وهو في بداية انتشار السيارات
في ذالك الوقت وفعلا ابدع في ذالك
يقول بندر
الله على اللي يوم يقتــــل عموده 000 يطلع ثري الارض ون بعد القيض ماها
لولا ثقيل الترس يرخي عضوده 000 شيهــــــــانة ترخي المتــــون لعشــــاها

وايضا

الايانديبي فوق فورد ورد من شرق 0000 على راس قيره للعليمي تعاشيقه
على بابه الايسر مكتوب نقل الطرق 0000 وعلى بابه الايمن تسهل طواريقه
اباالفي ديار كل ليل عليها برق 000 يمدي العشب في الادماث طالت به زماليقه

وسلامتكم

[الدلبحي]

مشكور اخوي نسيم اليل

على نوضوعك المتميز

واشكرك اخوي النفاعي على الا ضافه

ولكم فائق الاحترام والتقدير

[فرهــودي]

الأخ النفاعي:
يعطيك العافيه على تفاعلك مع الموضوع .. والقصيدة اللي ذكرتها لبندر رائعه جدا وكنت سأوردها مع القصايد لكن نسيتها ومن أعجابي بالقصيدة وقوة الوصف فيها ..سأذكرها كاملة .. يقول بندر بن سرور:
الله على اللي يوم يقتــــل عموده 000 يطلع ثري الارض ون بعد القيض ماها
لولا ثقيل الترس يرخي عضوده 000 شيهــــــــانة ترخي المتــــون لعشــــاها
عده على اللي مايدرهم قعوده 000من صار زيزروم المشاكل حماها
هم قل لابن درهه ايحضره شهوده 000للرفقه اللي باعها ماشراها
وقت ركض كلبه ونامت فهوده000مما تشوف العين طول عماها
المال سالم والوجيه معقوده 000برق لتيوس اللي تواما الحاها
راعي صلاة الفرض بين سجوده000وراعي غرابيل النمايم لقاها


الاخ الدلبحي:
يعطيك العافيه ..على تواصلك.




وتقبلوا تحياتي:
نسيم الليل

[راجي خير]

بندر بن سرور

الله على جمس (ن) قزازه مقسم #### مبداه حرف الجيم والسين منــهاه
سواقه اللي بالشماغ يـــــتلطم #### مكثر (ن) من البيض والنوم ما جاه
ما همه اللي بالجهاز يتــــكلم ####اللحجي اللي نص رجله مــــــحناه

[فرهودي]

شكرا لتفاعلك.. مع الموضوع
الله على جمس (ن) قزازه مقسم #### مبداه حرف الجيم والسين منــهاه

يازين هالبيت..

ننتظر المزيد منك..

اخوك فرهودي

[صـويب الرمـــش*]

ايضا يقول الشاعر تركي العتيبي؟
ياراكبن جمس(ن)جديد(ن) مجهز**** من وارد الممتاز اخر طرازي
يقطع تخاتيخ الفيافي ليـــافز **** يشبه زاروق البحر يوم نازي
سواقه لا بغى الدرب ماأهتز**** صليب رأي ولايجيه اهتزازي
صليب رأي وماكر العز في عز**** صليب رأي ولنواميس حازي

[فرهودي]

شكرا لتفاعلك...
وقصيدة رائعه..
من شاعر كبير..(تركي بن حباب العصيمي)
والقصيدة التي اوردتها .. ارسلها لكديميس العصيمي (واظنك تعرف القصه)
ورد كديميس اللي قال باوله
جاني كتاب بالمثايل مطرز ... من واحد ضاقت عليه الملازي
من ماجرى وده علي يتعلز .. لكن ماحصلت درب عزازي
الدرب بيني وبينه ملغز ... ولامعي في حل اللغوز امتيازي
وشكرا مرة اخرى لمشاركتك..


وان كان عندك قصايد لاتحرمنا..

اخوك فرهودي

[ابو وعيل]

مشكور اخوي نسيم اليل

وتفاااااعل جميل ....


تحياتي
ابو وعيل

[فرهودي]

شكرا على مرورك..

وحرصك..
اخوك
فرهودي

[صـويب الرمـــش*]

السلام عليكم
أخوي العزيز فرهودي شكراا على مرورك
وابشر بعزك بالقصايد الزينه ,وانت لاتبخل علينا لانه واضح انك ملم بالشعر وخاصتا في وصف السيارات ..... وشــــــــكــــــــرااااا
أخوك.. صويب الرمش**

[شيباني نت]

الله يعطيك الف الف الف الف عافيـــــــــــه
وجعلك من هالحال واحسن
نتمنى وبانتظار المزيد
اخوك شيبـــــــــــــــــــــــــــــــــــــــــــــــ ـــــــــــــــــــــــــــــــــــــاني نت

[فرهودي]

الاخ صويب الرمش:
شكرا لتفاعلك..
وابشر باللي يرضيك
وننتظر ابداعاتك

الاخ شيباني نت
الله يعافيك..
وننتظر تفاعلك..


اخوكم
فرهودي

[وثاب]

من ابيات الشاعر الكبير / رشيد بن زيد الزلامي


انا اشره على اللي يشري الجمس ويبيعه 0000 يكود حده حد من بعض الاحوالي


وانا ويش ابا بالجمس لو مراميـــــــعه 00000 ليا من هواجيس العشاء ضيقت بالي


ولاشفت صدري كاثرات مشاريـــــعه 00000وقامت هواجيسه تحده على الجالي


تنحرت به دوا تطارد جرابيــــــــــعه 00000 رفيق الرفيق اليا عطا العثعث البالي

[فرهودي]

يامـــــــــــــــــــــــــال العــــــــــــــــــــافيه
وتسلم على الابيات.. الجميلة
من شاعر كبير وكبير جدأً .


اخوك
فرهودي

[داهية عتيبة]

يقول الشاعر عبدالله بن جريذي الدلبحي في وصف الجمس من قصيدة لة طويلة :

يراكب ألي عايرو ماه والزيت ... جمس(ن) على البيبان فية المراية
وارد جميع ومن حفيزة تنقيت ... ومســاعــدة زودت طقــمــة عنــاية

وقال أيضاً:

راكـــب ألــي ماكتبة علــى البــاب ... ماسجلو رقم الحرس فوق بابة
مـــامـــرنــوة جيوب خبرة وكــتاب ... أليا ضوا الجندي عريفة سرابة
مــن الوكـــالة مايســـجل لجـــلاب ... شيك علية ودخلـو في حسابـة
أليناشة الثالث تمرقص كما الداب ... ما يحمل السواق همة خــرابة

[شيباني نت]

يا وثاب هذي وين طحت عليها
مبطي ماقريتها
والله يسلمك على هالاختيار الممتاز
وانشالله للافضل
مع تحيات شيباني نت

[وثاب]

اخوي شيباني والله والنعم


القصيده هذي بالاضافه الى قصائد قديمه كلها مسجله في اشرطه لابو جميل

رشيد الزلامي

الله يطول عمره

[فرهودي]

الاخ داهية عتيبه:
تعجبني مواضيعك ويعجبني تفاعلك..
ماشاء الله عليك..

شيباني نت وثاب :
ننتظر المزيد منكم..



لي عوده في الموضوع ....

اخوكم فرهودي

[فرهودي]

وهذه كذلك قصيدة للشاعر الكبير..
عبدالرحمن بن عبدالواحد بن خميس الفرهود الاسعدي..

يقول (دحيم):



ياراكب اللي دعسته ماتبي رص = بنز مليح الشكل لونه رصاصي

توه جديد ومطلعينه من الفحص = يتكي على اليايات من دون شاصي

برسل به المكتوب والشرح والفحص = يم الكويت ولابن قحطان ناصي

بعطيك عن حالي كتاب ملخص = ما صار به زودٍ ولابه نقاصي

وشلون خلي صار وصله على عص = وحكم علي بالحب حكم القصاصي

أنا من اجل ارضاه اداريه واحرص = وهو على امري ياعلي صار عاصي

من حب محبوبي عجزت اتخلص = نوبٍ قريب ونوب ياعلي قاصي

واريد راي اللي فهيمٍ ومختص = كودك تسبب ياعلي في خلاصي







اخوكم فرهودي :rolleyes:

[شيباني نت]

ياراكب اللي دعستـه ماتبـي رص بنز مليح الشكـل لونـه رصاصي
رديتها في البنوز
يا فرهودي
قصيده جيده



شيبـــــــــــاني نت

[فرهودي]

شيباني .نت
شكرا .. لتفاعلك..

اما مسألة بنز فهي عشان نزيد التفاعل.. مع الموضوع لا اكثر..
وان كان عندك قصيدة لو عن عراوي ولا ددسن :D
لاتحرمنا منها..

اخوك فرهودي :rolleyes:

[وصل العطياني؟؟؟]

يعيطكم العافية ياعيال العم ...

ماشاء الله هاوين جموس ;)

من أروع ماقيل في وصف الجمس ....

هي قصيدة الشاعر : ناصر الفراعنة

حتى وإن كان خرج في نص القصيدة عن المألوف ....

وأسهب في التوصيف ...


لكن من أروع القصائد...


:: القصيدة لا تحضرني :: :o





تحيااااتي.

[ربعي عتيبه]

الله على جمس (ن) قزازه مقسم #### مبداه حرف الجيم والسين منــهاه
سواقه اللي بالشماغ يـــــتلطم #### مكثر (ن) من البيض والنوم ما جاه
ما همه اللي بالجهاز يتــــكلم ####اللحجي اللي نص رجله مــــــحناه

احب انوه ان هذه ا لابيات ذكرت فالصحفه الاولى من الموضوع ونسبة لبندر بن سرور وهذا غير صحيح .

أعزائي من الخطا ان نشوه صورة شعرائنا ببعض الابيات الملفقه عليهم



تحياتي لك يا صاحب الموضوع

لاهنت

[فرهودي]

يعطيك العافية اخوي الغالي داهية عتيبه..
على التنويه..
واتمنى التثبت... من الاعضاء بشأن القصائد.

اخوكم فرهودي

[العديم]

اخوي المبدع فرهودي
اذا ماعليك امر اذا ممكن تنشر لنا قصائد لكديميس كامله
وتحياتي

[العديم]

هذه القصيده لشاعر المبدع/فارس بن مقبل العصميمي التي تطرق في اخرها لوصف الجمس

والله لا أخزم القاف وأخـرز iiبعلبـاه وأطوّعـه وأصخـر نـوادر قوافيـه

طار الكرى من موق عينـي iiوخـلاّه بأسباب من يسنـد عليّـه iiمشاكيـه

وشلون أنام وعيـن عامـر iiمشقّـاه يحرم علـي النـوم حـرم iiالمكاريـه

قم هات يامشكـاي للحفـر iiمسحـاة ثم شق مشقوق الحطب لين تسويـه

واردم من خشوم الغضى لين iiتمـلاه وأقدح بزندك فوق صـوّان iiيوشيـه

يعجـب سنـا نارالدجـى iiلاشعمنـاه يكشف سناها الليـل ويـدل iiساريـه

وليا تسـارج جمرهـا مـا iiأتحـلاّه إلا جنيهـات الذهـب فـي iiمثانيـه

قلّـط لهـا صـفـة دلال ٍ iiمـراكـاه فيها مـن البـط المحاديـب iiتشبيـه

زودٍ على الخمـرة مزلّـه iiومصفـاه صهب ٍ وقيد النـار دايـم iiتصاليـه

وأقرب لحيد النار وأسحـب iiجثايـاه في كفـك الملقـاط للجمـر iiحاسيـه

وأحمس لنـا بريـة ٍ فـوق iiمقـلاه قانونهـا لازم علـى الجمـر iiتقليـه

بريـة ٍ خـولان مـابـه iiمــراواة بـن اليمـن تـوك بيمنـاك iiناقيـه

أحمس على جمر الغضى وأجذب أدناه من خوف لاتحرق طرفهـا iiبصاليـه

وليـا تغيّـر لونهـا ريحهـا iiفــاه وبش العرق كـن الجواهـر iiلواليـه

أضرب بها وسـط المبـرّد iiمساقـاه تبرد وشهلهـا عـن القـاع iiتنفيـه

ودن النجر خلـه يجـي لـه iiمـلالاه يقلـط علينـا جارنـا يـوم iiيوحيـه

ثم دقهـا دق ٍ يجـي بـه iiمسـاواة دق الظريف اللي بسحنـه iiيساويـه

ولقّم وركّبها علـى الجمـر iiتصـلاه وماها يجـول ببنهـا ليـن iiتوحيـه

ماهـا قـراح ٍ جاهلـيـة ركـايـاه من حلو ماهـا للشفـة دوب iiنرويـه

ولاقمت تسمع فـي حشاهـا iiمناجـاه مع فوحها ترفـع غطاهـا iiوترخيـه

مركوبها كنك عـن الجمـر iiتجـذاه من شان يركد حبرها حـدر iiصافيـه

وفي جنبك القطمة على الهيل iiموكّـاه ينعشك ريحه يـوم تطلـق iiعراويـه

هيل الحبش من سوق نجران iiجبنـاه مع بن خـولان ٍ بصنعـاء iiمجانيـه

وليا سحنت الهيل في وسـط موجـاه كـتـه بقـاعـة دلـتـه iiلاتثنّـيـه

ثـم زلهـا فوقـه بسلـم iiالمـداراه فـي جـوف بغداديـة ٍ كنهـا بيـه

وأجذب لها من طارف الجمر iiمجـذاه وليا قلب في جوفهـا فـوح iiيكفيـه

ثم صبها بفنجـال صيـن ٍ iiحسينـاه واعرف مقايس صبته خوف iiتمليـه

إذلق لنـا مـن جوفهـا ماعشقنـاه نعرف شروط صناعته قبـل iiنشريـه

لونه تقول خضـاب بنـت ٍ iiمخفّـاه الجـادل اللـي كنهـا بكـرة iiالتيـه

لاشم ريحه عاشـق الكيـف iiيشعـاه ولا شفّه المضرم على الكيف يشفيـه

الكيف تصحـي روسنـا iiلاشربنـاه وحق ٍ علينا قـاف عامـر نقهويـه

كيف الجدود أهل المكـارم iiحفظنـاه نمشي علـى سلـم الوفـا iiمانخلّيـه

من عقبها تـو الهـدف زان مرمـاه تو زان نيشانه علـى عيـن iiراميـه

يامرحبـا بقـدوم قـاف ٍ iiقريـنـاه قـاف ٍ يشيّـب يامـلا راس iiقاريـه

من رأس نشمـي ٍ عزيـزٍ iiحشمنـاه يبشر بحـق العانيـة عنـد iiعانيـه

من رأس عامر مسنـدي iiلاعدمنـاه قافـه جزيـل ووافيـات ٍ معانـيـه

أقبل مثل سيل ٍ تحـدّر مـن أعـلاه سيل الخيال اللـي حقـوق ٍ مناشيـه

ضوى من القبلـة لركبـه iiمضاهـاة تضحـك مقاديمـه وتبكـي iiتواليـه

وسيّل جميع اللي على الدرب وأسقاه وليا أنتحى سيل النحى مـن iiيناحيـه

بكتـب بدمـي رد قافـه iiومـغـزاه وأسحب شعوري من فوادي وأغذيـه

القلب لأجل عيـون عامـر iiمزعنـاه لوهـو ذبيحـه عندنـا iiماتعشـيـه

حتـى مـرد رسالتـه يـوم iiيقـراه يدري بقـدر رسالتـه عنـد iiمغليـه

يوم أتذكر وصـف عامـر iiوحليـاه مثل العديم اللي على الكـف iiراعيـه

مشمّـر السيقـان مستبـرم iiنــاه وجمر الغضى في حجر عينه iiتلاظيـه

متشطر ٍ صـدره عريـضٍ iiمثنـداه ومناكبـه مثـل المدافـع iiتبـاريـه

مخالبـه شلـف ٍ حــداد ٍ iiمثـنّـاه والبوز سيف ٍ خالق الخلـق iiحانيـه

من معتلى الهامـه ليـا حـد iiماطـاه ما أحد ٍ نقل مثله ولا أحـد ٍ بقانيـه

طلعه بعيد وحاجـز الخـوف iiعـدّاه يصعب على كـل النـوادر iiتجاريـه

حر ٍ عديـم ٍ تطـرح الصيـد يمنـاه كفـه بدمـان الحـبـاري iiمحنـيـه

ياطيب حظ اللي على الصيـد iiنـاداه دايـم وطلعـه للثـريّـا iiمرامـيـه

ياعامـر المرقـاب لـولاه iiلــولاه لولاي أفرج ضيقتـي يـوم iiأعديـه

لا أصيح مثل اللي نقـل داه iiبـرداه وأكبـر طبيـب ٍ فالبلـد iiمايـداويـه

ضلع ٍ طويل ويرفع الـرأس iiمرقـاه ينعش هواء راسه وتـذري محاجيـه

يعيش رأس اللي تعب فيـه iiوانشـاه وتنشر له البيضا وتشكـر iiمساعيـه

ذاك العديم اللي على الطيـب iiمبـداه يعـز صدقانـه ويغضـب iiمعـاديـه

خلـك بمرقـاب السـعـد iiلاتـعـدّاه ورجـم الثعالـه يزبنـنـه iiثعالـيـه

هـذاك وقـت اللازمـة iiلاتنـصّـاه خسران من علّق عليـه iiالمشاريـه

فهمـت مقصـودي وردي وفحـواه قد قيل من لايعرف الصقـر iiيشويـه

وديك القطين اللي يعاعـي iiمعاعـاة إن حدنـي والله لا أتلـه iiوأذكـيـه

مهـوب يحمـل كفنـا iiلاصفقـنـاه وأزعج جميع أهل القطيـن بهذاريـه

وياعامر المسحور مـن قـو iiبلـواه السحـر واضـح بينـات ٍ مواريـه

بغى يـروح بصاحبـه والله iiأنجـاه مادام جاء منهو عن السحـر iiيرقيـه

أعرف ضروب السحر وأفهم iiخفايـاه وجربت دور الوقـت مـره iiوحاليـه

وسحرك هذا مجنـون طيّـار iiتلقـاه في كف من يركـي بقلبـك iiمكاويـه

أكيد مابـه شخـص غيـرك iiتحـلاّه ولا أحد ٍ طمع في شوف جرة iiمواطيه

حاولت أدور لك مـع النـاس حليـاه ونشرت في كـل المحطـات iiتنويـه

ويا للأسف ما أحد ٍ تحلّـى iiحلايـاه ربي من أنظـار المخاليـق iiحاميـه

حـدد مكانـه ياحزامـي iiومخـبـاه وأبشر بمن يكسر محاجـي مخابيـه

لوهـو محاصـر لاعزمنـا وصلنـاه على الشرف نكسر حصونه iiونحميـه

على النقاء درب الخطـا iiمامشينـاه وراع البرابـس والدنـع iiمانخاويـه

إن كانهـا بالمـال فالمـال سقـنـاه وإن كانها بـأرواح بالـروح iiنفديـه

وعقـد ٍ بياقـوتـه ودره iiنظمـنـاه ربحان من باعه و لاخـاب iiشاريـه

الـواجـب الأول عليـنـا iiكتبـنـاه والواجـب الثانـي علينـا iiنـوديـه

وأطرف شنب مـن لابتـي iiبتعصّـاه سيف ٍ يشوقك في يميـن iiمتعصّيـه

نـوادر ٍ علـى الجمايـل iiمـضـرّاه مامنهم اللـي يعتـذر يـوم iiأناديـه

وناديت أبن سامر زبـون iiالمخـلاّه عبدالله الناصر عمى عيـن iiشانيـه

ثم فز أبو ناصر عسى النـذل iiيفـداه وأول جوابـه بيـن سعـدك iiولبّيـه

[وعطيته المظروف باللـي iiرسمنـاه معه السويك ومخزن الجمس iiماليـه

وقد قالـوا الشجعـان شعـار iiورواة أرسـل حكيـم ٍ فالطلـب iiلاتوصيـه

[وركب على جمس ٍ يشوقك بممشـاه كنك علـى قطـع المسافـات ناخيـه

ليا وقف شيخ ٍ علـى جـال iiمركـاه كـل ٍ يبـي قربـه وخدمـة iiمعاليـه

وليا مشـى عقيـد قـوم ٍ iiسرايـاه تنفـذ إيعـازه وترجـي iiحسانـيـه

اللـون صخـري كامـلات ٍ iiمزايـاه أربع ميـة شوفـك يحقـه ويخطيـه

كنك على طـوي البسيطـة iiتحـدّاه يخسر جميع اللـي بمشيـه iiيماريـه]

]يوصل غريب الـدار لأبعـد iiقرايـاه اللي مـن الفرقـا عيونـه iiمشاويـه

نعم الصديق بساعة الضيـق iiتلقـاه كنك علـى حفـظ الأمانـه iiموصّيـه

دزه يا أبوناصر عسى الـرب iiياقـاه وأدعس مجسـة غاربـه iiلاتداريـه

وليا وصلت لرأس علمـي iiومنهـاه بلّغ سـلام ٍ فاخـر الطيـب iiكاسيـه

وأبشر بترحيب ٍ على الكبد ما أحـلاه والعود الأزرق والشبب مع iiقهاويـه

وقدم له الدعـوة مـع الـرد مهـداة وحنا بنـي عمـه وربعـه iiوأهاليـه

يزورنـا فـي دارنــا iiونتحـفّـاه يشوقنـا شوفـه ونفخـر بطـاريـه

والمعـذرة فالـرد طـال iiودبلـنـاه والعالـم الله قصدنـا بـس iiنوفيـه

[فرهودي]

الاخ العزيز العديم..
شكرا لتفاعلك.. الرائع..

بالنسبة لقصائد كديميس
اعتقد ان العضو المبدع داهية عتيبة طرح موضوع فيه الكثير من قصائد شاعرنا كديميس العصيمي حفظه الله لزيارة الموضوع اضغط هنا (http://www.otaibah.net/m/showthread.php?s=&threadid=8696)


أما ان كان تقصد القصائد في مطير وحرب والعوازم ..
فلا داعي لنشرها لإزالة الحساسيات والعصبيات ..

ونحن في هذا المنتدى نسعى لأن نعكس الصورة الحقيقية
لقبيلتنا التي يراها من هم خلف الشاشة وذلك بالمصداقية ، والطرح الجيد
والمفيد.


اخوك فرهودي

[فرهودي]

لكم مني.. هذي الابيات للشاعر كديميس..



ياراكـب اللـي للعباعيـب جــذاب =فرتٍ على اول طلعتـه مـن كراجـه
لانحنـا الخـط التـوى كنـه الــداب=واسبق من الصاروخ وقـت انزعاجـه
فوقـه غــلامٍ للمهـمـات لــولاب=معايشـن بقـعـا بـعـدل وعـواجـه
يلفـي لقـرمٍ للمواجـيـب قـضـاب=يفهـم طريـق المرجلـه وانـدراجـه
لا شاف وجه قـال حيـه ومـا جـاب=يقـوم بالواجـب علـى كـل حـاجـه



فرهودي ;)

[مرزوق الجعيد]

ياراكب الي صممته الولايات=الي مريكا في المصانع تصبه
تصميم شركة كرخان الخواجان=وموردن من نينيورك ومصبه
اكبر مكينه صقطت للونيتات=خمسه صفر واحد ودبه ودبه
ما يدخل الا عن طريق الوزارات=ومديرها وقع وعاهد للربه
صدفه دخل بالواسطه والحيالات=ثم قيل يا سواق اخذه وخبه
بالجدول السري دخل بالوساطات=حتى سبيراته تجي في سطبه
ساعت فتح بابه عطوه السوتشات=شغل اليا الما مع قزوزه يكبه
قام يتلفت وش تقول القزوزات=لا هي تقول ابغيك ماما وببه
وقام يتلفت وش تقول المرايات=لاهي تقول اصويحبك وين مربه



للشاعر\سعد بن جدلان


واعذرونا على التقصير وربما هناك نقص او تقديم وتاخير ابيات بالقصيده ولكنهذا ما يحضرنا

وسلامتكم




اخوكم مرزوق الجعيد

ابو نواف

[ضيف عتابه]

الاخ فرهودى استلم لاهنت قصيدة لابن عبار عبدالله فى وف الجمس


ياراكب اللى عارف (ن)مبلغه بيش====عزاه للمفلس يمره على ماش
مايشتريه اللى امورة تناويش ======متعند راعيه يبغى الثمن كاش
مازاودوبه بالحراج المغاشيش======ولا دخل التصليح فى وسط الاوراش
جديد ما تلقى ببديه نقاريش========تو البواخر حولتبه من الطاش
جمس حمر مايستوى للدراويش=====يجوز لغلام(ن)نصوب وبناش
بطران مايدرى على الجمس حتيش===لو كان قدامه بطانيج واحراش
كنه غريق(ن)شافق(ن)لقطت القيش==والا سكير(ن)شارب(ن) خمسة اغراش
ولا تقول مهرب بالطلب حيش =====حمله حشيش وراكبه تقل حشاش
حدوه من لبنان حمر الطرابيش====واقفى معيف بتالى العمر منحاش
اربع مفارز بين جندى وشاويش===والكل منهم قام يصلاه رشاش
اقفى معيف ولا تفيد البخاشيش===يب تنصى اخوات صيته بالاوباش
يهوى مع البيدا كما ناقض الريش=او مثل جول(ن) للثميلات عطاش
ويلمع كما لمع المزون المراهيش=اومثل عبرود(ن) تولاه نتاش
ويسرى كما التيار لاركب الفيش او مثل لمحات المصور بالافلاش

والقصيدة اطول من كذا وتقبل تحيات اخوك ضيف عتابه

[شيباني نت]

تسلم والله
ياضيف عتابه
قصيده جزله


اخوك شيباني نت

[فتــ الجمش ــى]

في غير هالقصايد واجد قالوها شعراء عتيبه دلابحه وغيرهم دورها وتلقاها



على العموم
مشكور على هالابيات|4||4|

[عجاج الليل]

هذي مشاركه لكم ياشباب

شغل السفتي مرهياً في لحوقـــه .. ما درى ان الجمس وارد بهبهاني
فوقه ابن حميد ومحيسن يسوقه .. احمراً قد ذاق لوعات الليالي

[الفراهيدي]

الله يعطيك عافيـــــــــــه

وجعلك من هالحال واحسن

نتمنى وبانتظار المزيد

[الامير]

وهذه القصيده لشاعرالكبير .. (( سعد بن سلطان الرخيمي ))







ياراكب من عندنا جمـس(ن) اسـرد=
جمس(ن) جديـد ولاوطتـه المكـده
اليا دعسـت اسليتـره تقـل يطـرد=
اقفى تقـل خفـر السواحـل تحـده
كنـه مهـرب والمهـرب مـهـدد=
بالقتـل تابيـد السـجـن مايـسـده
حمل على الماخوذ حشيش(ن) اسود=
فعله قبيـح ولابـه احـد(ن) يـوده
و عليـه قـوات السواحـل تشـدد=
وتنطحـوه بسهلـة(ن) مجـرهـده
عطوه فيها حول خمسـة عشـر رد=
وتله يبي من حيث مـا جـاء يـرده
كبس لبنصه واحتمى العلـم واشتـد=
واللـي بطبلونـه نبـيـره يـعـده
و يوم استواله نابي الحزم الاجـرد=
روح حلال القـوم محـد(ن) يـرده
ويوم ارهوا انه راح ماعـاد ينـرد
جات الاوامـر بـا حرقانـه بشـده
وعطوا خبر لمسـدد الرمـي سـدد=
وخبط على الأخمس وهـزه ومـده
وقام أيتصرم .. ماصه الموت الجلد=
شعال ويشوفـه و مـن عنـد خـده
يصلاه بالرشـاش قـرم(ن) مسـدد=
هـذي هفـت دونـه وهذيـك قـده
وقام يتعزوى يـوم صـارت معانـد=
وتـسـاون الثنتـيـن مـاعـاد وده
و صكه بثالث وانتهض فوق وإرتـد=
والويل كـز و فـز و الحـزم قـده
ولا لحم البنزينـه بثالـث وصـرد=
و عده يطير من الحزم فـوق عـده
و رقوه إلى تسعين كيلو ورا الحـد=
مع سهلة(ن) حذف المرو فوق شـده
فوقه شجاع امورد الخـال والجـد=
وعليه مـن وقتـه محفـه وضـده
ماهو براعي شين .. لاشـك محتـد=
والوقت .. له على المناعيـر صـده
قليل مال ويطلبـه هيـس(ن) اربـد=
قبيح وجـه مـن الوجيـه المصـده
افقم فم(ن) ناشف طويل(ن) مجرعـد=
قابة فمه(ن) قرو(ن)ٍ قبيح(ن) مـرده
انخش عور .. وجهه من اللحيه اجلد=
هيس(ن) ليـا أبنـد عمـى ماتـرده
والمال ضربـة مـال مـا ينتقاصـد=
والـلاش عـذره بالوفـا مايـسـده
مهمـا تعـذر مايفـيـد امتـمـرد=
و الاجـودي .. عليـه مالله يحـده
و حده حداه الله علـى غيـر مـاود=
والا علـى ماصـار ماهـو بـوده


الامير

[الامير]

حييت ياجمس اجداد مشاريه = عبارتين بإمية الف شريناه
اربع مئه وخمسين من عند اهاليه= اخر مديل بعالم الشرق عزاه
حالف حرام اني لسوقه واعديه= يوم إن ولد امه قصر ماتهقواه
جمسٍ الى شفته اعزالك تقهويه= ياطيب طيب القهوجي كان قهواه
تقول معزومٍ لحفلة سواريه= جاك إمتشيك وإمتعطر ومحلاه
سواه لطوال الشوارب إمسويه= ولايركبه ياكود حامي حمياه
حر ٍ كفخ من روس عالي مباديه= قرمٍ تلطم واشقر الكنت طفاه
ياليت راع الجمس يومه يسميه= على اسم عنتر وإلاابو زيد سماه
حيثه شنب يستاهل المدح زاهيه= ملعون ابو من لاقمز له وحياه
من حشمته مركبوا اهل الدلع فيه=ولاسوقوه اولاد دادا إوداده
ولاساقه الخكري ولااحمر عتاريه= وبنات العليا ماتعلن زواياه
والجمس احبه حب غالٍ إلغاليه= حبٍ عضيم حب نمر ٍإلوضحاه
من حشمته لجيت اسافر اماليه= ولاخلص المشوار جيت اترظاه
واشيب عيني يوم اجيله واماليه=مثل الذي وسط الخلا شاف لاماه
خطرٍ الى ناديت يقول لبيه = ومن دون سايق يشتغل من وراء داه
هو ميتٍ فيه وانا ميت فيه= لوهو جديد احب شوفه وطرياه
لقمت المس فوق بديه وادريه= بلاشعور قمت ادور شفاياه
ليته هنوف لجل اضمه واداريه= اشرب وامزمز من حلاوة ثناياه
حالف يمين اني لابيه ولا اهفيه= لوربحوني بالف الف إ مدلاه
يوم الردي يبيع صاحبه بجنيه= والله مابيعه دامه ام الطلي شاه
حتى وانا بالمسجد الفرض اصليه= ادعي الجمس ياعسى الخلد مثواه
وان كان عني راح ماني بناسيه= كود البدو حب المقاطين تنساه
تحرم علي نوره حرامٍ مقفيه= وتحرم علي البيض من كل منحاه
ياوين اباالقالي حريصٍٍ واوصيه= لاغبت عن جمسي يزوره ويرعاه
في ذمتي يبغالي الروح لفديه= هوملته عمر المعنا ومخباه
ومن جلدي الباليه لوقي سماريه= ومنهو سعى للجمس ماخاب مسعاه
يالايمي بالجمس غادي وسفيه= بلاك ماشفته ولاشفت حلياه

الامير

[مرزوق حمدان العتيبي]

..
الله لايهينكم..
مشاركات رائعه ..

[هلال الدوادمي]

ماعاد لك ياجمس في خاطري كرت من يوم ساقوك الغشم والوراعيـن

انااشهد اني منـك عزلـت دبـرت ماعاد اطالع فيك ابطـارف العيـن




ا لجمس




الله واكبر يالدليهي تكبـرت خليتني شفقن بركب السيادين

ماهو بحق اليوم عني تنكرت تلعبي الورعان وسط البلادين




ا لدليهي




جار الزمن ياجمس فيك وتعثرت ولانسيتك يـوم جمـع المحبيـن

واليوم روح كنك اليوم ماصرت لاصار وقتك يجمع الزين والشين



الجمس




اذكر زمان فات كانـك تذكـرت حكمك علي حكم الرجال السلاطين

اسرفت فيني يالدليهـي واسرفـت اسرفت بي سرف اليهود بفلسطين




الدليهي




فكرت في مافات ياجمس فكـرت عديت نفسي من حساب الخباليـن

كم مرة ضيقت صدري وبنشـرت والناس ماتاقف على الدرب ماشين




الجمس




كم مرة فيهـا زعلـت وتكـدرت وسريت بي فالليل والناس ممسين

في مطلبك يالخالـدي ماتعـذرت رفيق صافي لك على العسر واللين



الدليهي




هيهات كم مره علينـا تبعثـرت وكم ورشة فيها مضالك اسبوعين

هذي طبوعك كلهـا ماتغيـرت غربلتني وذهبتني دين في ديـن




الجمس




يعني خلاص تقول يالخالـدي بـرت يوم انزلـوا بالمـدن كـل البداويـن

ياما وردت العد وامـرار صـدرت على الوعر تعشيق من ثالث اثنيـن

وسط الغماره مـع وليفـك تخـدرت وبدر الغريب يجاوب الصوت صوتين




الدليهي




يالعنبوك اسكت تراني تفجـرت وكل العلوم الماضيه جبتها منين

خلاص انا قررت شاريك قررت وكل السوالف خلها فيك بعديـن

بذبح بدل حلفي كرامه وكفـرت و الناس لوتزعل اناوانت راضين

تمشي بي الدنيا وانا ماتطـورت ابيع واشري جمس خلفه قزوزين

الله الله بالتنسيق ياشباب الله يعطيكم العافيه

[سعيدان]

هلال الدوادمي صح لسااااااااااااااااااااااااااااااااااانك وبيض الله وجهك





قصيدة وحوار رائع جدا




تقبل سلامي








اخوك سعيدان

[كاتب صحفي]

شكراااااااااااااا