يـ الي غرامك مثل عويةذيب ... كل مابغيت أغفى تصحيني .. بندر المحيا ..

[عبدالمجيد النفيعي]

بسم الله الرحمن الرحيم

حبيت أنقل لكم قصيده لـ الشاعر

http://images.google.com.sa/url?q=http://www.shathaaya.com/poem/folders/0096/y.jpg&usg=AFQjCNG5QBkXTsfs9mJvhbLmwQuBFQfYOg

بندر المحيا


لو ماجمعنا الياس والتغريب
.............. هربت عن وجهك ورى سنيني!
لو قلت لي ب اجرحك قبل اتغيب
................... جرحت قلبي عنك بيديني
جرحتني هاذي مْا فيْها طيب
............. الطيب دميّ .. وانت مخطيني!
غيرك رماني بالخطا ويصيب!
.............. والا انت تخطي يوم ترميني!
وراي من بعض السهام اهيب!
................ والله ما اخاف الا من يْميني
ياللي غرامك مثل عوية ذيب
................. كل مابغيت اغفى تصحّيني
انا السجين اللي لقى التعذيب
............ في صمت عينك ، وانت تحكيني
ليه المحبة في عيونك عيب
................ لاصار عيبك هو نظر عيني؟
أحترقت الاعصاب قبل آشيب
.................. وياليت نار الياس تدفيني
ولااجل اتعيّن الك اذا بتغيب:
................... اترك مسافة بينك وبيني
مقدار ماهبت بريحة طيب
............... ريح ، وتلّفت الك من حيني!
انا جريحك والجروح اتطيب
................. ولاعاد تجرحني وتبكيْني
مااصدّق الكذاب فالتكذيب
............... والصدق من كذاب يعنيني!
وعدوّي أحياناً تراه صحيب
.............. واصحابي احياناً تعاديني !
اودي الهقوة عبث واجيب
.............. وهي عبث .. صعبة توديني
لاصرت ناوي فالهجير اتغيب
.................. اترك
......................ظلالك
............................بينك
..................................و
.....................................بيني!


منقول من موقع الشاعر

[عبدالرحمن الهيلوم]

الله يوفقك دنيا واخره

وصح السان شاعرنا المبدع (( المحيا))

[عبدالمجيد النفيعي]

امين أخوي عبدالرحمن وعسالله يوفق الجميع

ومشكور على مرورك ياإبن الهيلا البار .. عبدالرحمن الهيلوم ..

[محمد العتيبي]

لاهنت ياعبدالمجيد على الجهد الرائع ..

وصح لسان الشاعر المبدع ..

تحيتي
...

[عبدالمجيد النفيعي]

الله لايهينك يامحمد

مشكور عالمرور الطيّب

وإذا ماعليك أمر يا محمد تعدل بالعنوان تقدم كلمة ذيب:)