لغز شعري

[شجاع]

يامن يعبر ويش جملة رياجيل ******** تجمعوا في بطن بنتاً جميلة
تبا الصراحة كلبوهم حلاحيل********* قسمين كلاً ينحدر من قبيلة

[شجاع]

ما فيه ولا رمعة الضاهر ان المشكلة في اللغز (ماهو على قد المقام)

[راع الاخبار]

لاتستعجل الجماعه ثقلين شوي

الصبر عليهم
رايح يجيك طحطوح ويحل الغز على مهلك

[وثاب]

عندي رمعه

مهيب الخيمه


وعمدانها

[شجاع]

مالك لوا يا أخ وثاب

[مظيع بلنتي]

هلا بك والله يا شجاع الحجازي
ياحبنيلك والله انت ولغازك الي
تفتح النفس لرمع من غير قصور في الموجودين
انا عندي رمعه وش رايك في قبيلتكم يااا عتيبه
فيها ولدين(( برقا & روق))
ياطيب رمعتي ياشجاع لاتخيب املي في الرمعه

اخوك (ولد يلنتي)

[فـــــارس]

منتدى الهيلا

[شجاع]

شكراً يا مضيع بلنتي الله يعطيك العافية على مرورك ومشاركتك بس أعد تنفيذ ضربة الجزاء مره ثانية وإذا ضاعت نبي نطلع الحارس على شأن عيونك .

الأخ فارس شكراً على مرورك حاول مره أخرى

[شجاع]

1- اوضح
2- أحله
3- اتركة كما هو
4- اقترحو انتم

[الوجيه]

ان كان ماهي بالكف والاصابع
حله النا ههههههههه

الوجيه

[شجاع]

مالك لواء الكف والاصابع

[شجاع]

يامن يعبر ويش جملة رياجيل"="تجمعوا في بطن بنتاً جميلة
تبا الصراحة كلبوهم حلاحيل"="قسمين كلاً ينحد من قبيله

شف موترك قدام لا يمسي الليل"="وأن ماعرفت الحل دور دليله

[الشهم]

اخوي شجاع
السلام عليكم
عندي رمعه مهيب البساتم وسط المكينه او اسلاك البواجي

وتقبل تحياتي

[شجاع]

البساتم مالك لواء يالشهم وتراك قربت لا تروح بعيد عن السيارة ولا تدخل جوا يعني تحمطر على السيارة لين تلقى الموضوع كل السالفة لفتين ثلاث هروله على السيارة

[الوجيه]

ماهي البواجي !!
نبا نجيب لك السيارة كلها ههههههه

[شجاع]

البواجي يالوجيه مالك لواء

[الشهم]

اخوي شجاع
السلام عليكم
عندي رمعه مهيب العجلات (الكفرات) او البيبان
وتقبل تحياتي

[شجاع]

البواجي غير صحيح قلنا لف على السيارة ودور رياجيل متجمعين في بطن بنت
يالله بسرعة هرولة تراك بتلقاهم في جهة ويطلعون لك في جهه أخرى

[الــوآفــي]

القير وتعشيقاااته الست بعضها فوق وبعضها تحت


محاوله

[شجاع]

(العجلات) (البيبان) (القير)
مالكم لوا جميعاً

[صـويب الرمـــش*]

اخوي شجاااع ماهي بالمسامير حقت الكفره والصواميل وكلهم مجتمعين في بطن الكفره والجنط سوى
تكفى قل تم

[شجاع]

صويب الرمش تفكيرك سليم جداً ولاكن
هل الكفرة جميله؟
هل الصواميل والمسامير كلهم رياجيل؟
هل المسامير من قبيله والصواميل من قبيله ولا كلهم حديد؟
بعد هذه الاسله بقول مالك لوا والله اني وضحت واجد عجلوا ولا فليت الشريط

[صـويب الرمـــش*]

اخوي شجاع هالمره الرمعه اكيد صح
اذا ماخاب ظني انها لوحة السياره والحروف والارقام
طلبتك قل تم

[شجاع]

صح السانك وبيض الله وجهك بالفعل هي لوحة السيارة والارقام والحروف
بس تكفى علم الشهم تراه يلف على السيارة له أسبوع الرجال تعب قله كما كنت

[صـويب الرمـــش*]

اخوي الشجاااااع , صح بدنك
وجهك ابيض ووجه كل من يقراء اللغز وابشرك لفيت الموتر لين انقلب مخي
وماقصرت صحيح لغز مليان,,,,((( ياطيب راسك))) خليت الريجيل يلفون لين يدوخون

[شجاع]

شكراً لمن حل ولمن رمع ولمن قراء

[البسام]

الاخ شجاع ماتكون القبايل
والقسمين .عدنان وقحطان
وسلامتك

[شجاع]

انحل اللغز يالبسام وانا اخوك راجع الردود