سعود الدماسي عليك الطلب؟؟؟

[نايف بن ملحق الثعلي]

مرحبا ترحيب مثل الهيل فوق الشاذليه= افتخر في منتدى ربعي عتيبه تاج راسي
الوعد قدام والذمه من الذمه بريه=يا الدماسي شد حيلك مانبا غير الدماسي

[ابراهيم الزراقي]

صح لسانك والله يعطيك العافيه فعلاً بدايه قويه وموفقه
وبنتضار الدمااااااااسي

[سعود الدماسي]

البقا بك يالمرحب عد همال ابرديه=والفخر فالعزوه راسيه مثل الرواسي

الوعد قدام والحسنه مانجزها بسيه=والبحر اكبر مصيبه كان ماتلقى مراسي

[نايف بن ملحق الثعلي]

بنت ابو زيد الهلالي فا اخر الدنيا شقيه=راحوا اللي وقفوا من دونها والوقت قاسي
الله اكبر يا الشداد اللي على وسق المطيه=دونه الموت الحمر واذكرك لن كنت ناسي

[نايف بن ملحق الثعلي]

ابراهيم الزراقي

صح بدنك ومشكور على المرور الكريم

لك تحياتي

[سعود الدماسي]

الشطر الثاني ناص لكن عدلوه

فالعزوه اللي

[سعود الدماسي]

الهوى غلاب يا نايف وقد شدد طميه=والذهب سعره ترى غالي عن اسعار النحاسي
الله اكبر صارت الايام نكبه عالميه=والمصيبه من يجمع ماتبقا من مأسي

[نايف بن ملحق الثعلي]

يا العضياني ترانا فا الطلب والنار حيه=واعرفنا فا اللزوم نحطم الرقم القياسي
افهم العلم افهمه وان كان في راسك حميه=ماعلاك من الجذع والعب على الطرق الحماسي

[سعود الدماسي]

خابرمابك قصور وتارد حياض المنيه=دون ربعك والعدو من ضربنا عاقب وخاسي
كان جتنا من جذع ياشيخ والله ماعليه=ماغدالي حق يانايف ورىراع التباسي

[سعود الدماسي]

نايف والله ان اللعب معك شررررررررف

وانا الحين النوم قرب لكن نكمل بكره اذا تبا

وانا والله ماودي اخلي طارووق يالجزل

[نايف بن ملحق الثعلي]

سعود الدماسي

صح لسانك وتصبح على خير

والجيات اكثر

لك تحياتي

[طحطوح نجد]

نشكر الجميع على المحاوره الشيقه والجميله

[معجب العتيبي]

نايف بن ملحق الثعلي

مرحبا ترحيب مثل الهيل فوق الشاذليه= افتخر في منتدى ربعي عتيبه تاج راسي
الوعد قدام والذمه من الذمه بريه=يا الدماسي شد حيلك مانبا غير الدماسي



سعود الدماسي

البقا بك يالمرحب عد همال ابرديه=والفخر فالعزوه راسيه مثل الرواسي

الوعد قدام والحسنه مانجزها بسيه=والبحر اكبر مصيبه كان ماتلقى مراسي


نايف بن ملحق الثعلي

بنت ابو زيد الهلالي فا اخر الدنيا شقيه=راحوا اللي وقفوا من دونها والوقت قاسي
الله اكبر يا الشداد اللي على وسق المطيه=دونه الموت الحمر واذكرك لن كنت ناسي


سعود الدماسي

الهوى غلاب يا نايف وقد شدد طميه=والذهب سعره ترى غالي عن اسعار النحاسي
الله اكبر صارت الايام نكبه عالميه=والمصيبه من يجمع ماتبقا من مأسي


نايف بن ملحق الثعلي

يا العضياني ترانا فا الطلب والنار حيه=واعرفنا فا اللزوم نحطم الرقم القياسي
افهم العلم افهمه وان كان في راسك حميه=ماعلاك من الجذع والعب على الطرق الحماسي


سعود الدماسي

خابرمابك قصور وتارد حياض المنيه=دون ربعك والعدو من ضربنا عاقب وخاسي
كان جتنا من جذع ياشيخ والله ماعليه=ماغدالي حق يانايف ورىراع التباسي


صحة السنتكم


مبدعين