الدهاسي
17-Mar-2004, 12:03 AM
اشياء كثيره ما تخليني انساك
اعيشها واطرد بقايا سرابك
لك ذكريات باقيه لو فقدناك
صوتك وضحكاتك وكلمة هلابك
حتى الزمان اللي شهدت يوم لقياك
لحين يبكي من سبايب غيابك
ودي ولكن كيف تحقيق ودي
عيا زماني لايجيلي على الكيف
وفصلت من خام الشقا ثوب قدي
وكسيت نفسي بالمنايا والتحاسيف
يا ما تمنيت الدقايق تهدي
وياما تمنيت الشتا ينقلب صيف
من رافقك والله حشا ما يخليك
لو عاشرك كل الدهر ما يملك
انا اشهد اني صرت مدري شسميك
كل الخصال النادره ينتمن لك
الطيب كنه شابك ايديه في يديك
ان كان له صاحب فهو صاحب لك
درب الشقا ياخوك طالت مماشيه
والوقت ضاع وراح عمري شقاوي
العام اداوي نازف الجرح واكويه
واليوم عاب الجرح ماله مداوي
فوق الورق دمعي نقش ضيم ما ضيه
عبره لمن غره زمانه هواوي
لو يطير الطير والامايطير
ولو حدث بالكون فجوه وانقسام
ولو تبوك تصير في وادي عسير
ولو حدث تغير في كل النظام
يستدير الكون وكيفه يستدير
يحترق يشتب لو يصبح عدام
ما تغير قيمتك وسط الضمير
قدرها يزداد عام بعد عام
اقضي مع الافكار وغربه وترحال
ذكرى تفرحني وذكرى حزينه
انت الفرح وانت السعادة والامال
يامن بنى له في ضميري مدينه
وانت الرفيق اللي مع الوقت لو مال
مثل البحر ياكم حمل من سفينه
الروح ذكرى واخر العمر سكرات
ياكيف ابنسى روح فيها نجاتي
مادام بالذكرى تعيش ابتسامات
استأذنك تبقى قصيدة حياتي
وسلامتكم
اعيشها واطرد بقايا سرابك
لك ذكريات باقيه لو فقدناك
صوتك وضحكاتك وكلمة هلابك
حتى الزمان اللي شهدت يوم لقياك
لحين يبكي من سبايب غيابك
ودي ولكن كيف تحقيق ودي
عيا زماني لايجيلي على الكيف
وفصلت من خام الشقا ثوب قدي
وكسيت نفسي بالمنايا والتحاسيف
يا ما تمنيت الدقايق تهدي
وياما تمنيت الشتا ينقلب صيف
من رافقك والله حشا ما يخليك
لو عاشرك كل الدهر ما يملك
انا اشهد اني صرت مدري شسميك
كل الخصال النادره ينتمن لك
الطيب كنه شابك ايديه في يديك
ان كان له صاحب فهو صاحب لك
درب الشقا ياخوك طالت مماشيه
والوقت ضاع وراح عمري شقاوي
العام اداوي نازف الجرح واكويه
واليوم عاب الجرح ماله مداوي
فوق الورق دمعي نقش ضيم ما ضيه
عبره لمن غره زمانه هواوي
لو يطير الطير والامايطير
ولو حدث بالكون فجوه وانقسام
ولو تبوك تصير في وادي عسير
ولو حدث تغير في كل النظام
يستدير الكون وكيفه يستدير
يحترق يشتب لو يصبح عدام
ما تغير قيمتك وسط الضمير
قدرها يزداد عام بعد عام
اقضي مع الافكار وغربه وترحال
ذكرى تفرحني وذكرى حزينه
انت الفرح وانت السعادة والامال
يامن بنى له في ضميري مدينه
وانت الرفيق اللي مع الوقت لو مال
مثل البحر ياكم حمل من سفينه
الروح ذكرى واخر العمر سكرات
ياكيف ابنسى روح فيها نجاتي
مادام بالذكرى تعيش ابتسامات
استأذنك تبقى قصيدة حياتي
وسلامتكم