محمدالعضياني
15-Oct-2008, 11:37 PM
انـا ليـا قلتـي يابـو سعـود ..فزيـت
وشلون اجل لو كان " تكفاا يابو سعـود"
لبيه..ثم..لبـيـه ..يافرحـتـي جـيـت
جيتك من اقصى داخلـي حـي مفقـود
ياقف شعـر راسي..معـك يـوم لبيـت
جيتك .. وانـا بعروقـي الـدم بـارود
عهدك علـي مـا أقطعـه لـو تناسيـت
مادام راسـي حـي.. ويلاعـب النـود
انتـي هنـا بالعين..مـن ويـن صديـت
حتـى يعاشـر جثتـي.. احمـر الـدود
(وعد الفتى دين علـى الحـي والميـت)
حكمـه .. معلمنـي بهـا جـدي العـود
وآبوي وصانـي: "اذا اوعـدت اوفيـت"
تـرا الوعـد بلسـان الايمـان معقـود
حتى وانـا فـي بطـن امـي ..تربيـت
من اول شهر حتى بعد طحـت مولـود
يابنت انا من راس قوم(ن) لهـم صيـت
قوم(ن) لهـم بالصـدق ميثـاق وعهـود
انـا اليـا ضاقـت بـي الارض غنيـت
وفتحت لي وسط السماء بـاب وحـدود
وانـا اليـا صـاح المناديـن ..عديـت
وقفت فـي نحـور المعاديـن.. جلمـود
وانا اليـا شلـت يـد البخـل ..مديـت
بعض العطاء نعمه..ولـو كـان معـدود
وانـا اليـا مـدة يـد العـوز.. رديـت
الله ولا منة .. هـل النقـص .والـزود
طبعـي اليـا شفـت المقفيـن ..قفيـت
لكن !! معك بالذات.. " طارد ومطـرود
انتـي اللتـي وحـدك عليهـم ..تمنيـت
يسوقني حظي ..علـى عيونـك السـود
يامـا دعيـت الله بالاسحـار ..يالـيـت
ماهوب ليـت!! وعل..وعسى..وياكـود
هي من متى بس ليت تبني لهـا بيـت!!
في ذمتي لا أزرع لـك الحلـم موعـود
ودي اجيـب لـك القمـر يـوم حبيـت
حتى المحال بكبـره .. يصيـر موجـود
ولو ضاق بك صدر المساء وأظلم (الليت)
في ذمتي..لأقطف لك الشمس في عـود
وان كان قلتيلي : من الشمـس مليـت!!
جمعت لك مـن سربـة النجـم عنقـود
يكفـي اذا قلتـي .. احبـك .. وحنيـت
كن الثريـا تحضـن سهيـل .. وتعـود
يابنت انا سـري معك..كيت..ثم..كيـت!
بالمختصر يعني .. انـا فيـك محسـود
ابك اصرخي يابنت!! من فرحتي جيـت
قولي اسمعوا ياناس: تكفااا يابـو سعـود
وشلون اجل لو كان " تكفاا يابو سعـود"
لبيه..ثم..لبـيـه ..يافرحـتـي جـيـت
جيتك من اقصى داخلـي حـي مفقـود
ياقف شعـر راسي..معـك يـوم لبيـت
جيتك .. وانـا بعروقـي الـدم بـارود
عهدك علـي مـا أقطعـه لـو تناسيـت
مادام راسـي حـي.. ويلاعـب النـود
انتـي هنـا بالعين..مـن ويـن صديـت
حتـى يعاشـر جثتـي.. احمـر الـدود
(وعد الفتى دين علـى الحـي والميـت)
حكمـه .. معلمنـي بهـا جـدي العـود
وآبوي وصانـي: "اذا اوعـدت اوفيـت"
تـرا الوعـد بلسـان الايمـان معقـود
حتى وانـا فـي بطـن امـي ..تربيـت
من اول شهر حتى بعد طحـت مولـود
يابنت انا من راس قوم(ن) لهـم صيـت
قوم(ن) لهـم بالصـدق ميثـاق وعهـود
انـا اليـا ضاقـت بـي الارض غنيـت
وفتحت لي وسط السماء بـاب وحـدود
وانـا اليـا صـاح المناديـن ..عديـت
وقفت فـي نحـور المعاديـن.. جلمـود
وانا اليـا شلـت يـد البخـل ..مديـت
بعض العطاء نعمه..ولـو كـان معـدود
وانـا اليـا مـدة يـد العـوز.. رديـت
الله ولا منة .. هـل النقـص .والـزود
طبعـي اليـا شفـت المقفيـن ..قفيـت
لكن !! معك بالذات.. " طارد ومطـرود
انتـي اللتـي وحـدك عليهـم ..تمنيـت
يسوقني حظي ..علـى عيونـك السـود
يامـا دعيـت الله بالاسحـار ..يالـيـت
ماهوب ليـت!! وعل..وعسى..وياكـود
هي من متى بس ليت تبني لهـا بيـت!!
في ذمتي لا أزرع لـك الحلـم موعـود
ودي اجيـب لـك القمـر يـوم حبيـت
حتى المحال بكبـره .. يصيـر موجـود
ولو ضاق بك صدر المساء وأظلم (الليت)
في ذمتي..لأقطف لك الشمس في عـود
وان كان قلتيلي : من الشمـس مليـت!!
جمعت لك مـن سربـة النجـم عنقـود
يكفـي اذا قلتـي .. احبـك .. وحنيـت
كن الثريـا تحضـن سهيـل .. وتعـود
يابنت انا سـري معك..كيت..ثم..كيـت!
بالمختصر يعني .. انـا فيـك محسـود
ابك اصرخي يابنت!! من فرحتي جيـت
قولي اسمعوا ياناس: تكفااا يابـو سعـود