سلام رديةٍ فيها الوفا مايباع ... عيد العازمي !!!

[ناصر الجلاه]

..




سلام رديةٍ فيها الوفا مايباع=ينساق لأهل الشكاله .. صح وألا خطا !!

يالعازمي لازهمتك قول سمعٍ وطاع=إن كان تبغى الزماله .. صح وألا خطا !!

[حاكم الغنامي]

الله الله

( الوفا مايباع )


صح السانك واعتلى شانك


وصح لسان عيد مقدمااا


متابع



احتـــــــرامي

[قادح شرار]

يا سلااااااام على البدعة الجميلة يا ناصر .


صح لسانك حتى ترضى ....

وصح لسان الأستاذ عيـد مقدما ً .

بننتظر عيد ونتابع ....


تقبل مروري .

[ناصر الجلاه]

..

حاكم الغنامي

..


قادح شرار

..


صحت أبدانكـــم .. يالغاالين .. حضوركـــم يشرفنا ويسعدنا

لاهنتوا


..

[عيد العازمي]

هلا وغلا بناصر نجم الهيلا والله توني جاي



يامرحبا ردةٍ تكفي ليوم الوداع = مبنيّةٍ فوق طاله ,,صح ماهو خطأ!!


مادام قدّمت نفسك للذياب الجياع = الهجر ملغي مجاله ,,صح وألا خطا !!

[عيد العازمي]

حاكم الغنامي

..


قادح شرار

..


صحت أبدانكـــم .. يالغاالين .. حضوركـــم يشرفنا ويسعدنا



مرحبا بكــــــــــــــــــــم

[قادح شرار]

الله أكبر يا أبو طلاااااال .

من اليوم أنتظر أبشوف ردك .

صح لسانك .

وسجلوني متابع .

[ذيب النفود]

صحت ألسنتكم صح ماهو خطا

متابعين للمبدعين

[عيد العازمي]

هلا وغلا بقادح نتشرف بمتابعتك لاهنت


ذيب النفود


صح بدنك شرفتنا

[ناصر الجلاه]

..

ياسلااام يابوطلال




دام البقا يابن عاصي قدم الاستطاع=إليا تنشى خياله .. صح وألا خطا !!

ماجيتك ألا معي سيفٍ يقص النخاع=يامدعي بالرساله .. صح وألا خطا !!

[ناصر الجلاه]

..


ذيب النفود


..


صح بدنكـ حضورك له طاااابع غير


لاهنت يالذيب


..

[عيد العازمي]

هذا مجال الوفا مقطوع حبل النزاع = وردت حوض العداله .. صح وألا خطا !!


مالك ومال المشاكل وانت قلبك رعاع = اهجدك في كل لاله .. صح وألا خطا !!

[ناصر الجلاه]

..


ههههههههه




يكفي القمر من شعاع الشمس واحد شعاع=يطرد لزيلة ضلاله .. صح وألا خطا !!

ياعيد طال اللسان ولايطول الذراع=متى تكب الجهاله .. صح وألا خطا !!

[عيد العازمي]

ههههههههه سلام سلم




الذيب لو جاع ماعوّد لسقط المتاع = لو الطوى راس ماله .. صـح وألا خطـا !!


سالم وتسلم ياناصر في هجوم ودفاع = صاحبك مالك وماله .. صـح وألا خطـا !!

[قادح شرار]

والله طاروق لا يعلى عليـــــه .

سجلوني من أشد المعجبين بهذه الطاروق .

صحت ألسنكم يا عتابه .

[ناصر الجلاه]

..



الحر مالد فاللي ميته وسط قاع=مادور ألا الجزاله .. صح وألا خطا !!
بيني وبينك بدا هوش وسلاح وصراع=العلم جالك جلاله .. صح وألا خطا !!

[حومل]

العازمي .. ناصر الجلاه


طاروق حماسي وإبداع ماله حد ..


صحت ألسنتكم

[ناصر الجلاه]

..


قادح شرار

..


حضوركـ المستمر نور الصفحه


لاهنت


..

[عيد العازمي]

خل اللكاعه يابن عاصم وطرد السباع = وتصير شدّ الوكاله .. صح وألا خطا !!



أقول خلك معي تامن سنين الضياع = صاحبك مرهي حباله .. صح وألا خطا !!

[سلمان الروقي]

ناصره الجلاه


العازمي

صحت الالسن والافكار



ماقصرتوووو


تحياتي

[عيد العازمي]

قادح شرار


تشرفنا بتواجدك دائماً

صح بدنك


حومل


صح بدنك ياغالي

[ناصر الجلاه]

..

صح لسانك ياعيد شاكر لك قبول الدعوى والختام عندك



قال الهلالي طمع .. وهوا وراه الطماع=بريال وألا هلاله .. صح وألا خطا !!

بمدك بمد وإن ماسد زدتك بصاع=راهي شرابي زلاله .. صح ماهو خطا !!

[ناصر الجلاه]

..


حومل .. سلمان الروقي

..


صحت أبدانكـــم يالغااالين .. مروركــم كريـــم


لاهنتوووا


..

[عيد العازمي]

يانجم نخبة عتيبه موقعك فالرفاع = جمعت شعر ورجاله .. صح ماهو خطا !!


ماعاد بيني وبينك غير واحد ذراع = واقدّمك بالوكاله .. صح ماهو خطا !!



شكرا لك يانجم الهيلا


على هذا المحراف هههههههههه ماتنحرز لله درك


وصح بدنك وتشرفت بمجاراتك

[بندر المرشدي]

الله...الله


صحت السنتكم اجمعين

[عيد العازمي]

ابو سلطان بندر


صح بدنك