رشيد الزلامي

[سلطان نايف العضياني]

يسرني أن أطرح لكم هذه القصيده لبوجميل عساها تنال رضاكم,,,,


ياكثر صبري لزمان وتحديه=لو كان جاني من زماني مضره
وبينت كل اللي بصدري مخفيه=وأوضحت ماخليت مثقال ذره
وين أنت ياسامع كلامي وموحيه=لاتامن الدنيا تراها مغره
إن شفت وقتك صايرن فيه مافيه=أصبر على المقسوم خيره وشره
ترا الدهر ماهوب ورعك تربيه=مهما حصلك من براده وحره
وإن شفت حضك منسدح لاتوعيه=يقوم من نومه وينحاش مره
خله بنومه واطلب الله يشافيه=بلكي تحصله علاج(ن)يسره

شاعر عتيبه/رشيدالزلامي

[صقر الجعدة]

صح لسان الشاعر رشيد الزلامي غني عن التعريف
ولاهنت ياسطان

نتظر جديدك


تحياتي
صقر الجعده

[محمد العتيبي]

صح لسان صنفرة الشعراء / ابوجميل

ولاهنت ياسلطان ..

تحيتي
...

[احمد العتيبي877]

الله يعطيك العافية على القصيدة

تحيه طيبه

[سلطان نايف العضياني]

صقر الجعده
محمد العتيبي
أحمد العتيبي
مشكورين لاهنتوا ياأبناء العم

تحياتي لكم وأبوجميل مدرسه من مدارس الشعر فالجزيره أطال الله عمره

[السيف البريع]

ترا الدهر ماهوب ورعك تربيـهمهما حصلك من بـراده وحـره


وإن شفت حضك منسدح لاتوعيهيقوم من نومه وينحـاش مـره







اي إبداع وحكمة بعد هذا الابداع




صراحة كل ما اسمع قصايد الزلامي احس بطعم الشعر اللي يروي الذائقة




تحياااااااااااااااتي

[سلطان نايف العضياني]

ترا الدهر ماهوب ورعك تربيـهمهما حصلك من بـراده وحـره


وإن شفت حضك منسدح لاتوعيهيقوم من نومه وينحـاش مـره







اي إبداع وحكمة بعد هذا الابداع




صراحة كل ما اسمع قصايد الزلامي احس بطعم الشعر اللي يروي الذائقة




تحياااااااااااااااتي

تحياتي السيف البريع
سوف أطرح لكم عدة قصايد لزلامي على شكل ديوان لأول مره تنشر

[متعب العصيمي]

صح لسان الشاعر الكبير رشيد الزلامي والله يعطيه طولة العمر

لاهنت يالغالي ولاتحرمنا جديدك

فائق أحترامي

[سلطان نايف العضياني]

متعب العصيمي
لاهنت يابن العم

[يوسف العازمي]

صح لسان الشاعر الكبير : رشيد الزلامي


ولاهنت على نقلك الرآئع

[شوق الصعيبة]

وإن شفت حضك منسدح لاتوعيه=يقوم من نومه وينحـاش مـره
خله بنومه واطلب الله يشافيـه=بلكي تحصلـه علاج(ن)يسـره


الله الله الله


حطها ابو جميل بين العيون !!


صح لسان ابو جميل وجزل وجزل يالعضياني


ودي