اقرب عتيبي

[عقاب العنزي]

السلام عليكم ورحمة الله وبركاته


مسا الخير





بعد ماجيت بمحل اهل الفخر واهل الفعولي = ياسلام الله على العتبان واكرر سلامي

قالوا ان عتيبه الهيلا خوال ٍ للرسولي = والمصيبه لو نقلت العلم من صدق كلامي ؟؟

[مرزوق حمدان العتيبي]

..
.
قالوا ان عتيبه الهيـلا خـوال ٍ للرسولـي
والمصيبه لو نقلت العلم من صدق كلامي ؟؟

وعليكم السلام ياعنزي ....
صح لسانك ... وونتظر احد شعراء نا ...
وكلهم كفو من ادنا .

[عقاب العنزي]

صح بدنك يامرزوق

,,

[رفيع المنزل]

صح لسانك يابن عمي ووانا بصفك من هلحين

[ساير الغنامي]

بعد ماجيت الله يحييك يانسل الزحولي=مرحبا بالي لفانا عد من صلى وصامي
الرسول اخواله عتيبه تقول او ماتقولي=والحنيفي وايلي ياعيال وايل بالحلامي

[عقاب العنزي]

لو عتيبه ياوسيع العرف بالشعر اشهدولي = تدري اني ماعطيت الوضع لو ربع اهتمامي



هرجتك ياصاحبي ازرت تصدقها العقولي = والحنيفي مننا ويبقى من كبار الاسامي

[عقاب العنزي]

رفيع المنزل

هلا ومرحبا ويشرفني انك بصفي يالبناخي

,,

[ساير الغنامي]

منهو الي قايلك تحضر اشهود عدولي=وانت برى المحكمه مالك خصيم ولا محامي
سالفة حلف اللهازم لخبطت بعض الاصولي=ماسمعت الهرجه الي قالها ولد الامامي

[عقاب العنزي]

ماهو انت الشاعر اللي انتظر منّك قبولي = منت مستور العصيمي او رشيد ابن الزلامي

قالها بحنكه لجل ماتطقّ للفتنه طبولي = والحقيقه بيّنه والنور جلاي الظلامي

[ساير الغنامي]

اسئلتك المحرجه تحرجك يالرجل الفضولي=وانت من ناس كريمين وعزيزين وحشامي
مافتن بين الصحابه غير عبدالله سلولي=لين سبب بينهم وقفات خطر وانقسامي

[عيد العازمي]

ياسلام


يشهد الله انكم مبدعين


صحت السنتكم

[ساير الغنامي]

ابو طلال الابداع والشرف تواجدك في متصفحنا
شكرا لمرورك العذب

[عقاب العنزي]

دام في درب المعزه يالصحيب اشعب ذلولي = ويش يحرجني وانا رجال معروف ٍ مقامي

انت رجال ٍ دمجت السالفه بذولي وذولي = ماتفرق بالحلال ولاتفرق بالحرامي





صح لسانك ياساير وبيننا محاورات قادمه بإذن الكريم

لاهنت يالعازمي على المرور

,,

[ساير الغنامي]

صح بدنك ياعقاب ولنا الشرف بمجاراتك لاهنت
وتصبح على خير يابن وايل

[رفيع المنزل]

اشهد انك ذيب ياعقاب العنزي وخلك قريب نبي نشن غارة هاليومين


صح لسانك ولايهون قبيلك