الســعيــدي ... وفـرحـة الـعيـد .

[قادح شرار]

مرحبا بالقريب ... ومرحبا بالبعيد = والتراحيب أوزعها لكل الضيوف

يالسعيدي عسى فالوقت عيدك سعيد = فرحة العيد نظهرها من أجل الضعوف

[فواز السعيدي]

البقا يامرحب فالفضا بالقصيد = لو انا ما يهيضني يكود الصفوف




وانت هات البشارة جعل ثوبك جديد = قبل نتعب على وضع النقط والحروف

[مرزوق حمدان العتيبي]

..
.
يالسعيدي عسى فالوقت عيدك سعيد
فرحة العيد نظهرها من أجل الضعوف


..

الله الله ياقادح شرار
صح لسانك ....

وننتظر السعيدي وصح لسانه مقدما ً ....

[مرزوق حمدان العتيبي]

..
.

وانت هات البشارة جعلك ثوبك جديد
قبل نتعب على وضع النقط والحروف

الله الله صح لسانك يافواز ...
...

[قادح شرار]

أنت لافي علينا ودك إن تستفيد = مير أنا والله الليلة لذكي خروف

شوفتك يالسعيدي تعتبر يوم عيد = والتعب في سواتك يا رفيق مخلوف

[فواز السعيدي]

مرزوق ابن حمدان


صح بدنك


وسلمت ودمت

[قادح شرار]

..
.
يالسعيدي عسى فالوقت عيدك سعيد
فرحة العيد نظهرها من أجل الضعوف


..

الله الله ياقادح شرار
صح لسانك ....

وننتظر السعيدي وصح لسانه مقدما ً ....

صح بدنك يا أبو منذر .

ونتطلع لوجودك المستمر اللي يضفي على الصفحات بريق .

مشكوووووور على مرورك.

[عيد العازمي]

قاح شرار ***** فواز

صحت ألسنتكم ياكبار


ومن العايدين ياغالين

[فواز السعيدي]

جاتني دعوة عتيبي وعلمي وكيد = مارفضت العزيمة بعد جات الظروف



الك مني هدية لا لزمت الهريد = الهريد اهون من الشاه مافيه صوف

[قادح شرار]

قاح شرار ***** فواز

صحت ألسنتكم ياكبار


ومن العايدين ياغالين


هلا هلا هلا هلا هلا ..... إلخ .

أنت لحالك عيد . هذه غير مناسبة العيد . :d

وين الغيبة يا مسلم .

حياك الله ونوّرت المنتدى يالغالي .

وصح بدنك .

[قادح شرار]

مرحبا يالسعيدي ... مرحبا من جديد = حيث قومك رجال العز قوم السيوف

لا تداحم جبال ... ولا تعاند عنيد = أنسدح تحت ظل البيت ... سو امعروف

[فواز السعيدي]

ارسل اسمك علي وصورتك فالبريد = وارفع عمامتك حتى تبين الكتوف




بارك الله بطاستنا وقدر العصيد = كيف يلحقك جوع وليش تقعد تحوف؟؟

[قادح شرار]

أنت تلجأ علينا فالنهار الشديد = لا حصل وقت شدة ... ما نرد الهنوف

أدري إنك ضعيّف .. وأعتبرني رصيد = من جهتكم تراني شخص نفسي عيوف

[فواز السعيدي]

ليش يدخلك مني وسط قلبك ضهيد = والله اني نويت اعمل معاك امعروف




ابيض الشارب اللي ينحرف بالجريد = لايعرف الرياض ولا يدل الهفوف

[قادح شرار]

لا تظاهر بصحة .. جاتلك فالوريد = حملت شعيل عندك حوّلت للردوف

كل حداد ما يصعب علاه الحديد = أنت يا شاعر ٍ يبدع بصوت الكفوف

[فواز السعيدي]

المعاني خطيرة خل ساسك جويد = روح للعازمي يعطيك بعض الصنوف





انت يا صامل الزندين راسك عنيد = مار فيك الزعل والطربقة بالدفوف

[قادح شرار]

المعاني خطيره ... يا ولد لا تهيد = روح للقارحي يكشف عليك ويشوف

أنت يا راعي البندق ... ما تعرف تصيد = السوالف تعدي فوق راسك ...تطوف

ختامها من عندك طال عمرك .

[فواز السعيدي]

انصح الآدمي ويرد علمي جحيد = قلت عان الطريق وقال بكره خسوف




روح صاحب جواد وخاو عبد المجيد = قبل تنكب عتيبة ماتفيد الحسوف




هههههههههههههه



صح لسانك ياقادح شرار


تصبح على خير يالغالي

[قادح شرار]

هههههههههههههه . جواد وعبدالمجيد مرة وحدة . :)

الله يهديك بس .

تشرفنا بمجاراة شاعر فذ مثلك .

وإلى لقاءت أخرى إن شاء الله .

[قادح شرار]

قادح شرار :


مرحبا بالقريب ... ومرحبا بالبعيـد = والتراحيب أوزعها لكـل الضيـوف
يالسعيدي عسى فالوقت عيدك سعيد = فرحة العيد نظهرها من أجل الضعوف


فواز السعيدي :


البقـا يامرحـب فالفضـا بالقصيـد = لو انا ما يهيضني يكـود الصفـوف
وانت هات البشارة جعل ثوبك جديـد = قبل نتعب على وضع النقط والحروف


قادح شرار :


أنت لافي علينـا ودك إن تستفيـد = مير أنا والله الليلة لذكي خـروف
شوفتك يالسعيدي تعتبر يوم عيـد = والتعب في سواتك يا رفيق مخلوف


فواز السعيدي :


جاتني دعوة عتيبي وعلمـي وكيـد = مارفضت العزيمة بعد جات الظروف
الك مني هديـة لا لزمـت الهريـد = الهريد اهون من الشاه مافيه صـوف


قادح شرار :


مرحبا يالسعيدي ... مرحبا من جديـد = حيث قومك رجال العز قوم السيـوف
لا تداحم جبـال ... ولا تعانـد عنيـد = أنسدح تحت ظل البيت ... سو امعروف


فواز السعيدي :


ارسل اسمك علي وصورتك فالبريـد = وارفع عمامتك حتى تبيـن الكتـوف
بارك الله بطاستنـا وقـدر العصيـد = كيف يلحقك جوع وليش تقعد تحوف؟؟


قادح شرار :


أنت تلجـأ علينـا فالنهـار الشديـد = لا حصل وقت شدة ... ما نرد الهنوف
أدري إنك ضعيّف .. وأعتبرني رصيد = من جهتكم تراني شخص نفسي عيوف


فواز السعيدي :


ليش يدخلك مني وسط قلبك ضهيـد = والله اني نويت اعمل معاك امعروف
ابيض الشارب اللي ينحرف بالجريد = لايعرف الرياض ولا يدل الهفـوف


قادح شرار :


لا تظاهر بصحة .. جاتلك فالوريد = حملت شعيل عندك حوّلت للردوف
كل حداد ما يصعب عـلاه الحديـد = أنت يا شاعر ٍ يبدع بصوت الكفوف

فواز السعيدي :


المعاني خطيرة خل ساسـك جويـد = روح للعازمي يعطيك بعض الصنوف
انت يا صامل الزندين راسـك عنيـد = مار فيك الزعل والطربقة بالدفـوف

قادح شرار :


المعاني خطيره ... يـا ولـد لا تهيـد = روح للقارحي يكشف عليك ويشـوف
أنت يا راعي البندق ... ما تعرف تصيد = السوالف تعدي فوق راسك ...تطـوف


فواز السعيدي :


انصح الآدمي ويرد علمـي جحيـد = قلت عان الطريق وقال بكره خسوف
روح صاحب جواد وخاو عبد المجيد = قبل تنكب عتيبـة ماتفيـد الحسـوف



والله إنّا نفتقد معجب في بعض المواقف .

وأشكر جميع الأخوان اللي شرفونا .