ربعي عتيبة من العارض اليا الحره

[^المقاطي^]

شكر للأخ لـيـل على كتابته هذه القصيدة وحبيت اوضحها واضعها بموضوع بمفردها وبأسمها (( ربعي عتيبة.. ))



واهنّي من زرفلت به بكرهٍ حـــــــره
................................................ معطي ٍ مزاليج والا معطٍ الجـــــودي


اقفى عن الهاجري واقفا عن المره
................................................ لومالقينا على الاجواد منقـــــــــودي


ربعي عتيبه من العارض اليا الحره
................................................ سقم المعادي ليا جا العلم مــــردودي


والعلم الاخر ليا عقبوا على الجــره
................................................ والسبر جاهم من اللي قدم مطـرودي


صاح المصيح وركبوا كل حزبـــــرّه
................................................ ثم ثار عج الرمك وازداد بــــــارودي


هذي طريحه تزر الدم وتــثــــــــــرّه
................................................ وهذي قلاعه والاخرى تصقل العودي


ان جا نهارٍ جباله منه محمـــــــــرّه
................................................ والشيخ ينخى هل العادات بفــــــلودي


لعيون من حبنا واللي لحق شـــــرّه
................................................ فعلٍ يداوي كبود ويجرح كبــــــــــودي



فيحان بن ثمر الرقاص.

[الدلبحي]

ونعم والله بالرقاص وصح لسانه

ولسانك

وتقبل تحياتي

[فرهــودي]

مشكور وماقصرت..
والقصيدة مافيها كلام..
وتستاهل موضوع لحاله....
وياليت نشوف مثل هالقصايد..كثير في المنتدى..

تقبل تحياتي،،
نسيم الليل

[راعي المغاتير]

مشكور يالمقاطي ..الصراحه قصيده عصمااااا
وجزله من راسٍ جزل

ملاحظه :- هناك بيت لم اجده في القصيده

يامل قلبٍ غدا له في الحشا صره .....الخ

اتمنى اني افدكم وترقبوا هذه القصيده كامله للشاعر فيحان بن ثمر الرقاص الحافي العتيبي مع قصتها

[^المقاطي^]

اشكروا ليل :)
قبل لاتشكروني

وجزاكم الله خير عالردود