هلا يا مرحبا ترحيبة الشاعر بشهر العيد = اقوله دوم والاعياد مبروكة لياليها

[العالي البرقاوي]

السلام عليكم ورحمة الله وبركاته

اقرب شاعر


هلا يا مرحبا ترحيبة الشاعر بشهر العيد = اقوله دوم والاعياد مبروكة لياليها

الا ليت الزمن يرجع ورا حولن ياليت تعيد = على ذكرى نفود السر مرها وحاليها

[عبدالمجيد العطاوي]

وعليكم السلام ورحمة الله وبركاته

استلم


يدوم الك البقا ياشاعرٍ ما تقبل التحديد=يجيك اقرب بني عمّك وياخذها ويعطيها
الا ياليت هاك العام يانسل القروم ايعيد=نشوف اشيوخنا بالعزّ زاهيةّ كراسيها

[عبد العزيز العضيــاني]

ياسلام


صحة السنتكم



ولاهنتوا


متابع

[بدر الكريزي]

""

الا ليت الزمن يرجع ورا حولن ياليت تعيد
....... على ذكرى نفود السـر مرهـا وحاليهـا


الا ياليت هاك العام يانسل القروم ايعيد
....... نشوف اشيوخنا بالعزّ زاهيةّ كراسيهـا


الله يذكر ذاك الأيام بالخييييير ..


صحت الألسن ..


متااابعين ..



""

[العالي البرقاوي]

بحر جده والكريزي صحت ابدانكم

استلم يالعطاوي


ابهرج مع ولد عمي عسى الاموال بنّا تزيد = وابعطيه العلوم اللي على راسي مراسيها

يطيب الملتقى يوم الجمع من دانيٍ وبعيد = وكلن قام يذكر طيبها هيلا عزاويها

[عبدالمجيد العطاوي]

تهرّج والعذر لن كان جاك اللعب بالتقصيد=ترا وقت الملاعب ياصحيبي ما نساويها
هذاك الملتقى الأصلي مهوب الملتقى التقليد=تبى تفنى قبايل نجد ما وصلت حراويها

[مرزوق حمدان العتيبي]

ياليت هاك العام يانسل القروم ايعيد
نشوف اشيوخنا بالعزّ زاهيةّ كراسيهـا


..

ياليت هاك العام يانسل القروم ايعيد
نشوف اشيوخنا بالعزّ زاهيةّ كراسيهـا




الله الله
عاشوا

....

[محمد العتيبي]

يطيب الملتقى يوم الجمع من دانيٍ وبعيـد=وكلن قام يذكـر طيبهـا هيـلا عزاويهـا


هذاك الملتقى الأصلي مهوب الملتقى التقليد=تبى تفنى قبايل نجد ما وصلت حراويهـا



ياسلااااام


العالي البرقاوي @ عبدالمجيد العطاوي ..

صح لساااانكم يامبدعين

تحيتي

[العالي البرقاوي]

صحت ابدانكم
وبيض الله وجيهكم ياربعنا ويامنتدانا

معليش على التاخير يالعطاوي منتبهت لردك

واستلم يالعطاوي


تقصدها واظنك عايشٍ عمرك على التسديد = ولن جتك العلوم القادمة حاذر خفاويها

تجمع قادة عتيبه من الثبتان وابن حميد = الا ياقصر مدتها وياعظمة مبانيها

[عبدالمجيد العطاوي]

انا سدّاد دين ولا عليّه من قليل الفيد=لكنّ انته طلعت اليوم حاميها حراميها
الا ياسعد عيني يوم غطّوا بالبيوت البيد=ومدّات الشيوخ اطوال ما تقصر يمانيها

[العالي البرقاوي]

تقول انك تسددها وانا خبرك بدون رصيد = ولن هاذي من اولها ترا ينعاف تاليها

ديار الروم تعلنها على الموجات والترديد = وعلى الصفحات سجلها وزينها باساميها

[عبدالمجيد العطاوي]

انا أصيد السمينة مارميت وصدت هزل الصيد=وأشيل امّ الزناد اللّي عطيباتٍ مراميها
لقيناها وشفناها على الصفحات بالتأكيد=تقول أكبر تجمّع حاضر الدنيا وماضيها

[العالي البرقاوي]

ترا ما كل رجالن تحزّم قلنا جاب حصيد = وكم مره تصوبها وكم شفناك تخطيها

عتيبه ياهلا العوجا على قوله امير يشيد = مزاين ماحدٍ حوله ولا قرّب خطاويها

[عبدالمجيد العطاوي]

بيّض الله وجهك يالعالي البرقاوي واستلم الختاميّة




ليا جاء الماقف الغصّاب ماني في اللقا رعديد=لكنّ انته تبيّنها على العالم وتخفيها
انا أقول العتيبي في المواقف كلّها صنديد=ولا همّه جميع الناس قاصيها ودانيها

[العالي البرقاوي]

ووجهك ابيض ياولد روق
وابرك الحزات يوم انتواجه