الهئيه لازم نوقفهم عند حدهم

[فيصل المسند]

بسم الله الرحمن الرحيم
كثر الاكلام عن الهئيه وما يسوون وما يفعلون من غلط ومن صح
طبعن الانسان مهما كا ن يخطي ويصيب
لاكن المشكله والي يدور في خاطر هو..................

وين الهئيه قبل كم سنة ما كنا نعرف الهئيه على قولت واحد من الربع يقول والله ما دريت ان فيه شي اسمه هئيه

لاكن الهئيه لهم يمكن 3 او 4 سنوات ادهرو ادهار ليش دين لا والله الا من اجل المراتب والسمعه عند الدوله
يدل على الكلام هذه قصص منها وركزو معي بالله هذي يسويها راعي دين يخاف الله

1 راعي فرت صدموه في الطايف قال ليش قالو معليش المهم وراك دونك تصافق معهم
هم ثنين ضربوه وخلوه راح اشتكى طلبهم المركز رفضو يجون بعد ما لز علاهم ذكرو انه كا يغازل وشرد منهم
ما تجي بالعقل وين الدين
2 قصة الشاب الي في المدينه وكلكم تعلمون ها لقصه المحزنه
طردوه بغض النظر هو صدق انها الي معه خويته او لا الله يرحمه

يوم صدم واحترقت سيارته وتوفي هو والي معه الله يرحمهم
راحو وخلوه ليش ؟؟؟؟؟؟؟؟؟؟؟ مدري بعد كم ساعه ابلغو الدفاع المدني

وكم وكم من القصص الي صارت علاهم حنا مانقول انهم مخطين لا نقول عملهم صح بس ما هب كلهم والله ان بعضهم حق مخدرات بعضهم مجرم حط دقن وشهرين ومسكوه الهئيه واذا خلق الله
بعد ين ربي يوصي بستر وهم لا
ياخي شاب بلاه اللله استروه همه لا دق على ابوه والبنت يدقون علا ابوها؟؟؟؟؟؟؟؟
لاكن المصيبه هنا ؟؟؟؟؟؟؟؟؟
الشاب او الفتاة قبل لاتقول والله لعم ابوك وش يقول لالا تكفى ومدري ويش والله معاد اسويها
صح لاكن إذغ علمت ابوه خلاص عادي راح يكرر الغلط لنه زي ما يقولون انفضحت وخربانه خربانه

لاكن مع النصيحه والتعهد ويسترون عليه انا متاكد مراح يسويها

ومن القصص المحزنه يدقون علا ابو البنت تعال يوم يجي
قالو بنتك وجدناها مع فلان بعضهم يموت يصيبه سقطه قلبيه
مايقدرون كبير السن ولا الي معه مرض قلب ولاشي


لاكن ياليتهم يعدلون من سلوكهم

وتقبلو تحياتي ،،،،،،،،،،،،،،،،،،،،،،،،،،،،،،،،داهية العرب

[ابوزعبه]

؟؟؟؟؟؟؟؟لاتعليق؟؟؟؟؟؟؟؟؟؟؟

[محب الهيلا]

اخوي داهية العرب

والله لولا الله ثم الهيئة ورجال الحسبة انك لتشوف علوم ماهي طيبة


لكن الله يتم علينا دينه وامنه وامانه

[عبدالرحمن الهيلوم]

داهية العرب

موضوعك الاول قفل

ورجااااااااااااال الحسبه هم حراس الفضيله
الله يوفقهم ويسدد خطااهم

شكرا لك

[فدا لعتيبه]

اخوي داهية العرب
اصلن الهيئه يسوون اشياء ما تدري عنها

ولولا الله ثم رجال الهيئه
كان فسد المجتمع
الله يعين




دمــــــت بخــــــــــيــــــــر

[فزاع الاسعدي]

الهيئه هم هل حرااااااس الفضيله على قولة اخوي اللي فوق




بعدين لاتحكم عليهم من حوادث قليله يخوي ترى كلنا ندري عن اللي في قلوبهم مرض


ويريدون نشر الفساد في الارض وانت انشاء الله منت منهم هم يضخمون الخطاء بحيث يجعلونه قضية راي عام


وكان القيامه قامة واللي مثلك يخوك المفروض ماينجرف مع هذا التيار المعادي لاهل الخير والصلااح


اللي يحمون بعد الله اهلك واهلي واللي لولا الله ثم هم كان سمعت باشياء يشيب لها الرضع


لكن نحمد الله ونشكره ان من علينا بهذه البلاد المباركه بان جعل فيها جهه مسؤوله عن الامر بالمعروف والنهي

عن المنكر والاخطاء وارده في اي مجال فهم بشر مثلك ومثلي يخطون ويصيبون ولكن اصابتهم اكثر من خطاهم


والله يوفقهم وجميع من يخدم هذا الدين وجميع المسلمين


تقبل تعليقي اخووك / فزاع الاسعدي

[عبدالرحمن ابو ثنتين]

اخوي داهية العرب

والله لولا الله ثم الهيئة ورجال الحسبة انك لتشوف علوم ماهي طيبة


لكن الله يتم علينا دينه وامنه وامانه


تقبلوا خالص تحياتي
أخوكم/ابو ثنتين......

[ابو ضيف الله]

وين الهئيه قبل كم سنة ما كنا نعرف الهئيه على قولت واحد من الربع يقول والله ما دريت ان فيه شي اسمه هئيه

لاكن الهئيه لهم يمكن 3 او 4 سنوات ادهرو ادهار ليش دين لا والله الا من اجل المراتب والسمعه عند الدوله



سبحان الله يا داهية العرب اول مرة تسمع عن الهيئة وجاي تتكلم عنهم المفروض قبل ما تسب او تمدح احد تبحث وتسال عنه
ثم ان كنت ما تعرف الهيئة غير قبل 3 او 4 سنوات فحن ولله الحمد من يوم فتحنا عيونا على الدينا وحنا نعرف الهيئة
وسبحان الله تقول انهم يعملون من اجل المراتب والسمعة عند الدولة الظاهر يا داهية عتيبه انك عندك قدرة تعرف ويش موجود في قلوب العباد طيب ليش ما يكون بقية الاجهزة الامنية عندهم نفس النية ويكون في علمك ان رجال الهيئة هم اقل من يتم تكريمهم على اعمالهم حسب علمي مع ان انجازاتهم كل يوم تزيد


الهيئة هم دعاة الفضيلة وما دام انك في مشروع عد الاخطاء فيا ليت تخبرنا باخطاء الاجهزة الامنية الاخرى وان كانت اكثر من الهيئة فيا ليت نوقفها عند حدهم حسب كلامك

ثم اخطاء الهيئة يتم تضخيمها على يد صحافتنا الغراء اللي يديرها العلمانيين والليبراليين ومثل ما يطالبون بالغاء الهيئة يطالبون باغلاق حلقات تحفيظ القران وايقاف المحاضرات والمراكز الصيفية ..الخ

كلامك يا داهية العرب يذكرني بعضو اسمه ابن الجزيرة تم طرده من المنتدى واخف يكون ابن الجزيرة تطور وصار يشوف نفسه داهية للعرب

ومن يريد ان يعرف موقف الحكومة من الهيئة فليدخل هذا الرابط
http://www.otaibah.net/m/showthread.php?t=74026

[ذيب عتيبه الهيلا]

السلام عليكم ورحمة الله وبركاته
اخوي لو مارجال الهيئه كان شفت علوم وعلوم ماهي زانه

[فيصل المسند]

اخوي ابو ضيف الله بعدا لتحيه

كلامك على العين والراس لاكن ما قلته هو الصحيح ياخي انا من سكان جدة ما عمري شفت هئيه وعلى كثر البلاوي الي عندنا الله يحمينا وياك ما فيه هئيه
وانا ماذمهم ولا اقول ما سوو شي لاكن فيهم ناس ماهم كفو في المحل الي هم فيه

وبعدين لعلمك ابن الجزيره الي تقوله والله ما عرفه وانا اول مرة وبلسم هذه ادخل منتدى عتيبه الهيلا ادخل واقراء
ومتابع للموضيع لاكن كا عضويه هذا اول اسم لي بلمنتدى


ولك جزيل الشكر على مرورك وتعليقك


وتقبل تحياتي

[الحميدي العتيبي]

أخوي العزيز داهية العرب........ماذكرته من حوادث تعتبر أخطاء فرديه قام بها أشخاص أنتسبوا للحسبه وهم ليسوا مؤهلين دينيا وثقافيا وخلقيا لأن يكونوا في مكانة الامر باالمعروف والناهي عن المنكر....ونحن نخاطب الهيئه أولا بشئنهم فهم يسيؤون لصورة الدين الأسلامي قبل أن يسيؤا للهيئه وللناس. وهؤلاء يمثلون أنفسهم لا يمثلون الهيئه كلها.
وهم قله والحمدلله .


ثانيا , يجب أن لا تكون نظرتنا للأمور نظره سطحيه وساذجه , بحيث نحكم على كيان أمني مهم كا الهيئه من خلال أخطاء تحدث من أشخاص , وفي المقابل نغض النظر عن أنجازات الهيئه العظيمه والهائله في مجال حماية المجتمع والناس من شرور ومصائب كثيره , وانا أجزم وأقسم بانه لولا الله ووجود الهيئه لكنا رأينا فساد ومصائب لا نستطيع مواجهتها لوحدنا.

ثالثا , هناك وسائل أعلاميه عندنا تحاول تشويه صورة الهيئه بتضخيم الاحداث واحيانا يختلقون الاحداث الكاذبه لمحاربة الهيئه فقط. فلا تصدق أخي انت وغيرك كل ماينشر ويكتب .


رابعا , كم من فتاه لجأت للهيئه لكي يخلصوها وينقذونها من ذئب بشري يهددها لكي ينال من شرفها .وبا الفعل أنقذوها الهيئه بسريه وستر ودون علم حتى أهلها او زوجها , كم من عصابه قذره تمتهن التغرير با الاطفال والفتيات لممارسة الرذيله أطاحت بها الهيئه وحمت اطفالنا ونسائنا منهم ونحن لانعلم , كم من مشعوذ ودجال ومروج مسكر واوكار للفاحشه والمخدرات اطاحت بها الهيئه ..وكم وكم ...أنجازات لا تعد وتحصى .


تحياتي لك ,ياداهية العرب ومشكور.

[ابو ضيف الله]

اخوي ابو ضيف الله بعدا لتحيه

كلامك على العين والراس لاكن ما قلته هو الصحيح ياخي انا من سكان جدة ما عمري شفت هئيه وعلى كثر البلاوي الي عندنا الله يحمينا وياك ما فيه هئيه
وانا ماذمهم ولا اقول ما سوو شي لاكن فيهم ناس ماهم كفو في المحل الي هم فيه [/font]

الحمد لله ما دام انك ما تذمهم ليش تقول لا زم نوقفهم عند حدهم كلام متناقض او انك ما تدري ويش تقول او ان تتلون في الكلام مثل خوينا ابن الجزيرة غفر الله له

ثم عندك شيء غريب تقول انك من اهل جدة وتسمي الفورد فرت اما انك شايب من جيل بندر بن سرور او انك متأثر بقصايدة او انك لا هذي ولا ذيك وتحاول تظهر لنا نفسك بصورة غير اللي انت عليها

الاكيد انك ذكرتنا بالعضو المطرود ابن الجزيرة الذي وعدته ان اجعل اصغر عتيبي يمسك اكبر علماني ويمسح به البلاط وانا على كلمتي وحماسي كل يوم في يزيد ابشرك وابشر الربع اللي يسمعون

[فيصل المسعودي]

كن المواضيع قلت ولا بقى منها الا الهيئة والسواقة

مانقول الا عسى الله يعز الهيئة ويديمها ولا يعز عليهم

وأن كان هناك خطاء يصدر منهم أو من غيرهم

لا يعالج ويناقش بالتشهير والإيقاف عند الحد كما تطلب

ونصيحتي للجميع

امور مالكم فيها أتمنى أن تتركوها



تحياتي