عسى عيد من بالنت من خير الاعياد

[هـــداج]

السلام عليكم ورحمة الله وبركاته ,,,



كل عام وأنتم بخير وتقبل الله منا ومنكم صالح الأعمال 000






عسى عيد من بالنت من خير الأعياد=وعسى الله يقبل صوم كل العبادي
أبا شاعر(ن)يقدم كما فرد وزناد=مبا لحتمى الموقف يجي رمي غادي

[الحشيشي]

وعليكم السلام



من الفايزين اللي على روس الاشهاد=بحسن العمال الهم بشير ينادي



تحذر ولا ينفعك كثر التجهاد=ترا قدمك الايام حر و برادي

[عائض المسعودي]

وعليكم السلام ورحمة الله وبركاته وكل عااام وانتم والمسلمين بخير وعافيه

[هـــداج]

تراني جمل بالخف واطي لي اقراد=توقع قبل نشويك شوي الجرادي
ليا جا سواتك راح .. ما عنه نشاد=هجومك عرفته عندنا شي عادي

[الحشيشي]

اذا كان راسك صلف الك كيف وقناد=ولن كان عاري لك ثيابن جدادي



جمالن تساق ومثلها جمال تنقاد=والاحرار في درب السنع ماتقادي

[هـــداج]

ترى روسنا للخصم مليانه عناد=مافكك يالين تجيب بعض المبادي
جمل يدحمك بالنحر وتقول لاعاد=نعرف الحرار الشقر بأرض الحمادي

[الحشيشي]

ولاياجمل لاتختبط ونت بقياد=ولن طحت حامت لك نسور وحنادي



هبوبك شماليه وهبابه براد=ولاتشعل النيره بتفخ الرمادي

[هـــداج]

ترى بيتنا ثابت عموده والاوتاد=وصعب(ن) مطيحي ياقليل الحصادي
ترى بيتك الثاني كما حكي الاوغاد=تتفخ تنفخ ما عرفنا المرادي

[أخو جوزا]

واصلــــــــــــــــــــــوا

[الحشيشي]

انا من عتابه من عريبين الاجداد=لكن انت ابو شكلين بيض وسوادي



ونا معشق الا بنت مزموم الاتهاد=ولااذرا بحبي فالصبخ والجمادي

[هـــداج]

لو انك تصل الفرض من فوق سجاد=تكب المحاور لاتجيب الدوادي
أودعك ياصحب بلاعهد ميعاد=لكن انتبه مع غيرنا لاتمادي

[الحشيشي]

حداني علاك الوقت والوقت حداد=وانا مع قليل الربح مابغا التحادي



اذاكان خايف يطول الدرب والماد=ونفس الشجيع يهينها بالشرادي

[هـــداج]

يقال الحشيشي فاد واقول ما فاد=ياطيبه يشجع مع فريق اتحادي
فبخبرك ويش انته وانا ويش بركاد=انا بالجبل وانته تحت وسط وادي

[الحشيشي]

تكابر في نفسك وانته تحس الالهاد=جروحك عطاب ومشيها بزتيادي



يصيد الرجل مره ومرات ينصاد= وللنار رجال0 ن 0 بر و حه يفادي

[هـــداج]

أشوفك بوسط الزرع شغلتك سماد=وأنا شغلتي ظرب الفشق والهنادي
أشغلك يالتكسي على الخط كداد=وانا صاحب الشركه تجي يوم انادي

[الحشيشي]

كلام السفاهه نسمعه شي معتاد=ولو نسخبه فوق السلم والكتادي



على مثلك وشرواك بعد الامن ساد=كبر راسك وبطنك وجالك ثنادي

[هـــداج]

سمعتالكلام الي كما هرج جلاد=علومك تجيني كلها هرج دادي
يجيلي ثنادي مثل حر(ن) و وراد= الا يالحشيشي روح حط السوادي

[الحشيشي]

يهداج هات المسك والعود والكاد=مدامي عسفتك وانت ذالليل هادي


ابا اشدحمله فوق ضهره بعد هاد=وعرض سماريه الحفا والسنادي

[هـــداج]

الا يا خوي الضان سرداد مرداد=نبا نتعبك لو جبت لي جيش حشادي
عسى الله يكفي شعركم كل حساد=لكن ابتعد منته قريّب شدادي

[الحشيشي]

على كبدك المره وغامي وقداد=وسمك بلعته تحسبنه زبادي



يليتك تبدل راعي اجعود وقلاد=لجل يرفع اسوامك حمود وحمادي

[هـــداج]

فرصه سعيده يالحشيشي 000 وشكرا على الزبادي

[الحشيشي]

ونعم ي هداج على كل حال


واتشرف باللعب معك


لاتنسا السماد والقراد و0و0و


لكن الله سامحك وانا تراي اقدرك مقدار كبير 00 ولنا لقاء ان شاء الله