الناس واجد مير ما مثل الاخـوان

[خلف القثامي]

الناس واجد مير ما مثل الاخـوان
ما مثل اخوك اللي يحبـك ويغليـك
ما مثل اخوك اللي صدوق ومعوان
تفديه بالغالـي وبالـروح يفديـك
يشكي لك جروحه وهمه والاحـزان
ولا ضاقت الدنيا بهمـك يواسيـك
لو كان لك ربعٍ ونـاسٍ وجيـران
ما مثل اخوك اللي عن الناس يغنيك
أخوك هو عزك ولو كان مـا كـان
يبيع كل الناس لأجلـك ويشريـك
أنا أشهد أنه لك على الصدر نيشان
تاجٍ على راسـك وستـر يغطيـك
وانا اشهد انه ما يثاقـل بميـزان
مثل الذهب والماس مافيه تشكيـك
وانا اشهد إنه ما يقـدر بالاثمـان
عن العـدو حصـن ودرع يوقيـك
إيـاك لا تفتـح طريـق لشيطـان
بينك وبينـه جعـل ربـي ينجيـك
ولا تستمع لاجـاك عـلان وفـلان
يا كثر ما تسمع من اللـي يعاديـك
ولا تجعل لغيرك على العقل سلطان
ترى كثير اللي بشـوره يدهويـك
ترى الدهر دوار يا سرع الأزمـان
يومٍ تواريـه الثـرى أو يواريـك
تقول يا ليت الـذي كـان ماكـان
يا ليتني بالقبر جنبـك واخاويـك
يا ليتك تعود واضمـك بالاحضـان
أضمـك لصـدري واقبـل أياديـك
يا ليتك تعود ترى القلـب ندمـان
وده يسوق المعذرة ثـم يراضيـك
مير البلا يا ليت مـاردت إنسـان
ويا ليت ما تمحي ظلام بماضيـك
تماكن الدنيا وواصـل بالاحسـان
قبل الندم يطويـك والهـم يبريـك
ونهاية المشوار ما غيـر الاكفـان
ويبقى مع السارين ذكرك وطاريـك



م / نـ

[عبدالرحمن الهيلوم]

صدق والله
مشكووووووووووووووور ياخلف

[صقر الجعدة]

صح السان شاعرها
ويعطيك العافيه
ياخلف
والله انها حكم في حكم


تحياتي
صقر الجعده

[بندر النخيش]

الله يعافيك

[الدعجاني 090]

يعطيك العافيه

على القصيده ولاهنت ياخلف

تحياتي لك

[عبد العزيز العضيــاني]

الله لايهينك ياخلف


وصح لسانك


مير اليوم والله ماتجيك الرديه غير من اقرب قريب